InfoHub Logo

Maqsaty: Tilashar merekesiniń mánin ashý. Álippeden alǵan bilimderin tıanaqtaý.
Mánerlep aıtý men sahna mádenıetin qalyptastyra túsý.
Uıymshyldyqqa, ujymdyqqa, alǵyrlyqqa tárbıeleý.
Kórnekiligi: sharlar, gúlder, naqyl sózder t. b
Barysy: İ. Uıymdastyrý kezeńi
- Kóńildi áýen qoıylady. – Kelgen qonaqtardy qarsy alý.
Muǵalimniń kirispe sózi:
- Men sózimdi Farıza Ońǵarsynovanyń «Bilim kerek bárine» atty óleńimen bastaǵym kelip otyr:
Zymyrandy basqaryp,
Kók júzine samǵasam.
Taýdy buzyp, tas jaryp,
Muhıttardy jalǵasam.
Tańdandyrar bar eldi,
Ǵajap úıler sala alsam,
Jasartatyn ájemdi
Dári de oılap taba alsam,
Syrlary kóp ǵylymnyń
Sheshilmegen áli de,
Tereńdigi bilimniń,
Kerek eken bárine – demekshi búgin sizder osy mekteptiń 2 aı buryn ǵana ımene bosaǵasyn attaǵan jas búldirshinderdiń «Tilashar» merekesine jınalyp otyrsyzdar. Búkil bilim, ǵylym soqpaǵynyń basy bolǵan «Álippe» oqýlyǵynyń álipbıindegi birshama áriptermen tanysyp, saýattaryn ashyp, jaza da, oqı da alyp otyr. Eger osy balalardyń tilimen aıtatyn bolsam:
Kip-kishkentaı balamyn,
Altydan asyp baramyn.
Sómke alyp moınyma
Mektepke men baramyn.
Men oqýshy bolamyn,
Jaqsy baǵa alamyn.
Taýdaı úlken talabym,
Sodan jaqsy sabaǵym.
Álippeni bitirýge aldymyzda áli biraz ýaqyt bar. Sondyqtan, aldaǵy ómirge bastaıtyn kóp belestiń biri. Endeshe, bizder úshin, sizder úshin úlken saltanatty mereke. Tilashar toıy qutty bolsyn!

Ortaǵa júrgizýshi oqýshylar shyǵady.
Aımaǵanbet:
Qýanysh búgin mereke
Shýaǵyn shashyp tur álem.
Tilasharǵa kelgen qýanyp,
Qonaqtar sizge myń sálem!
Aıaýlym:
- Armysyzdar ardaqty ata – analar, aıaýly ustazdar! Búgingi bilim merekesi «Tilashar» qutty bolsyn.
Shashý, shashý shashaıyq,
Aq sandyqty ashaıyq.
Bul mereke, bul toıdyń
Bastańǵysyn jasaıyq.

Aımaǵanbet:
Ótti qyzyq, kóp kúnder,
Jeti jasqa jettińder.
Keldińder de mektepke
Bir belesten óttińder.
Aıaýlym:
Ósti mine boılaryń,
Ósti mine oılaryń
Qýanyshqa ortaqpyz
Qýanyshqa ortaqpyz
Qutty bolsyn toılaryń!

Osy kezde zalǵa shýlaǵan balalarmen Jalqaýbek kiredi.
Aımaǵanbet:
- Bul ne shý? Ne bolyp qaldy?
«Jalqaýbek» áni oryndalady, balalar Jalqaýbekpen birge bıleıdi.
Aıaýlym:
- Jalqaýbek senbisiń? Balalardyń bári mektepke jınalmaqshy, sen nege barmaısyń? Sómkeń qaıda?
Aımaǵanbet:
- Bar, sómkeńdi ákel, mektepke barasyń?
Jalqaýbek sómkesin alyp keledi. İshinde tamaq, oıynshyq, t. b
- Oı, mynaýyń jaramaıdy. Sen sómke ne úshin kerek ekenin áli bilmeıdi ekensiń ǵoı. Endeshe qara bizdiń balalar sen úshin «Portfel» ertegisin kórsetedi.
Rolderde:
Avtor: Aıaýlym
Dápter – Araı
Qaryndash - Nurtilek
Álippe - Ásem
Qalam – Jannur
Sýret dápter - Nazym
Óshirgish - Záırash
Jalqaýbek: balalar, senderge ertegi unady ma? Maǵan unady. Rahmet. Men bul quraldardy uqypty ustaımyn, renjitpeımin.
Kitaptar da, qalam da,
Kóp bolatyn aǵamda.
Mende buryn joq edi,
Ákeldi apam maǵan da.
Tazalap jýyp basymdy,
Tarap qoıdym shashymdy
Bola qaldym lezde
Bolat aǵam sekildi.
Men de kitap alamyn
Men de oqýǵa baramyn.
Jaman bala degizbeı,
Jaqsy oqıtyn bolamyn!
Aımaǵanbet:
Balalar, mektepke alǵash kelgende ustazdan keıingi aqylshymyz ne boldy?
Balalar hormen:
Bolashaqqa jol bastar
Ol súıikti Álippe!
- Olaı bolsa, bárimizge súıikti, aıaýly Álippemizdi ortaǵa shaqyraıyq!

Hormen: Álippe, Álippe!
Álippe:
- Armysyńdar, jas dostar!
Armysyzdar, ata - ana!
Bolashaqqa jol bastar,
Álippeń keldi ortaǵa.
Bilim degen ǵajaptyń
Álippesin meńgergen
Keleshegi qazaqtyń
Bastalady senderden.
Jaqsy bilim - kórimdik
Bolsyn bizge halaıyq.
Ne úırenip, ne bildik
Qane, ortaǵa salaıyq!
Aımaǵanbet:
- Iá, Álippe! Biz de seniń áripterińmen tanysyp dybystardan býyn, býyndardan sóz, sózden sáılem qurap, júrgizip oqýǵa, baılanystyryp sóıleýge, saýatty jazýǵa úırenip qaldyq.
Aıaýlym: Án. «Álippe» Oryndaıtyn: hor
Aıaýlym: Álippe, biz sizge ózimizdiń ne úırenip, ne bilgenimizdi kórsetkimiz kelip tur.
Álippe. Al jybyrdy tastaıyq,
Aýyzymyzdy ashpaıyq.
Turǵan myna qasqaıyp,
Basqy áripten bastaıyq.
Nurtilek: Bas áripke inimin,
Daýystynyń birimin
Á degeniń «Álippe»
Bastaýy bar bilimniń.

Ǵabıt: Álippe menen bastalyp,
Bolǵan ózim bas árip.
Mereke, dýly jıyndy,
Júremin árkez basqaryp.
Jalǵas: Ǵaryshkeri ǵalamnyń
Namysty eri dalamnyń
İzbasary bolamyn
Toqtar syndy aǵanyń
Elarys: «Baqyt ne» dep surasańyz atadan
«Baqyt ne» dep surasańyz anadan
Baqyt degen sol der edi oılanbaı
Esh jamandyq kórmeý týǵan baladan.
Sultan: Jaıyq, Edil - eki sý
Dushpan tize búkken jer.
Jer jánnaty - Jetisý
Elim týyn tikken jer.
Ajar: Inabat pen ıba da
Ol turady basynda.
Kúlli adamzat syılaǵan,
Imandylyq bar sonda.
Aıaýlym: N degenim naǵashym
Buǵan bolmas talasyń.
Kelgende úıge naǵashym
Qýanady anashym!
Aıym: Qazaq batyr el deımin
Ul men qyzy er deımin.
Otanymdy, jerimdi
Men eshkimge bermeımin.
Aqtoty: Kók aspandaı kókpenbek
Qazaqstan dalasy
Kók emes ol tekten tek
Eldiń ashyq qabaǵy

Nazym: Qazaqstanym qasterli máńgi dastanym,
Paraqtap seniń kıeńdi uǵa bastadym.
Sen meniń barym, baǵym, arymsyń
Halqyma ár kún beıbit bolsyn aspanyń!
Bult baspasyn kúnimdi
Tartylmasyn órisim.
Bıik ustaý týymdy
Qasıetti boryshym!
Ásemgúl: Mekteptiń ádemi ǵoı ár sabaǵy
Qyzyq aý ásirese án sabaǵy
Shárıpa, Shara bolyp bı bılese,
Kúlásh bolyp án salady.
Aqnur: Tártipti bala - súıenish
Tóbeń bir kókke jetedi.
Tártipsiz bala - kúıinish
Tómendep basyń ketedi.

Ulan: Qasterlegen jurtymyz
Qazy, qarta, qurtymyz.
Shól qandyrar bal qymyz
Qatyǵy men qaımaǵy
Bári menen bastalyp,
Dastarhanyń jaınady.
Álippe. Balalar, men senderdi ózimniń dostarymmen tanystyraıyn. Ortaǵa «Ulan»,
«Aıgólek» jýrnaldaryn shaqyramyn. Balalarǵa aıtar aqyl keńesterimiz
bar deıdi. ( Aıgólek festıváli týraly aıtý.)
Aımaǵanbet: Qyrǵyz áni «Jylqyshyǵa» qoıylǵan bı «Jylqyshy»
Oryndaıtyn: uldar toby
Aıaýlym: Án: «Otan» Oryndaıtyn: hor
Aımaǵanbet: Jabyrqaýdy bilmeımiz
Jalqaýlyqty súımeımiz.
Biz talapty jas ulan
Úlgi alamyz jaqsydan Án «Kúz – jomart» Oryndaıtyn uldar toby
Aıaýlym: Árqashan dos, birgemiz
Ajyramas irgemiz.
İlgeri júrińder,
Dostyq jyryn bilińder.
Tý ǵyp ustap birlikti
Eńbekti súıińder! Dúısenbıevtiń sózine jazylǵan Izatovtyń áni
«Biz - ómirdiń gúlimiz» Oryndaıtyn: Qyzdar toby

Aımaǵanbet: Qara jorǵa bılemeı
Bıdiń sáni keler me? - dep jyrlamaı ma? Endeshe búgingi bilim toıynda «Qara jorǵa» bılemeımiz be?
Qoshemetpen qol soǵyp, balalardy qarsy alaıyq!
Aıaýlym: Balalar, Álippe oqýlyqtaryń senderge arnap «Qaz - qaz, balam» ánin oryndamaqshy. Álippe oqýlyǵyn ortaǵa alyp, dóńgelenip bılep jibereıikshi.
Aımaǵanbet: Kezek «Kel, oınaıyq» bólimine de kelip jetti.
Muǵalim oqýshylarǵa oıyn oınatady. Jeńimpazdarǵa syılyq taratylady.
Aıaýlym: Án: «Sálem saǵan, mektebim»
Oryndaıtyn: Elarys, Nurtilek, Ǵabıt
Aıaýlym: Qurmetti ata - analar, ustazdar! Sizderdiń aldaryńyzda 1 - shi synyp oqýshylary Aımaǵanbettiń oryndaýyndaǵy «Alǵashqy ustaz» ánine váls bılemekshi. Sebebi Jibek muǵalim, bizdiń de alǵashqy ustazymyz bolatyn. Ystyq yqylaspen qol soǵyp qoshemettep otyryńyzdar!

Aımaǵanbet: Ata - ana! Qýanyshqa ortaq bol!
Saýatty bolyp shyǵar áli balańyz!
Búgingi kesh ár úıdiń toı basy bolyp sanalar.
Balalardyń esimi áýletterge taralar.
Yrym etip sondyqtan, erteńgilik sońynda
Aq tilekpen barshaǵa tilek aıtar ata - ana!