InfoHub Logo

Synyp: 10
Tárbıe saǵaty: «Aýǵanstan - jýrektegi jara»
Maqsaty:
Bilimdiligi: Aýǵan oqıǵasynyń tarıhı maǵynasyn ashyp, oqýshylarǵa túsindirý.
“Aýǵan soǵysy” – jaıly tereńirek bilip taný, soǵys ardagerleri týraly málimet alý.
Damytýshylyq: Tarıhı derekterdiń mańyzdysyn asha bilýge jáne materıaldardy dıalektıkalyq turǵydan taldaı bilýge daǵdylandyrý.
Tárbıelik: Táýelsizdik jolynda kúresken aǵa - apalarymyzdyń erligin keıingi urpaqqa úlgi ete otyryp, oqýshylardy ultjandylyqqa, otanyn súıýge tárbıeleý.
Ádisi: eske alý sabaǵy
Kórnekiligi: Taqyrypqa saı slaıd. Interaktıvtik taqta.

Sabaq baǵdarlamasy:
1. Otan týraly óleńder (elimiz týraly vıdeorolık)
2. Aýǵanstan soǵysy tarıhy týraly baıandama (vıdeorolık)
3. «Qanjardan qutqarǵan qazaq tili» (kórinis)
4. Aýǵanstan soǵysynyń ardageri Qaldjanov Qoshyq Júzbaıuly týraly málimet (Slaıd)
5. Kúı «Keroǵly»
6. «Táýelsiz Qazaqstan» (vıdeorolık)
7. Qorytyndy

Sabaq júrisi: Ashylýy
Júrgizýshi - Qaırat:
Sol Aýǵanda talaı dosty jerledik
Qarly shyńǵa kún tún demeı órledik
Surapylda erledik te sherledik
Namys týyn qoldan biraq bermedik
Armysyzdar qymbatty ustazdar, oqýshylar jáne búgingi kezdesýimizdiń asa qurmetti qonaqtary!
Nurseıit: Batyrlyqqa ýyzynan jaryǵan,
Er tórkini baıraǵynan tanyǵan.
Ózi aqyn, ózi ánshi halyqta
Kim aıta alar
Bolmaǵan,- dep - Ánuran?!
Ánuran oryndalady.

Júrgizýshi - Qaırat:
Soǵys jan alyp – jan berý
Soǵys halyqtyń basyna kelgen qasiret, jut
Keńes áskerleriniń Aýǵan jerinen shyǵarylǵanyna 25 jyl tolýyna baılanysty
«Aýǵanstan - júrektegi jara» taqyrybyndaǵy keshimizdi ashyq dep jarıalaımyz.
Júgizýshi - Aqmonshaq:
1989 jyly, Aqpan aıynyń 15 - de talaı analardy perzentterden aıyrǵan, myńdaǵan jerles baýyrlarymyz qaza tapqan qasiretti de, qaıǵyly da «Aýǵan soǵysy» aıaqtaldy. Jyldar ótkenimen jaýyngerlerimizdiń óshpes erligi el esinde saqtalýda. Búginde «Aýǵan soǵysy» qajet pe edi? degen suraqtar kóp qoıylǵan kezde, biz jastar, elimizdiń sol soǵysqa qatysqan uldaryn Otan aldyndaǵy boryshtaryn adal atqarǵan azamattar dep qurmet tutamyz.
(Elimizdiń tabıǵaty týraly slaıd kórsetiledi.)

Gúljaına: Kóp aýzynan túspeıtin,
Otan degen nemene?
Onyń tulǵa, tús, keıpin
Dostym, bilgiń kele me?

Rahymjan: Otan - seniń ata - anań
Otan - dosyń, baýyryń,
Otan - ólkeń, astanań,
Otan - aýdan, aýylyń.
Otan - tarıh, Otan - til,
Jasaǵan eliń, óz halqyń!
Otan - óleń, Otan - jyr
Kótergen kókke el dańqyn.
Otan - osy, dostarym,
Kóńilge muny túıe bil!
Otan dep ósip jan - jaǵyń,
Ony ardaqtap, súıe bil!