InfoHub Logo

Elimizdiń barlyq aımaǵynda aýa raıy jaǵdaıy kúrdelene tústi. Aıazdy kúnderde azamattar qandaı negizgi erejelerdi saqtaǵany jón?

Mamandardyń aıtýynsha, qatty aıazda ásirese jas balalar men qart adamdar úshin muqtajdyq bolmasa kóshede júrýdiń, alys jolǵa shyǵýdyń qajeti joq.

Alaıda, serýenge shyǵýǵa sheshim qabyldaǵan jaǵdaıda úıden shyqpas buryn aldymen jyly kıinip alý qajet.

Azamattar alkogóldi ishimdikten aýlaq bolǵany jón.

Sýyqta kóshede júrip qalýdy azaıtyp, shuǵyl qajettilik bolmasa syrtqa shyqpańyz. Bul ásirese kishkentaı balalar men qarttarǵa qatysty.

«Aıaz túskenshe tabıǵatqa, syrǵanaq tebýge, serýendeýge barmańyz. Kóshege shyqpas buryn kıimdi muqıat tańdaý kerek. Jyly ishki jáne syrtqy kıim, yńǵaıly keń jáne aıaq kıim kıý qajet. Sonymen qatar, qulaq pen basyn jabatyn bas kıimderdi umytpaǵany durys. Sýǵa shomylǵannan keıin dymqyl kıimmen jáne shashyńyzdy jýyp alyp, keptirmesten birden syrtqa shyǵýǵa bolmaıdy. Gıpotermıanyń alǵashqy belgilerinde nemese tońyp qalsańyz eń jaqyn jyly bólmege baryńyz. Tońyp qalǵan dene bóligin qyzarǵansha jyly qolmen, jeńil massajben ysqylap, demmen jylytyńyz. Qatty aıaz belgileri bolǵan kezde zardap shekken deneni jylytý úshin syrtynan tańǵyshpen orańyz. Ystyq shaı iship, aýyrsynýdy basatyn dári qabyldańyz. Dárigerge qońyraý shalyńyz», — deıdi mamandar.

Sondaı-aq, mamandar gıpotermıanyń nemese tońý, úsik shalýdyń negizgi belgileri — qaltyraý, teriniń bozarýy jáne kógerýi, saýsaqtar men saýsaqtardyń ótkir aýrýy ekenin aıtady.

«Uzaq ýaqytqa sozylǵan gıpotermıa kezinde deneni tipti úsik shalýy múmkin. Kóbine qulaq, qol, aıaq jáne muryn zaqymdalady. Úsik shalýdyń birinshi dárejesinde teri bozarady, zardap shekken aımaqtardyń sezimtaldyǵy tómendeıdi, jylynǵannan keıin qyzarý men isiný baıqalady. Zaqymdanýdyń kelesi kezeńderinde teri kók-qyzyl reńkke ıe bolady jáne onyń betinde móldir suıyqtyq bar kópirshikter paıda bolady», — dep tolyqtyrdy mamandar.

Oqýǵa keńes beremiz:

Qysta SPF - krem qoldanýdyń paıdasy bar ma?!

Kóktaıǵaqta qulap, jaraqat almas úshin ne isteý kerek

Aıazdy kúnderi kólik ıelerine qajet bolatyn 16 aıla-tásil

Dáriger-polárshydan qatty aıazda durys tynystaýdyń 8 erejesi

Vırýstarmen qalaı kúresý kerektigi jóninde dáriger Komarovskııden nusqaýlyq

---