InfoHub Logo

Atameken – maqtanyshym!
Sabaqtyń barysy
Uıymdastyrý. Synypta aqyryn mýzyka oınalady.
Sálemetsizder me, balalar! Kóńil - kúıleriń qandaı! Oqýshylar jaýap beredi. Búgingi sabaǵymyz senderdiń kóńil - kúıleriń sıaqty erekshe. Interaktıv taqtada Eskendir Hasanǵalıevtiń «Atameken» ániniń beıneklıpi qoıylady. Balalar qosylyp oryndaıdy. Án aıaqtalǵan soń ózara áńgimelesedi.
- Nazerke: Ǵazız mynaý qandaı keremet án!
- Ǵazız: Iá, bizdiń ata-mekenimiz, Qazaqstan týraly aıtylǵan án.
- Aıjol: Bul án bizdiń ánuranymyz ǵoı.
Tárbıeshi: - Balalar, sender óte durys aıtasyńdar, bul án bizdiń ata-mekenimiz, onyń tutastaı yntymaq, birligi, el ishiniń tynyshtyǵyna erekshe kóńil bólinip, adamzattyń jany kóterińki rýhta bolatyndaı jazylǵan án. Balalar, sender «atameken» degen sózdi qalaı túsinesińder? Balalar óz oılaryn aıtady.
Tárbıeshi: Durys aıtasyńdar, balalar, ıaǵnı bizdiń sendermen birge ótetin búgingi sabaǵymyz bizdiń týǵan jerimiz, ata-mekenimiz Qazaqstanǵa arnalady.
Keń baıtaq dalaly jerimiz,
Aq kóńil qonaqjaı elimiz.
Qazaq ıisi ańqyp turar ár jerden
Altyn, kómir, munaı baılyq kenimiz!- demekshi bizdiń atameken Qazaqstan jer betinde ulan - ǵaıyr dalany alyp jatyr, jer kólemi jaǵynan dúnıe júzi boıynsha 9 - orynda turady. Bizdiń Qazaqstannyń jer qoınaýy qazynaǵa toly, baılyǵy mol Qazaqstanda júzdegen ulttar tatý - tátti ómir súrip jatyr. Qazaqstan táýelsizdik alǵan kúnnen bastap qurmetti elbasymyzǵa senim bildire otyryp, elimizdiń damyǵan, ekonomıkasy myqty elderdiń qataryna qosylýyna septigin tıgizip keledi. 2017 - jyly Astana qalasynda ótken halyqaralyq EKSPO kórmesiniń taqyryby «Bolashaq qýat kózi» dep ataldy. Munda qazaq ekonomıkasynyń órlegenin kórsetildi. Mundaı tarıhı mańyzy bar kórmege dúnıejúzinen kóptegen elder qatysty jáne úzdik baǵa berdi.

Negizgi bólim.
Toptyq jarys. Oqýshylar eki topqa bólinedi. «Atameken» jáne «Týǵan jer» toptary. Toptarǵa tapsyrma beriledi.
1. «Atameken» toby. Taqtada dóńgelek shar tárizdes pishin ilinedi. Ortasyna «Týǵan jer bizge ne beredi?» degen suraq qoıylady. Oqýshylar onyń jan - jaǵyna túrli nur taratady. Mysaly: ishetin tamaq, kıetin kıim, jutatyn aýa, sýsyn, qýanysh, bolashaq, dári - dármek, bilim, qazba baılyq, soǵys, tóbeles, alaýyzdyq, urysý t. b. ártúrli mazmundaǵy sýretterdiń ishinen keregin kúnniń aınalasyna qoıady. Osy sѳzder nur bolyp taralady.
2. «Týǵan jer» toby. Taqtanyń ortasyna «Biz týǵan jer tabıǵatyna ne bere alamyz?» dep jazylǵan uzyn aǵash ilinedi. Ortada tabıǵatqa baılanysty ártúrli mazmundaǵy sýretterdiń ishinen kerektisin alyp, (sýretterde tabıǵatty qorǵaý, tazalaý, aıaly alaqan beınelengen) gúl kúltelin qurastyrý. Gúldiń beınesi paıda bolady. Kerek emes sýretterdi qoqys shelegine tastaý.

Maqal - máteldi jalǵastyr.
1. «Atameken» toby. El men jer …. (egiz)
El ishi – ……(altyn besik)
Jeri baıdyń …… (eli baı)
2. «Týǵan jer» toby. Eliń - …. (panań)
Jeriń - … (anań)
Jeri baıdyń - … (eli baı)
Sýret salý. Oqýshylarǵa óz týǵan aýyldarynyń sýretin salý tapsyrylady. Tapsyrma baǵalanady.
Án men kúıdi tógiltip,
Ӏnjý - marjan shashaıyq.
Qonaqtardy tańdantyp,
Ónerden kúmbez jasaıyq! degendeı balalar, endi bárimiz birge «Meniń elim» ánin oryndaıdy.

Qorytyndy. Balalar, elimizdiń táýelsizdigi tuǵyrly, elimiz eńseli bolsyn desek, ata-mekenimizdi qasterleıik. Sender, jas órender, halqymyzdyń baǵyna tigilgen kók týdy jelbiretip, nyq ustaýlaryń kerek. Ol úshin ata - baba murageri atanyp, áke - sheshe úmitin aqtaǵan, azam eldiń ul - qyzy bop, búginnen bastap qadamdaryńdy nyq basyńdar.
Sabaqtyń aıaqtalǵanyn habarlaý.

Qaskeleń qalasy oblystyq zerde buzylystary bar
balalarǵa arnalǵan mektep - ınternaty tárbıeshisi
Jumanazarova Tabıǵa