InfoHub Logo

Burynǵy oqý-aǵartý mınıstri Ashat Aımaǵambetov elordadaǵy bedeldi JOO-nyń birinde ustazdyq etýdi josparlaýda.

«Qazir ýaqytymdy balalarymmen ótkizip jatyrmyn. Olardyń tárbıesine mán berip, balabaqsha, mektepke alyp baryp, ákelýmen aınalysyp júrmin. Jýyrda Astana qalasyndaǵy iri ári sapaly bilim beretin ýnıversıtetterdiń biri usynys bildirdi. Biraz tájirıbeńiz bar, stýdenttermen bólisseńiz dedi. Ózim pedagog, oqytýshy bolǵannan keıin maǵan ol jaqyn. Qarapaıym oqytýshy bolyp, stýdenttermen jumys isteý degen usynysty qabyldadym. Qazir qujattarmen ıaǵnı oqý baǵdarlamasymen aınalysyp jatyrmyn», - dedi Ashat Aımaǵambetov tilshi Nartaı Aralbaıulyna bergen suhbatynda.

Eks-mınıstrdiń aıtýynsha, oqytýshy bolýdan basqa da usynystar túsken.

«Jeke sektor boıynsha da, basqa da túrli usynystar bar. Usynystar boıynsha sońǵy sheshimdi jaqynda qoǵamǵa jetkizemiz. Aǵartýshylyqpen aınalysý, balalarǵa tárbıe, bilim berý, jınaǵan tájirıbemen bólisýdi qaıda júrseń de ony birge alyp júrýge bolady. Ózim óskeleń urpaqpen tájirıbemmen bólisýdi jón kórip otyrmyn», - deıdi ol.

Suhbat alýshynyń «Demek, burynǵy oqý-aǵartý mınıstri ýnıversıtette ustaz bolyp jumys isteýge daıyndalyp jatyr ma?» degen naqtylaý saýalyna A. Aımaǵambetov «Iá» dep qysqa qaıyrdy.

«Budan da basqa josparlar bar. Degenmen ázirge osyndaı sheshim. Kezinde biraz jyl ustaz bolyp eńbek etkendikten men úshin oqytýshy bolý qyzyq. Árqashanda júregime jyly ári jaqyn», - deıdi bilim mınıstrliginiń burynǵy basshysy.

Eske salaıyq, bıyl 4 qańtarda Memleket basshysynyń Jarlyǵymen Ashat Aımaǵambetov Qazaqstan Respýblıkasynyń Oqý-aǵartý mınıstri laýazymynan bosatylǵan edi.

---