InfoHub Logo

Qyzylorda oblysy, Qazaly aýdany,
Qazaly aýyly, №100 orta mektebiniń
bastaýysh synyp muǵalimi Temirbaeva Gúlmıra Qulymjanqyzy

Sabaqtyń taqyryby: Aýdan. Fıgýralardyń aýdandaryn salystyrý
Sabaqtyń mindetteri:
- Balalardy «aýdan» uǵymymen tanystyrý jáne aýdandardy salystyrýdyń qarapaıym ádisterin anyqtaý.
- Kóbeıtý amalyna baılanysty esepterdi shyǵarý biliktiligin bekitý.
- Salystyrý, qatar qoıý, qorytyndy jasaý biliktiligin damytý.

Sabaqtyń jospary:
I. Uıymdastyrý sáti.
- Káne, sabaǵymyzdy bir - birimizge jaqsylyq tileýden bastaıyq. Balalar, júrek tustaryńdy ustańdar. Qoldaryńdy keýdelerińe qoıyńdar. Qalaı soǵyp turǵanyna qulaq túrińder: dúrs - dúrs. Júrekterińniń ornynda meıirimdi kúnniń bir bólshegi tur dep elestetińder. Onyń jyly da jarqyn sáýlesi denelerińe, qoldaryń men aıaqtaryńa taralýda. Kóptigi sondaı, boıymyzǵa syıatyn emes. Kelińder, azdaǵan jylý men jaryqty bir-birimizge syılaıyq. Al kúlimsireý arqyly bir - birimizge jaqsylyqty da tileıik.

II. Ótken sabaqty qorytyndylaý.
1. Aýyzsha sanaý.
- Esterińde bolsyn, aýyzsha sanaýsyz,
Kez kelgen jumys alǵa baspaıdy.
- Chebýrashka qonaqqa keldi. Ol haıýanattar baǵynyń janynda otyryp, bılet satýda, bıletterde nómirdiń ornyna sandy órnekter jazylǵan. Ár bılettiń nómirin bilińder. Qalaı eseptegenderińdi túsindirińder.
1) 5 * 3
2) 2 * 2
3) 4 * 2
4) 6 * 2
5) 7 * 3
6) 5 * 4
7) 33 + 250
2. Órnek quryńdar jáne onyń mánin ár túrli tásilmen tabyńdar:
3 + 3 + 3 = 9
3 * 3 =9
3 * 2 = 6
2 + 2 + 2 = 6
2 * 3 =6
- Neshe tabaqsha kórip tursyńdar?
- Ondaǵy almalar neshe tabaqshadan?
- Sheshýdiń qandaı tásilderin aıta alasyńdar?
- Eń qolaıly tásil qaısysy?
3. Jańa materıaldy ótýge daıyndaý.
10sm = ___ dm
2 m 5sm = ____ sm
2 s 50 kg = _____ kg
3dm 2sm = _____ 3dm 5sm
3 m 2dm 5 sm = ____ 32dm
- Sender qandaı shamalardyń birlikterimen jumys istedińder? (uzyndyq, massa).

III. Jańa materıaldy túsindirý.
1. – Biz búgin taǵy bir shamamen tanysamyz, onyń aty – aýdan. Bul shama fıgýranyń jazyqtyqtan alatyn ornyn bildiredi.
- Men ústeldiń aýdany oqýlyqtyń aýdanynan úlkenirek, dápterdiń aýdany taqtanyń aýdanynan kishirek dep aıta alamyn. Muny qalaı dáleldeýge bolady?
- Ózderiń mysal keltirińder.
2. Oqýlyqpen jumys №1
- Sýretke qarańdar. Aýdandardy salystyr. Suraqtarǵa jaýap ber.
- Ekinshi fıgýranyń ústine tolyǵymen qoıýǵa bolatyn bir fıgýranyń aýdany týraly ne aıtýǵa bolady? Qorytyndy jasańdar. Ony oqýlyqtaǵy jaýappen salystyryńdar.
- Aýdandardy basqa tásilmen salystyrýǵa da bolady. 1 jáne 2 - sýretterde birdeı fıgýralar nesheý ekenin sanańdar. Aýdandar týraly ne aıtýǵa bolady?
- 2 - sýrettegi eki fıgýranyń aýdandary teń dep aıtýǵa bola ma? Nege?

IV. Materıaldy bastapqy bekitý.
1. №2, №3, №4 materıaldar negizinde praktıkalyq jumys.
2. Praktıkalyq jumysty juptasyp oryndaý.
Árbir jupqa geometrıalyq fıgýralar beriledi:
- Búgin geometrıalyq fıgýralar senderdi naǵyz synaqtan ótkizbekshi. Salystyryńdar jáne bir - birińe dáleldeńder: qaı fıgýranyń aýdany úlkenirek nemese kishirek? (Keıbir juptarǵa birdeı fıgýralardy berý kerek)

V. Sergitý sáti.
Kóbelek turyp ertemen,
Kúlimsirep kerildi.
Bir – shyqpen betin jýyndy,
Eki – shyr aınalyp buryldy,
Úsh – eńkeıip jerge jetti,
Tórt degende ushyp ketti.
VI. Ótilgen materıaldy qaıtalaý.
1. №6 teńdeýdi sheshý.
2. Esepterdi shyǵarý.
a) №5 eseptiń qysqasha sharty.
b) Shyǵarmashylyq tapsyrmany oryndaý.
jaýaby:

v) Óz betinshe jumys №9.
- Altyburyshtyń perımetrin esepte. Senderge qandaı tásilmen sheshken qolaıly? Nege?
2 + 2 + 2 + 2 + 2 + 2 = 12 (sm)
2 * 6 =12 (sm)
VII. Sabaqty qorytyndylaý.
- Sabaqta qandaı kóńil kúımen jumys istedińder?
- Qandaı jańa bilim aldyńdar?
- Eger sabaq unasa, kóńildi kúndi alyńdar, onyń bizge jylý sylaǵanyn umytpańdar. Al eger kóńilsiz bolsańdar – kóńilsiz kúndi alyńdar.
- Jaqsy jumys istegenderiń úshin jáne bir - birimizge qýanysh syılaǵanymyz úshin rahmet!
VIII. Úıge tapsyrma: №7, №8(2), №11.