InfoHub Logo

Bir kúni Qojanyń áıeli basqa áıeldermen birge Aqsháhar kóline kir jýýǵa barady. Qasyna nókerlerin ertip, kól jaǵasynda serýendep júrgen bir tóre áıelderge kóz salyp, qyryndap bolmaıdy.

— Óı, uıatsyz, nesine qaraısyń? — dep Qojanyń áıeli zekip tastaıdy. Tóre nókerlerinen:

— Bul kimniń áıeli? — dep suraıdy. Olar Qojanasyrdyń áıeli ekenin aıtady.

Kelesi kúni tóre Qojany shaqyrtyp alyp:

— Keshe bizge jolyqqan seniń áıeliń be edi? — dep surap, ústine kıgen kóılegin, kelbetin sóz etedi.

— Iá, meniń áıelim, — deıdi Qoja.

— Munda jibershi, kelip ketsin.

— Ony qaıtesiń?

— Bir nárse suraıyn dep edim.

Sonda Qoja:

— Sen áýeli menen sura, men baryp áıelimnen surap keleıin, — depti.

---