InfoHub Logo

Mýzyka páni muǵalimi Mektepova Jaınagýl Ermekovna

Mýzyka 6 klass
Sabaqtyń taqyryby: Qazaq válsi

Sabaqtyń maqsaty: Qazaqstandaǵy váls janrynyń qalyptasýy jaıly áńgimeleý.
Bilimdilik: Kompozıtor Latıf Hamıdıdiń shyǵarmashylyǵy týraly maǵlumat tolyqtyryp, «Qazaq válsi» ánin úıretý.
Damytýshylyǵy: Váls janrymen tanystyra otyryp, oqýshylardyń tanymdyq - is áreketin damytý, án ıirimderin durys estı bilý, melodıalyq erekshelikterin seziný qabiletterin damytý, ándi durys oryndaýǵa mashyqtandyrý.
Tárbıeliligi: Ándi tyńdatý arqyly Otanyn súıýge, rýhanı adamgershilikke, óz isine senimi mol, eńbekqor, meıirimdi, ónerli, zamanyna saı tulǵany tárbıeleý.
Túri: Jańa sabaq
Ádis – tásilderi: Suraq - jaýap, túsindirý, STO tehnologıasynyń «Alty telpek», toptastyrý ádisteri, ózin ózi baǵalaý, toptyq jumys, sergitý sáti, shyǵarmashylyq jumys.
Kórnekiligi: Interaktıvti taqta, taqyryptyq slaıdtar, vıdeo beınetaspa, stıkerler.
Pánaralyq baılanys: Ádebıet, óner, tarıh, beıneleý, horeografıa

Sabaqtyń barysy:
İ. Qyzyǵýshylyǵyn oıatý.
Klasqa oqýshylar váls áýenimen kiredi.
1. ándetip amandasý.
2. Psıhologıalyq trenıń.
- Men myqtymyn,
- Men ádemimin,
- Men ónerlimin,
- Men bilimdimin,
- Men qıyndyqtyń bárin bylaı jeńemin!
3. Interaktıvti taqtadan válstiń birneshe túrlerinen úzindi kórsetiledi.
- Balalar, qalaı oılaısyzdar, búgingi sabaǵymyzdyń taqyryby ne týraly bolady?
Oqýshylar 6 topqa bólinip otyrady. Ár toptyń aldynda telpek (shlápa) turady.
Ár topqa mynadaı tapsyrmalar beriledi.

İİ. Maǵynany taný.
- Ia, búgingi sabaǵymyzdyń taqyryby «Qazaq válsi» dep atalady. (Dáptermen jumys)
- Búgin biz toptyq jumys jasaımyz, ıaǵnı sabaǵymyzdy «Alty telpek» ádisi arqyly ótkizemiz. (№ 1 slaıd)
1. Beınetaspaǵa nazar aýdaraıyq. Bıbigúl Tólegenovanyń oryndaýyndaǵy «Qazaq válsi» áni tyńdalady.
«Aq telpek» Statısıkalyq. (Váls qalaı paıda bolǵan?, ánniń ómirge kelgen tarıhy, taǵdyry týraly ne bilesińder?)
«Sary telpek» - Sáttilik («Qazaq válsi» áni nesimen sátti shyqty. Nemese alǵashqy oryndaýshysy kim? t. b.)
«Qara telpek» - Sátsizdik (ánniń sátsiz tustaryn aıtasyzdar. Qazirgi tańda bul ánniń yrǵaǵyna jastar bıleı ma?, t. b.).
«Kók telpek» - Analıtıkalyq (Ne úshin?, Nege baılanysty? degen suraqtarǵa jaýap izdeıdi)
«Jasyl telpek» - Shyǵarmashylyq (Ánniń yrǵaǵyna váls bılep kórsetýge bolady, nemese óleń shyǵarý.)
«Qyzyl telpek» - Sezimtal (Búgingi sabaqtan qandaı áser aldyńyzdar. Bılegen bımen ánniń yrǵaǵy úılese aldy ma?) Oqýshylardyń jaýaptary tyńdalady.
Mýzyka saýaty. Yrǵaq, ólshem
- Váls neshe ólshemde? ¾ ólsheminiń shemasyn kórsetý.
- Balalar, válsti qaı kezde, qaı jerlerde bıleıdi?
- Váls yrǵaǵynda biz qandaı ándermen tanyspyz?
- Endeshe «Ana týraly jyr» ánin oryndaıyq.
- Daýys jattyǵýlaryn jasaý.
Án oryndaý. Sh. Qaldaıaqov «Ana týraly jyr»
Án úıretý. L. Hamıdı «Qazaq válsi» áni

Bilesiń be?
Jıenqulova Shara (1912 - 1991) - alǵashqy qazaq halyq bılerin jasap, sahnaǵa shyǵarǵan qazaqqa áıgili bıshi. Qazaqstannyń halyq ártisi. Óziniń alǵashqy shyǵarmashylyq jumysyn Qazaq drama teatrynyń akterliginen bastaıdy. Ol M. Áýezovtiń «Eńlik Kebek» jáne «Qaragóz» spektáklderinde Eńlik pen Qaragózdiń rólin somdaǵan. 1934 jyly Qazaqtyń opera jáne balet teatrynda jumysyn jalǵastyrady. Ol M. Áýezovtiń «Aıman Sholpan» jáne E. Brýsılovskııdiń «Qyz Jibek», «Jalbyr», «Er Tarǵyn» syndy operalaryna bı qoıady. Shara Jıenqulova 1938 jyly alǵashqy «Qalqaman Mamyr» atty qazaq ulttyq baletinde Mamyrdyń bıiniń partıasyn oryndaıdy. Sonymen qatar, «Amangeldi» kınofılminde Balymnyń rólinde oınaǵan.

Beıneleý ónerimen baılanystyrý. Belgili qyl qalam sheberi Gúlfaırýs Ysmaıylovanyń týyndysymen tanystyrý.
Sharanyń bul bıi halyqtyń ystyq yqylasyna bólenip, aıdynda qalqyp júzgen aqqýdaı áser qaldyrǵan edi. Belgili qyl qalam sheberi Gúlfaırýs Ysmaıylova Sharanyń ónerine tánti bolyp, oǵan arnap «Qazaq válsi» degen sýretin arnaıdy. Kúnniń sáýlesimen shaǵylysqan, altyn túspen kómkergen sýrette Shara myń burala bıleıdi. Sýretshi bir sátke bıdi toqtatqandaı. Biraq, bıshiniń qoly, ústindegi jarasymdy kóılegi bı qımylyn jalǵastyryp jatqandaı áser qaldyrady. Sóıtip L. Hamıdıdiń áni «Qazaq válsine» aınalyp, al sýret ónerinde ǵajaıyp qaıtalanbas jańa týyndy dúnıege kelgen eken.