InfoHub Logo

Uıymdastyrý kezeńi.
Oqýshylardy sabaqtyń taqyryby, onyń maqsat - mindetteri jáne negizgi ádisterimen tanystyrý.
Kirispe.
Tárbıeshi:
Men onyń túnin súıem, kúnin súıem
Aǵyndy ѳzen, asqar taý, gúlin súıem,
Men onyń qasıetti tilin súıem,
Men onyń qudiretti únin súıem.
Bar jándigin súıemin qybyrlaǵan,
Bári maǵan: «Otan» dep sybyrlaǵan
Janym meniń, Keýdemdi jaryp shyq ta,
Boztorǵaıy bol onyń shyryldaǵan!
Otan! Otan!
Bárinen bıik eken.
Men ony máńgilikke súıip ѳtem.
Otandy súımeýiń de kúıik eken.
Otandy súıgeniń de kúıik eken.
Sálemetsizder me, oqýshylar! Myna óleń joldarynan neni túsindińder? Óleń joldarynyń avtory kim? Árıne, aqıyq aqyn M. Maqataevtyń Otan týraly óleńi. «Men - óz Otanymnyń patrıotymyn» atty tárbıe saǵatyna qosh keldińizder! Ia, osynaý keń - baıtaq elimizdiń shalqar kѳlderi men asqar taýlary, altyn dándi dalasy, aq kúmisteı qalasy, kenge toly ѳńiri men malǵa toly ѳrisi bar, sender sekildi bolashaǵy bar máńgilik el, týǵan jerimiz, memleketimiz - Qazaqstan dep atalady. (slaıd)

Oı - qozǵaý:
Tárbıeshi:
- Biz qandaı memlekette turamyz?
- Qazaqstan.
- Bizdiń ana tilimiz qaı til?
- Qazaq tili.
- Bizdiń tuńǵysh prezıdentimizdiń aty-jónin bilesińder me?
- Nursultan Ábishuly Nazarbaev
- Bizdiń ultymyz qandaı?
- Qazaq.
Otan - ár adamnyń júregine jyly tıer qasıetti sóz. Otan - seniń týǵan jeriń, ata - anań, dostaryń, týǵan - týystaryń. Otan – bul óziń tynys alatyn, ómir súretin, qyzmet etetin jeriń. Sondyqtan biz Otanymyz - Qazaqstandy súıemiz. Biz Qazaqstannyń patrıotymyz! Qazaqstan dúnıe júzi boıynsha jer kólemi jaǵynan 9 orynda turatyn, Eýrazıanyń kindiginde ornalasqan alyp, táýelsiz memleket. Astanasy – Astana qalasy.
Negizgi bólim:
Tárbıeshi: Memleketimizdiń óz Ata zańy bar. 1995 jyly 30 tamyzda elimizdiń jańa Konstıtýsıasy qabyldandy. Senderdiń ómirleriń, bilim alýlaryń, densaýlyqtaryń, tynyshtyqtaryńdy osy Ata zańymyz qorǵaıdy.
Tárbıeshi elimizdiń ánurany, eltańbasyna, týyna sıpattama berip, qashan qabyldanǵanyn aıtyp ótedi. «Ánuran» sózi «uran», «uran salý» degen uǵymdy bildiredi. Qazaq halqynyń ejelden - aq árbir rý - taıpasynyń tańba belgileri, jalaýymen qatar, ánurany bolǵan.
Tárbıeshi: Qazaqstan Respýblıkasy ánuranyń ánin, sózin jazǵan kim?
Oqýshylar: Ánin jazǵan Shámshi Qaldaıaqov. Sózin jazǵan Nursultan Nazarbaev, Jumeken Nájimedenov.
Tárbıeshi: Egemendi elimiz jer álemindegi basqa memlekettermen terezesi teń órkenıetti el retinde óziniń Eltańbasy, Ánurany, Týyna ıe boldy. Al, oqýshylar, QR - nyń Eltańbasynda neler beınelengen.
Oqýshylar: kún sáýlesi, kók aspan, shańyraq, juldyz, qanatty tulpar, bıdaı sabaqtary.
Tárbıeshi: Qane, balalar, osy beınelengen sýretterdi salaıyqshy. Balalar sýret sala bastaıdy.
Tárbıeshi: Olar qandaı maǵynany bildiredi.
Oqýshylar: kók aspan – keńshiliktiń, tynyshtyq pen bıiktiktiń belgisi degen sıaqty sıpattama berip ótedi.
Toptyq jumys.
Tárbıeshi: Týǵan jerimiz Qazaqstanmen qalaı maqtanamyz biz, qandaı baılyǵy bar?
Taqtaǵa kúnniń sýreti ilinedi. Oqýshylar kúnniń aınalasyna qazaq jeriniń baılyǵyn, kѳrikti jerlerin, ǵajap jerleri bar sýretterdi ile bastaıdy
Qorytyndy bólim
Oqýshylar bári: Qazaqstan, Týymen tuǵyrly, Eltańbasymen eńseli, Ánuranmen aıbatty.
Mine, balalar, búgin ózderińizdi Táýelsiz elimizdiń bolashaǵy ekenderińdi, naǵyz azamat ekendikterińdi kórsete bildińder. Belgili aqyn atamyz Juban Moldaǵalıev:
Ótkenińdi eske alsań,
Óskenińniń belgisi.
Ótkenińdi umytsań,
Óshkenińniń belgisi degen eken.
Qoryta aıtqanda, ózimizdiń jerimizdi, rámizderimizdi, Otanymyzdy qurmetteýge jáne patrıottyq sezimimizdi nyǵaıta túsýge tyrysaıyq. Elimizdiń egemendigin tanytatyn resmı erekshelik belgileri: Ana tilimiz, Eltańbamyz, Týymyz, Ata zańymyz, Ánuranymyzdy boıyndaǵy boıtumaryndaı saqtap qana qoımaı, qashanda elimizdiń, jerimizdiń erkindigin saqtar myqty urpaq, myqty azamat bolatyndaryna senimim mol.

Qaskeleń qalasy oblystyq zerde buzylystary bar
balalarǵa arnalǵan mektep - ınternaty tárbıeshisi
Jumanazarova Tabıǵa