Atyshýly 67 mektepte ata-analar ustazdardy qoldady
Jalpyulttyq ata-analar jınalysy Astanadaǵy nómiri 67 gımnazıada erekshe ótti. Bilim oshaǵynyń aldyna jınalǵan bir top ata-ana ustazdardy qoldap, mektep dırektorynyń jumystan ketýin talap etti. "Aqsha jınaýdan sharshadyq" - degender basshy ornynan ketpese, balalarymyzdy sabaqqa jibermeımiz dep otyr. Al dırektor Álfıa Musaevanyń ózi syrqattanyp qalǵan kórinedi.
Astanadaǵy nómiri 67 mektep dırektorynyń jumystan ketýin endi ata-analar talap ete bastady. Búgin gımnazıa aldyna jınalǵan narazy top, mektep basshysy Álfıa Musaevany "zańsyzdyqtarǵa jol berdi" - dep aıyptaǵan ustazdardy qoldaıtyndyqtaryn aıtty. Ata-analar da bilim oshaǵynyń túrli nárseni syltaýratyp aqsha jınata beretini bárimizdi sharshatty deıdi...
RINA AMANBEKQYZY, Astana qalasynyń turǵyny:
- Biz sýǵa da, sabynǵa da týaletnyı býmagaǵa da jınaımyz. Bárin bala úshin istedik osy kúnge deıin. Bizdiń muǵaimder qoryqqannan úndemeı otyrady. Biraq shyndyǵynda aqsha jınaǵanbyz.
Ata-analar mekteptegi zańsyzdyqtardy muǵalimder ashyq aıta bastaǵannan keıin biz de tynysh otyra almadyq dep otyr. Jáne Álfıa Musaeva dúısenbige deıin qyzmetinen ketpese, balalarymyzdy sabaqqa jiberýden bas tartamyz degen talaptary da bar. Ustazdar da ótkendegi aıqaı-shýdan keıin mektepten maza ketkenin aıtady. Prokýratýra muǵalimderdi shaqyrtyp túsinik alýdy bastaǵan. Al, dırektor Álfıa Musaeva janjaldan keıin naýqastanyp, demalysqa ketken kórinedi...
MAǴZIA BAZARBEKOVA, Astana q. №67 mektep-gımnazıasynyń muǵalimi:
- Ótken jolǵy jınalystan keıin dırektor jumysqa kelgen joq, Bizge bolnıchnyıda dep aıtty. Jumys isteý qıyn Psıholıgıalyq turǵydan. Balalardyń mazasy ketip tur. Barlyq kúshimdi jınap berip shyǵamyn.
Ujym da, oqýshylar men ata-analar da qınalyp jatqanda mektep dırektorynyń qaıda júrgeninen mınıstrlik te habarsyz bolyp shyqty. Ustazdardyń ashyq hatymen tanysqan vıse-mınıstr bul daý týraly jarytyp eshteńe aıta almady...
ELMIRA SUHBANBERDIEVA, QR Bilim jáne ǵylym mınıstriniń orynbasary:
- Búgin bilim basqarmasynyń basshysymen sóılestim, 67 mektep týraly. Olar ózderi sheship, baıandaıdy. ázirge eshteńe aıtpady.
Al ustazdardyń aıtýynsha, bilim basqarmasy aryzdary boıynsha mektepte eshqandaı tekseristi bastamapty. Sheneýnikterdiń eshqandaı shara qoldanbaı, tynysh otyrýy kúdik uıalatady deıdi ustazdar. Muǵalimder de, ata analar da oqý jyly aıaqtalǵansha dırektor ornyn bosatyp, aıqaı shý aıaqtalsa dep qana tileıdi.
Derekkóz: 31-arna
You Might Also Like
-
Shymkent agrarlyq kolejiniń TK9-162 tobynyń stýdenti Vakasova Nesibeli Ǵylymı jetekshisi - Jaqyp S.D.
