InfoHub Logo

Sabaqtyń taqyryby: «Meniń Qazaqstanym»
Sabaqtyń maqsaty: 1. Bilimdilik. Oqýshylardyń otan, týǵan jer týraly túsinikterin keńeıtý.
2. Damytýshylyq. Sóz qoryn, aqyl - oıyn molaıtý.
3. Tárbıelik. Adamgershilikke, otansúıgishtikke, ultjandylyqqa tárbıeleý.
Sabaqtyń kórnekiligi: maqal - mátelder, slaıd, sharlar, jalaý, ánuran mýzykasy, sýretter.
Sabaqtyń ádisi: suraq - jaýap, túsindirý

Sabaqtyń júrisi:
İ. Uıymdastyrý.
Oqýshylar nazaryn sabaqqa aýdartý, eki qatarǵa bólip otyrǵyzý. Oqýshylardyń basynda kók pılotka, moıyndarynda kógildir galstýk taǵylǵan

İİ. Negizgi bólim.
Muǵalim: Tyńda, dúnıe ǵalamat, bar adamzat!
Búgin bizdiń synypta dýmandy kún!
Barlyǵyńyzǵa daýystap uran aıtyp,
Toılaımyz synyptaǵy tárbıe saǵatyn.

Qymbatty ustazdar, ata - analar búgingi 4 «A» synybynyń «Meniń Qazaqstanym - meniń bolashaǵym» atty tárbıe saǵatyna qosh kelipsizder!
Merýert: Batyrlyqqa ýyzynan jaryǵan
Er túrkini baıraǵynan tanyǵan
Ózi ánshi, ózi aqyn halyqta
Kim aıta alar bolmaǵan dep ánuran.
Aqbergen: Synyp qatar túzep, tik turaıyq! Qazaqstan Respýblıkasynyń Memlekettik ánurany shyrqalsyn!
Oqýshylar hormen mýzykanyń súıemeldeýimen ánurandy shyrqaıdy. Ánuran aıtylǵanda ınteraktıvti taqtadan Qazaqstan Respýblıkasynyń týy, elbasy sýreti, Ata zań, Astana qalasy, ondaǵy eskertkishter, qazaq ǵaryshkerleriniń sýretteri kórsetiledi.
Merýert: Elimiz egemendigin alǵan kúnnen bastap óz tili, óz ánurany, óz eltańbasy, óz týy, óz teńgesi, ózindik salt - sanasy men óz shekarasy belgilengen derbes kúıge endik. Osy kúndi ǵasyrlar boıy jaýymen arpalysyp kelgen ata - babalarymyz qalaı ańsady deseńizshi!
Aqbergen: Ia, Merýert biz ata - babalarymyzdyń armanyna jettik. Etek jeńin jınaǵan, kórshilerimen tatý – tátti ómir súrgen el boldyq. Kókshedeı sulý tabıǵaty, Kaspııdeı keń aıdyny, Alataýdaı asqary bar sulý tabıǵat bizde desek artyq aıtpaımyz.
Merýert: Ras, sulý tabıǵat, baı ólke bizde. Ony aqyn jyrlary da rastaı túskendeı.
Yrǵalǵan jas janymda gúl bop jaınap,
Senbisiń Qazaqstan degen aımaq?
Senbisiń dúnıeni dúr silkintip,
Ómirdiń dýman toıyn jatqan toılap
Aqbergen: Ata - babalarymyz jyldar boıy ańsaǵan kúnin, kútken tańyn bizder, búgingi urpaq qadirlep, osy kún úshin kúresken azamattarymyzdy eske alyp, erteńgi kúnimiz búgingiden de jarqyn bolsyn dep armandaımyz!
Merýert: Táýelsiz eldiń jyryn jyrlap ǵaryshtan
Qazaǵymmen búkil álem tanysqan
Keleshegi keń óristi kemeldi
Jaına máńgi Qazaqstan gúlstan!
Aqbergen: Qyzyl bulttaı kórseń qyrdyń gúlderin
Kórseń ashyq Alataýdyń kúnderin
Jerinde gúl, kóginde kún bir júzgen
Ulan – baıtaq Respýblıkam bul meniń!
Merýert: Bizdiń tárbıe saǵatymyz eki bólimnen turady: