InfoHub Logo

Aınur Ańlamasova - Jambyl oblysynyń týmasy. Aınur qazirgi tańda QazUÝ-dyń jýrnalısıka fakúltetinde bilim alyp jatyr. Aınurdyń ıýtýb jelisinde jas jýrnalıserge arnaǵan kanaly bar. Jeke kanalynda jýrnalısıka tańdaǵan oqyrmandarǵa paıdaly aqparattar kóp. Talantty Aınur Shalqar radıosynyń da júrgizýshisi. Eń mańyzdysy sizderge Aınurdyń “Aı-Jýr” podkasynyń tarıhy jáne de qalaı paıda bolǵany qyzyqty - dep, oılaımyn. Búgin Aınurdy “Aı-Jýr”podkasy jaıly jaqyn áńgimege tarttyq.

- Aınur siz podkast degendi qalaı túsinesiz? Óz oıyńyzdy tolyqqandy bólisseńiz.   

- Podkast taralý joly RSS arna arqyly júzege asatyn aýdıo nemese vıdeo formattaǵy medıa kontent. Meniń oıymsha árbir podkast belgili bir salaǵa baǵyttalýy kerek. Sonda ǵana belgili bir deńgeıde aýdıtorıa jınaı alady.

- Aınur siz “Aı-Jýr”podkastynyń avtorysyz. Jalpy osy podkasyńyzdy bastaýǵa qandaı jaǵdaılar sebep boldy?

- Podkastıng sońǵy jyldary qarqynmen damýda. Máselen, ıýtýbtaǵy jobalardy alyp qaraıyq. Eki nemese birneshe adamnyń mıkrofon aldyndaǵy áńgimesi podkast atalyp júrdi. Basynda bylaı oılaıtynmyn. Nege qarapaıym suqbattasý, áńgimelesý podkast dep atalady? Sosyn óz betimshe izdene bastadym. Podkastıng jaıynda tolyǵyraq Eldar Qudaıbergenovtyń suqbattarynan kóp túsinik qalyptastyrdym. Sáıkesinshe men de podkast ashýǵa qyzyǵa bastadym.

- “Aı-Jýr”podkasy qandaı baǵytqa baǵyttalǵan? Qazirgi tyńdarmandarǵa qandaı paıdaly aqparattar bere alady?

- “Aı-Jýr” podkasty jastarǵa arnalǵan kontent usynady. Daryndy zamandastarymnan, bilikti ekspertterden qazirgi tańdaǵy aktýaldy taqyryptar boıynsha suqbat alamyn. Sáıkesinshe jýrnalısıkaǵa jaqyn baǵyt. Bolashaq jýrnalıs, qarapaıym stýdent retinde óz pikirlerimdi, aptalyq jazbalarymdy epızod retinde usynamyn. Jýrnalısıkaǵa endi qadam basyp kele jatqan ini-sińililerime paıdaly keńester beremin.

- Jeke podkasyńyzda qansha epızod bar? Sizge eń qyzyqty epızodyńyz…

- Podkasymnyń 60-qa jýyq epızody bar. Birneshe aıdarlar turaqty shyǵyp otyrady. Maǵan barlyq epızodtarym unaıdy. Ásirese İlıas Esenberlınniń “Ǵashyqtar” romany jaıly túıgen oılarymdy, ınsaıtymdy bólisken epızodym sátti shyqqan. Romandy jaqsy taldap, túıindi oıdy dóp taptym degen oıdamyn.

- Siz “Aı-Jýr”podkasynan bólek, qandaı podkasttar tyńdaısyz? Ol podkast sizge nesimen erekshe?

- Men barlyq epızodtaryn jibermeı tyńdaıtyn podkast – Almas Maratulynyń “Aıqap” podkasty. Óte shynaıy podkast. Synı oılaýǵa úıretedi dep aıta alamyn. Aınel Amırhannyń “Oy-detox” podkastyn da tyńdaımyn. Aınel hanymnyń keıipkerleri óte erekshe. Ásirese Áıgerim Begimbet hanymmen qurǵan fotojýrnalıstıka jaıyndaǵy epızody qatty unady. Podkastıngtegi ustazym dep Eldar Qudaıbergenovty aıta alamyn. Sondyqtan osy sala boıynsha bilimimdi “QazPodcast” podkastyn tyńdaý arqyly arttyramyn.

- Árbir salada belgili qıynshylyqtar bolady, adamzat balasy sol qıynshylyǵynan sabaq alyp, odan ári damı túsedi. ”Aı-Jýr”podkasynda epızodtardy jarıalaýda qandaı qıynshylyqtar boldy?

- Árıne kedergiler bolyp turady. Aptalyq jazbalardy jazǵanda olardy óńdep, árqaısysyn qosý kóp ýaqytty alady. Keıde suqbattasqym kelgen keıipkerler jaýap bermeı qalǵan kezder boldy. Saıttyń algorıtmderi ózgerip, ýaqytsha jumys jasamaı qalǵan kezde epızodtarymdy júkteı almaı qınalǵanmyn.

- ”Aı-Jýr”podkasyn bolashaqta qandaı baǵytta júrgizesiz? Jalpy belgili baǵytta júrgizý oıyńyzda bar ma?

- Meniń oıymsha podkast qazirgi baǵytyn saqtaıdy. Múmkin jańa aıdarlar qosylady. Jalpy jýrnalısıkanyń tóńireginde materıaldar jarıalanady dep oılaımyn.

- Jasóspirimder qazirgi tańda podkast ashý úshin qandaı qaǵıdalardy ustanǵan jón?

- Podkastıngke qyzyǵýshylyq tanytatyndar eń aldymen bul salany zertteýi kerek. Sodan soń “Men ne týraly aıtamyn?”, “Meni kim tyńdaıdy?” degen suraqtarǵa jaýap tabý kerek.

- Bolashaq jáne qazirgi podkast júrgizýshilerge mańyzdy úsh keńesińizben bólisseńiz?

- Meniń oıymsha birinshi – dara bolý kerek. Sizdiń únińiz, sizdiń aqparatyńyz, siz tańdaǵan keıipker, sizdiń baǵytyńyz. Ekinshi – turaqtylyq. Ashqan, bastaǵan, ıdeıadan shynaıy túrde júzege asqan dúnıe orta jolda qalyp ketpeý kerek. Sonda ǵana shyn nátıje, ósý paıda bolady. Úshinshi – sapa jáne saýat. Siz qandaı ónim usynsańyz da sapaly túrde usynýyńyz kerek. Aqparattar shynaıy, saýatty jetkizilýi kerek dep sanaımyn.

- Suqbatyńyzǵa kóp raqmet!

---