InfoHub Logo

Taqyryby: Áz, Naýryz
Maqsaty: «Naýryz» meıramy týraly túsinik berý arqyly qazaq halqynyń salt - dástúrin kórsetý jáne ony qurmetteı bilýge tárbıeleý. Balalarǵa naýryz merekesi týraly túsinik berý. Naýryz merekesin ulttyq salt - dástúrimizben, ádet-ǵurpymyzben baılanystyra nasıhattap, urpaqtardyń óz ultyna degen súıispenshiligin arttyrý.
Kórnekiligi: Salt - dástúrge saı bezendirý, naqyl sózder, ulttyq taǵamdar.
Júrgizýshi: Armysyzdar halaıyq!
Barmysyzdar halaıyq!
Naýryz toıyn jup jazbaı,
Jylda qarsy alaıyq.
Mereke naýryz jyl basy
Naýryz toıy qutty bolsyn!
Denderińiz saý, myqty bolsyn.
Aman esen bolaıyq.
Barshamyzǵa tilegim osy halaıyq
Elimizdiń nesibesi kóp bolsyn!
Jaýyn jaýyp jer betine kók tolsyn!
Dalamyzǵa bul jańa jyl qut bolsyn!
Júrgizýshi.
Qulaqtan kirip boıdy alar,
Ásem án men tátti kúı.
Kóńilge túrli oı salar
Ándi súıseń menshe súı dep Abaı atamyz aıtqandaı erteńgiligimizdi tamasha ánimizben bastaıyq.

Án: « Naýryz kóktem»
Júrgizýshi:
Qashan da qut – bereke ornasyn dep,
Toılarda shashý salty elimniń.
Ýa, halaıyq terip al shashýyńdy
Qabyl qylsyn halqymnyń aq tileýin!
Ájeler shashý shashady

Bı: «Uldar bıi»
Júrgizýshi: Musylman uǵymy boıynsha 21 - naýryz kúni túngi saǵat úshte aspannan Qydyr ata túsedi eken. Osy túni ár adam qandaı oı - arman oılasa, ol qabyl bolady dep yrym etken. Ortaǵa Qydyr atamyzdy shaqyraıyq(Qydyr ata keledi).
Hormen: Qosh keldińiz Qydyr ata!
Qydyr ata: Armysyzdar halaıyq! Ulystyń uly kúni qutty bolsyn!

Júrgizýshi: Qosh keldińiz!
Ulys kúni qazan tolsa
Ol jyly aq mol bolar
Uly kisiden bata alsań
Sonda oljaly jol bolar, dep ózińizden bata suraımyz.
Qydyr ata bata beredi:
Ulys oń bolsyn!
Qaıda barsań jol bolsyn!
Densaýlyqtaryń zor bolsyn!
Kóılekteriń kók bolsyn!
Qaryndaryń toq bolsyn!
Qýanysh shattyq kóp bolsyn! (Aýmın)

Júrgizýshi: Aıtqanyńyz kelsin Qydyr ata!
Kezekti balalarymyzdyń naýryzǵa arnalǵan taqpaqtaryna bereıik.
Zere:
Naýryz toıy tamasha,
Naýryz toıy jańasha.
Ár júrekten án tarap
Shattanady shartarap!
Amına:
Jyl basy – Naýryz, mereke!
Aq nurǵa álem oıandy.
Naýryz toı bereke.
Tirshilik jańa oıandy.
Naýryz qutty bolsyn!
Erkebulan:
O, aǵaıyn, aǵaıyn
Dýmanǵa toly mańaıyń
Mereke bolyp kelip tur
Naýryz aıy – bal aıyń
R. Beksultan:
Naýryz toıy – tamasha
Naýryz toıy – jańasha
Tabıǵatta tamasha
Tamyljyp tur jarasa

Shyǵys Qazaqstan oblysy,
Aıagóz qalasy, Aqtoǵaı beketi,
№3Aqtoǵaı balabaqsha - bóbekjaıynyń tárbıeshisi
Mýrýmbaeva Janar Amanjolqyzy

Áz, Naýryz. júkteý