InfoHub Logo

Týǵan jer - adam ómirimen tikeleı baılanysty. Meniń otanym Qazaqstan Respýblıkasy. Sol memlekettiń ishinde Shymkent qalasy, Abaı aýdany, Aqtas eldi mekeninde men dúnıege keldim. Balalyq shaǵym týǵan aýyl kóshelerinde alańsyz oınap ósýmen ótip jatyr. Týǵan aýylyń bárinen de ystyq eken.

Jazǵy demalys kezinde aýyldan sál jyraq shyǵyp, naǵashy ata - apalarymnyń aýylyna qydyrsam, týǵan aýylymnyń tútini men shańyna deıin jazǵy kúnderi sháýildep jatpaıtyn ıtim Moınaqqa deıin saǵynam. Al aýylǵa qaıtqan kezde, aýylǵa jaqyndaǵanda boıyma erekshe qýat bitip, týǵan aýylymnyń aýasyn aýyz toltyra jutyp, árbir jýsan ıisi men shárbat tatıtyn sýyn shólim qanǵansha rahattanyp iship alamyn.

Týǵan baýyrlarymmen aýnap - qýnap qýalasyp oınaımyn. Óz aýlymdy esh jerge aıyrbastamas edim. Tańerteń sabaqqa sómkemdi arqama asyp alyp úı syrtyna shyqsam, apa - analarymyzdyń qazan basynda kúıbeńdep úı sharýasy, as qamymen júrgeni, kóshege shyqsam, aýyldaǵy aqsaqaldardyń azanǵy sıyrlaryn óriske aıdap, bir – birimen qaýqyldasyp amandasyp, jón surasyp turǵandaryn kóremin.

Kóshe boılap kele jatyp, aldymnan appaq jumyrtqadaı, ásem boı kótergen, aýyl meshiti, odan árirekte meniń altyndaı jarqyraǵan mektebim qarsy alady. Ondaǵy júzi meırimdi apaılarym kúlip qarsy alady, sonymen qarbalasqa toly, qyzyqty sabaqtar bastalady. Mine munyń bárin tápishtep jazyp otyrǵanymnyń sebebi, árbir adam balasyna óz týǵan jeri, ondaǵy ornalasqan árbir ǵımarat árbir zat ystyq. Ózimniń týǵan aýylyma degen mahabbatym erekshe, árbir adam boıynda mundaı qasıet bolatynyna senemin.

Shymkent qalasy, Abaı aýdany,
Aqtas eldi mekeni № 61 jalpy orta mektep
5 synyp oqýshysy: Qýandyq Álı
Jetekshisi Serıkbaeva Gýldana Shyrynbaevna