InfoHub Logo

Qoja qysyr sıyryn bazarǵa satýǵa alyp barady. Ári júredi, beri júredi, sıyryn ótkize almaıdy. Bir tanysy kez kelip qalyp:

— Nemene, Qoja, sıyryńdy satqaly júrmisiń, — dep suraıdy.

Tańertennen beri júrmin, óz bilgenimshe maqtap ta baqtym, biraq eshkim kóz qyryn salatyn emes, — deıdi Qoja. Sol-aq eken Qojanyń tanys adamy:

— Sıyrym ári qutty, ári sútti, býaz sıyr, — dep aıǵaı salady. Tabanda alýshy tabylyp, Qojanyń sıyryn qymbatqa satyp alyp ketedi. Ań-tań qalǵan Qoja, tanysyna alǵysyn jaýdyryp, kóp aqshany qaltasyna basyp ap, qýanyshy qoınyna syımaı úıine keledi. Kelse, qyzyna quda túskeli bir top áıel úıine kelip otyr eken.

— Qojeke, siz tómende sabyr ete turyńyz, qudaǵılarǵa balany kórseteıin, barmaǵynan bal tamǵan sheber ekenin aıtaıyn, múmkin unatsa, juraǵat bolyp ta qalarmyz, — deıdi áıeli.

— Joq, — deıdi Qoja, — sen dybysyńdy shyǵarma. Maldy qalaı buldap ótkizýdi úırenip keldim, kór de tur, men aýzymdy ashar-ashpastan-aq ózderi jabysa ketedi.

«Shynynda da Qoja bir nárseni biletin shyǵar» dep oılap, áıeli qudaǵılardy qurmettep qarsy alyp, qyzyn ertip ákep, árqaısysynyń qolynan súıgizedi. Sonsoń:

— Qudaǵılar, betterińizdi búrkeńizder, sizdermen Qojanyń ózi seılesedi, — deıdi.

Qoja kelip:

— Kóp sózdiń keregi ne, toq eterin aıtaıyq. Qyzym ári qutty, ári sútti, ári júkti, — depti.

Qudaǵılar betterin basqan kúıde úıden shyǵyp júre berse kerek.

---