InfoHub Logo

1. Sabaqtyń taqyryby: Avtomatty (pýlemetti) tekserip qaraý jáne ony atysqa daıyndaý.
2. Sabaqtyń maqsaty: Oqýshylarǵa avtomatty (pýlemetti) tekserip qaraý jáne ony atysqa daıyndaý jumystaryn júrgizýdi úıretý.
3. Ýaqyty: 45 mınýt.
4. Ótkiziletin orny: 10 synyp, BÁD bólmesi
5. Kórnekilik quraldar: AÁD oqýlyǵy, plakattar.
6. Sabaqtyń barysy:

a) Uıymdastyrý kezeńi – 3 mınýt.
Vzvod komandıri oqýshylardy sapqa turǵyzady, oqytýshyǵa raport beredi, amandasý, túgendeý, oqýshylardyń syrt kórinisin tekserý.
á) Ótilgen taqyrypty suraý kezeńi – 7 mınýt.
- avtomattan (pýlemetten) avtomatty atys júrgizý úshin ne isteý kerek?
- avtomattan (pýlemetten) jekeleı atys pen kezekpen atý qalaı júrgiziledi?

b) Negizgi bólim – 25 mınýt.
Avtomatty (pýlemetti) tekserip qaraý jáne ony atysqa daıyndaý.
Avtomattyń (pýlemettiń) atýǵa jaramdylyǵyn, tazalyǵyn, maıdyń sapasyn tekserý jáne avtomatty atysqa daıyndaý úshin avtomatty (pýlemetti), kerek - jaraqtardy jáne oqjatardy tekserip qaraý jumystyry júrgiziledi.
Jaýyngerler men serjanttar avtomatty (pýlemetti):
- kún saıyn;
- sabaqqa shyǵar aldynda, kúzetke túser aldynda, urys jaǵdaıynda – kúnine birneshe ret, jaýyngerlik mindetti oryndaý aldynda;
- tazalaý kezinde tekserý kerek.
Avtomattyń (pýlemettiń) oqjatarlary men kerek - jaraqtarynyń aqaýlary der kezinde joıylýy kerek.
Avtomattyń (pýlemettiń) qalypty jaǵdaıyn buzatyn negizgi aqaýlary mynalar bolyp tabylady:
- qaraýyl maıysqanda nemese soǵylǵanda, bir jaǵyna tómenge nemese joǵaryǵa qaraı ornynan jyljyǵanda – oqtar qaraýyl ushynyń ornyna qarama - qarsy jaqqa aýytqıdy;
- kózdeý taqtashasy maıysqanda nemese qısaıǵanda – oqtar kózdeý taqtashasy qyrynyń kesigi aýysýy jaǵyna aýytqıdy.