InfoHub Logo

Avarıa (apat) — óndiristik prosestiń buzylýyn týǵyzatyn, mashınanyń, agregattyń isten shyǵýy nemese adamdardyń ómiri men densaýlyǵyna qaýip tónýine baılanysty toqtatylýy. İri óndiristik apattarynda ónerkásip oryndarynda, transportta nemese basqa da halyq sharýashylyǵy obektilerinde óndiristik proses kenetten toqtaıdy nemese isten shyǵady, bul adamdardyń zardap shegýine nemese shyǵynǵa ushyraýyna, materıaldyq ıgilikterdiń zaqymdanýyna ákep soqtyrady.

Apat zardaptarynyń sıpaty olardyń túrine, aýqymyna jáne avarıa shyqqan kásiporynnyń ereksheligine baılanysty. Qeıbir jaǵdaıda avarıa atmosferanyń lastanýyn, munaı ónimderiniń, zıandy suıyqtar men kúshti áser etetin ýlaǵysh zattardyń tógilip, jaıylýyn týǵyzady. Halyq sharýashylyǵy obektilerinde kóp jaǵdaıda avarıany týǵyzatyn sebepter — tehnologıalyq prosestiń jáne qaýipsizdik tehnıkasy erejeleriniń buzylýy. İri óndiristik avarıany joıý kezinde tómendegideı sharalar júrgiziledi: obektiniń jumysshylary men qyzmetshilerin, avarıa qyzmetterin, halyqty (qajet bolǵan jaǵdaıda) avarıanyń paıda bolǵan qaýipti zardaptary jóninde habarlandyrý; adamdardy qulaǵan úıindilerdiń astynan, qıraǵan jáne zaqymdanǵan úıler men ǵımarattardan shyǵarý, zaqymdanǵandarǵa medısınalyq kómek kórsetý jáne olardy emdeý mekemelerine kóshirý; órtterdi sóndirý jáne oqshaýlaý; komýnaldyq-energetıkalyq júıelerdegi avarıany oqshaýlaý; avarıa bolǵan jerlerge, zaqymdanǵan jáne qıraǵan úılerge kiretin jáne shyǵatyn joldar jasaý; mehanızmderdiń jumys isteýi úshin alańdar daıyndaý; avarıa bolǵan aýdanǵa jáne ol shektesetin terıtorıalarda komendanttyq qyzmetter uıymdastyrý. Olardy júzege asyrý úshin avarıa áskeriniń — aǵa bastyǵynyń sheshimi boıynsha avarıa áskerı emes jasaqtary tartylady.

---