InfoHub Logo

Taqyryby: Ata saltym – asyl muram
Maqsaty: 1. Oqýshylardyń boıynda halqymyzdyń rýhanı baılyǵyn sińire otyryp, ata dástúrin tanyp bilýge, ardaqtaýǵa qurmettep, maqtan tutýǵa tárbıeleý.
2. Imandylyq pen adamgershilikke, ádeptilikke, sypaıylyqqa tárbıeleý.
Kórnekiligi: Plakat, naqyl sózder.
Tárbıeshi: Qurmetti ustazdar, tárbıelenýshiler búgingi «Ata saltym – asyl muram» atty saıahat sabaǵymyzdy bastaýǵa ruqsat etińizder. Qazaq halqynyń tereń tamyrly ónegeli ádet - ǵuryp, salt - dástúrin balalar boıyna darytyp, ımandylyq, adamgershilik rýhynda tárbıeleý maqsatyndaǵy tárbıe saǵatymyzdy ashyq dep jarıalaımyn.
Týǵan soń adam bolyp,
Bilimsizden jaman joq.
El dástúrin bilmeseń,
Jurt aıtady nadan dep.
Ata - babań ardaqty,
Jamandyqqa barmapty.
Ardaq tutyp úlkendi,
Ata jolyn jalǵapty.
Biz búgingi sabaǵymyzda boıymyzdaǵy bar bilimimizdi jolymyzǵa azyq etip, «Ata saltym – asyl muram»aýylyna saıahatqa baramyz. Endeshe iske sát!

1.»Maqal - mátel» aıaldamasy.
Biz salt - dástúrimizge baılanysty maqal - mátel aıtýymyz kerek.
Sypaıynyń syry mol.
Qolyńmen istegendi moınyńmen kóter.
Jańylmas jaq bolmas, súrinbes tuıaq bolmas.
Jorǵań qatty bolsa báseke sal,
İsiń aq bolsa kópke sal.
Bir kún dám tatqanǵa qyryq kún sálem.
Jek kórgenniń jumysyn keterinde sura,
Saqtaǵanyn jese saǵynǵany keler.
Asyńa toıǵyzbasań da aq nıetińe toıǵyz.
Qutty qonaq kelse qoı egiz tabady.
Elý jylda el jańa, júz jylda qazan jańa.
Zamanyna qaraı zańy, toıǵanyna qaraı ańy.
Án «Úkili kámshat»

2. «Ádeptilik» aıaldamasy
Qane, ádeptilik jaıynda ne bilesińder. Ónerlerińdi ortaǵa salyńdar.
1 - oqýshy: Syılap úlken aǵany,
Sálem bergen balany
Kim deımiz?
Ádepti eken bul deımiz!
Kitap, dápter, qalamy
Kir shalmaǵan balany
Kim deımiz?
Uqypty eken bul deımiz!
Taýdaı bıik talaby,
Jaqsy oqıtyn balany
Kim deımiz?
Úlgili eken bul deımiz!