InfoHub Logo

Atanyń sózi – aqyldyń kózi
Maqsaty:
1. Balalardyń boıynda ádeptilik pen alǵyrlyq, adamdyq qasıetterdi qalyptastyrý.
2. Balalardyń mánerlep oqý daǵdylaryn, uly ǵulamalar sózderin jatqa, mánin túsine oqý daǵdylaryn damytý.
3. Jaman men jaqsyny ajyrata bilýge, ataly sózden ǵıbrat alýǵa tárbıeleý.
Kórnekiligi: ǵulamalar portretteri, maqal - mátelder, naqyl sózder, ulttyq oıý - órnekter, gúlder, sharlar.

1 - júrgizýshi: Aıajan, búgingi kesh erekshe sıaqty, aınalańa qarasań saǵan bári aqyl aıtyp turǵandaı, onyń ústine qonaqtardyń aldynda bir túrli qysylyp turamyn.
2 - júrgizýshi: Madıar, nesine qınalasyń? Aldymen amandasaıyq «Sóz atasy - sálem» degen emes pe?
1 - júrgizýshi: Armysyzdar ustazdar, ata - analar!
2 - júrgizýshi: Barmysyńdar balalar!
1 - júrgizýshi: Búgin bizdiń mektebimizde ulttyq tárbıeniń bir aıshyǵy retinde ótkeli otyrǵan «Atanyń sózi – aqyldyń kózi» ádebı tanymdyq keshimizge qosh kelipsizder!
2 - júrgizýshi: Endeshe, búgingi keshke kelgenderińizge tipten de ókinbeısizder, sebebi, kóptegen ataly sózder men aqyldyń kózi, babalar ósıetimen tanysasyzdar, ásem án men bı de tamashalaısyzdar.
1 - júrgizýshi: Halqymnyń áni qandaı, jyry qandaı,
Sheshenniń nári tamǵan tili baldaı
Shymyrlap ón boıyńa taraıtuǵyn
Al bıi názik jandy balqytqandaı, - dep «Qazaq» bıin tamashalaısyzdar!
1 - júrgizýshi: Olaı bolsa, kórermenderdi keshimizdiń barysymen tanystyraıyq. 1 - kezeń «Men atamnyń jalǵasymyn...»
2 - júrgizýshi: 2 - kezeń «Maqal - sózdiń máıegi»
1 - júrgizýshi: 3 - kezeń «Eskirmeıtin esti sóz»(sahnalyq kórinis)
2 - júrgizýshi: 4 - kezeń «Altyn saqa» maqal jalǵastyrý oıyny
1 - júrgizýshi: 5 - kezeń «Asyldyń sózi - aqyldyń keni»
2 - júrgizýshi: 6 - kezeń «Ulylardan qalǵan uly sóz»
1 - júrgizýshi: 7 - kezeń «Ónerliniń órisi keń» (sahnalyq kórinis)
2 - júrgizýshi: Mine, qurmetti kórermender, bizdiń boıymyzǵa halqymyzdyń tálim - tárbıesi ananyń aq sútimen, áje ónegesimen, atalar aqylymen berilip, ózindik qasıetimizdi qalyptastyrady.

1 - júrgizýshi: Endeshe, « Men atamnyń jalǵasymyn» bólimine qulaq túrelik.
1. Atam maǵan ámánda,
Ádepti jan bol degen.
Atamnyń sózi sanamda,
Jasy úlkenge jol berem.
2. Aldyn orap kisiniń,
Kesip ótpe kóldeneń.
İzetimen kishiniń
Sálemdesip qol berem
3. Atam maǵan ámánda,
Kishipeıil bol degen.
Atamnyń sózi sanamda.
Maqtanbaýdy jón kórem.
4. Atam maǵan ámánda,
Ádiletti bol degen
Atamnyń sózi sanamda
Júrmin týra jolmenen.
5. Qaldyratyn uıatqa,
Jalǵan sózge tózbeımin
Jetkizedi muratqa
Tek shyndyqty kózdeımin.
6. Eı, tákappar dúnıe
Maǵan da bir qarashy.
Tanımysyń sen meni?
Men qazaqtyń balasy.
7. Atań bolsa anańmen
Altynnan soqqan qorǵanmyn.
Sanań bolsa aqyldy,
Eshkimnen kem bolmadyń.
8. İniń bolsa maqalshy
Semser qylysh bilegiń.
Aqyldy qyz, aqyldy ul –
Ókpe, baýyr, júregiń.

1 - júrgizýshi: Atasynyń erke qyzy Jibektiń oryndaýynda «Balalyq» ánin qabyl alyńyzdar!
2 - júrgizýshi: Madıar, bizdiń balalar maqal - mátel týraly ne biledi eken? Olaı bolsa, «Maqal – sózdiń máıegi» bólimine kezek bereıik.

1. Qazaq – oıǵa kósem, tilge sheshen aqyn halyq. Maqal - mátelder qazaq halqynyń ádet - ǵurpyn, uǵym - senimin, dúnıege kózqarasyn kórsetetin ómir tájirıbesimen, tirshilik tanymynan túıip túziledi.
2. Maqal - mátelder – atadan qalǵan asyl muramyz, aýyzsha jetken halyq shyǵarmasy. Maqal - mátelder sóz máıegi ǵana emes, ult tárbıesi quraly retinde qoldanylady.
3. Maqal - mátelder balalardy ultjandylyqqa, otansúıgishtikke, baýyrmaldyqqa, batyrlyq, erlik qasıetin uǵynýǵa, boıǵa sińirýge kómektesedi.
4. El aýzynda, jazba ádebı shyǵarmalarda jáne baspasóz betterinde maqal - mátelder sıaqty « Toqsan aýyz sózdiń tobyqtaı túıinin» bildiretin naqyl, qanatty sózder kóp kezdesedi.
5. Mundaı qanatty naqyl sózder maqal - mátelderge óte uqsas. Bulardyń ózara jaqyndyǵy sonsha, ishki - syrtqy qurylysy, mazmuny jaǵynan bir - birinen ajyratý qıyn.
6. Keıde jeke adam aıtqan nemese, belgili bir oqıǵadan, qubylystardan shyqqan, tarıhı deregi bar naqyl sózder maqal - mátel retinde aıtylady. Naqyl sózder erte kezden, qazirgi kúnge deıin aıtylyp keledi.
7. Ótkir, tapqyr naqyl sózder – tilimizdi baıyta túsetin halyqtyń asyl qory. Onyń jurtshylyq úshin paıdasy men atqaratyn róli zor.
8. Aqyn - jazýshylardyń ishinde qanatty sózder qorynyń molyǵýyna, ásirese, Uly Abaı, «HH ǵasyrdyń Gomeri» atanǵan Jambyl, batyr Baýyrjan, Sábıt Muqanov, Muzafar Álimbaev, Qadyr Myrzalıev esimderin erekshe ataýǵa týra keledi.

Án: Ana tilim
1 - shi júrgizýshi, Adamnyń sáni – óner - bilim, aqyly,
Jerdiń sáni – jemis, ónim daqyly.
Sózdiń sáni – ónegeli ótkir naqyly.
Pikirdiń sáni – eń paıdaly maquly.

1 - júrgizýshi: Kelesi kezekte «Eskirmeıtin esti sóz» (Sahnalyq kórinis) A: Sálemetsiń be, Aqtorǵyn. «Sálem – sózdiń anasy» demekshi sálem berýge keldim.
Aqtorǵyn: Amansyń ba, Aıajan. «Qýys úıden qur shyqpa» degen tizeńdi búgip, dám aýyz tı.
Aıajan: «Syılap bergen sý, satyp alǵan baldan artyq» degendeı otyraıyq.
Aqtorǵyn: «Syıǵa syı, syraǵa – bal» demekshi, ótkende ózderińizge rıza bolyp qaıttyq qoı.
Aıajan: «Az da biter, kóp te biter, tatýlyqqa ne jeter» demekshi - tatýlyq pen aýyz birlikke ne jetsin.