InfoHub Logo

Aqtóbe oblysy,
Aqtóbe qalasy,
№32 Jalpy orta mektep-gımnazıasynyń
bastaýysh klass muǵalimi Shamısheva Baǵdagúl

Páni: tárbıe saǵaty
Sabaqtyń taqyryby: Aýlaq bol, jaman ádetten.

Sabaqtyń maqsaty: Oqýshylardy jaman ádetten aýlaq bolýǵa, úlkendi syılaýǵa, kishige
qamqor bolýǵa úıretý.
Adam boıyndaǵy unamdy, unamsyz qylyqtardy ajyrata otyryp, ádep álippesin boıyna darytý, til baılyǵyn, tanym belsendiligin arttyrý.
Ádeptilikke, adamgershilik qasıetterge tárbıeleý.
Sabaqtyń kórnekiligi: Kórnisterge qajetti quraldar, maketter, ınteraktıvti taqta.

Sabaqtyń barysy:
İ Kirispe.
Adam boıynda jaqsy-jaman qasıetter bolady. Bizge adaldyqty, kishipeıildilikti, ınabattylyqty, shynshyldyqty ata-analarymyz, ata-babalarymyz, ustazdarymyz úıretedi. Aldymen bul qasıetter bizdiń boıymyzǵa ananyń aq sútimen darıdy.
Sondaı-aq adam boıynda jaman, jat, teris qasıetter de bolady.
Ol qandaı qasıetter, odan qalaı saqtanamyz, ony búgingi «Aýlaq bol , jaman ádetten» atty sabaǵymyzdyń barysynda biletin bolamyz.

İİ Negizgi bólim.
1.Atasyna keldi de,
Surady sábı nemere.
Jaqsy degen nemene ?,
Jaman degen nemene ?.
(Taqtada jazylǵan adam boıynda bolatyn qasıetterdi «jaqsy», «jaman» dep bóledi.)

2.Abaı atamyzdyń «Adam bolam deseńiz» óleńi jatqa oqylyp, bes asyl is pen bes dushpandy ajyratady.
Úsh artyq: adaldyq, eńbeksúıgishtik, ónerpazdyq.
Úsh kemdik: nadandyq, erinshektik, zulymdyq. (Abaı)

3.Kórinis «Úsh ul»
Taldaý júrgiziledi.
Eki balanyń osyndaı bolýyna ne áser etti dep oılaısyńdar?
Úshinshi balaǵa minezdeme berińder.(Úlkendi syılaıtyn, eńbekqor, adamgershiligi mol bala)
«Jalqaýbek» áni oryndalady.

4.Aıtys. «Ne jaqsy?» , «Ne jaman?»
5.Sýret boıynsha áńgime «Eki dos»
6.Jumbaq sheshý.

Dápterine áripti
Qazdaı tizip jazatyn,
Úıdi taza saqtaıtyn,
Kitaptardy shashpaıtyn balany kim deımiz? (uqypty)
Túımesin de qadaıtyn,
Sabaqtan da qalmaıtyn,
Edendi de jýatyn
Eńbekti qatty súıetin balany kim deımiz? (eńbekqor)
Qol ushyn berip,
Kómegin de aıamaıtyn.
Qyzyǵyna qýanyp,
Renjı qalsa , jubatatyn adamdy kim deımiz? (dos)
Án de aıta alatyn,
Bı de bılep beretin,
Dombyrada kúı oınap,
Sýret sala biletin balany kim deımiz? (ónerli)
Jany únemi jadyrap,
Kúlimsirep qaraıtyn,
Jyly sózder aıtatyn,
Júregi jumsaq adamdy kim deımiz? (meıirimdi)
Úlkenniń jolyn kespeıtin,
Sálem berip júretin,
Kishige izet bildirip,
Qamqorshy bola biletin balany kim deımiz? (ádepti)

7. «Men qandaımyn?»
Balalar kúnniń sýreti salynǵan paraqqa ózderiniń boıynda qandaı qasıetter baryn
jazady.

8. «Ystyq oryndyq»
Ortadaǵy oryndyqta bir oqýshy otyrady. Basqa oqýshylar sol balanyń boıynda bar
qasıetterdi aıtady.
Ol balanyń ózi jazǵan pikirimen salystyrylady.

9. «Halyq taǵylymy»
Tyıym sózderdi oqýshylar kezektesip aıtady.

10. Kórinis «Baqsha aǵashtary»
Taldaý júrgiziledi.

İİİ Qorytyndy.
Interaktıvti taqtada jaman -jaqsy qasıetter sýretter arqyly salystyrylyp berilgen.
Adam boıynda bolatyn qasıetterdiń unamdy, unamsyzyn ajyrata bileıik.
Ata –anamyzdyń, ata-ájelerimizdiń jáne ustazdarymyzdyń aıtqan aqyl keńesin oıymyzǵa toqyp, jaman ádetterden aýlaq bolsaq, bolashaǵy jarqyn, adamgershiligi mol adam bolyp ósemiz.