Azattyq
Azattyq
Azattyq jaıly sen de uqtyń,
Álemge ol dańqyn jaıady.
Keshegi ol ótken erliktiń
Búgingi núkte, baıany.
Ótkennen alǵan taǵylym
Azattyq degen - búginiń.
Sábıge berer tálimiń,
Sábıge berer bilimiń.
Kóterer erteń jelkenin
Búgingi sábı, bala shaq.
Azattyq degen - erteńiń,
Azattyq degen - bolashaq!
Taǵylymdy sózimen urpaǵyna ulaǵat bere bilgen, ulylyqtyń aýylyna da aq ordasyn qondyra alǵan halyqtyń óz azattyǵyn, óz Táýelsizdigin, erkindigi men egemendigin ańsaǵan kúnderi tarıhtyń enshisinde qaldy. Álem aıasynda ózin derbes el retinde aıqyndap, moıyndatyp, táýelsiz el retinde ómir súrip kele jatqanyna da - 25 jyl.
Osy jyldardyń ishinde bary men joǵyn túgendegen halyqtyń tamyry tereńge ketken uly shejiresiniń qaınarynan sýsyndaǵan tarıhı sanasy da qaıta jańǵyryqty. Oıanǵan sananyń kózimen qarady: azattyq deıtin qasıetti uǵymnyń taǵdyry talaı márte synǵa túsipti, qylysh júzinde turypty, nysanaǵa ilingen, kókirekke sher bop baılanǵan, kóz jasy bop tógilgen. Biraq baǵzy babalardan bastaý alǵan azat rýhtyń týy birjola qulamaǵan. Jalǵasqan: ujdandy uldyń erligimen, naıza ustaǵan bilektiń qýatymen, qasterli halyqtyń kıeli batasymen, órshil ónerimen. Synbaǵan. Birine-biri ishteı úndesip jatatyn qasıetti kúrester - sonyń kýási.
Azattyq úshin bolǵan úlkendi-kishili uly kúresterdiń kıesiz sanalar biri joq. Qan tógilgen. Janyn qurban etken. Sonyń bárine de Uly Dala kýá.
Bútin bir ult úshin baǵzydan arman bolǵan, uly kúresterde uldary sháıit bolǵan halyqtyń uly muraty Azattyq bolyp keldi. Azattyq Ananyń kózinen qýanysh jasy bolyp tógildi, qara kóz qyzdyń janarynda qaısarlyqtyń rýhy bolyp oınady, bóbektiń kókiregine bolashaqtyń gúli bolyp egildi.
Jańa ǵasyrdaǵy keleshektiń joly salyndy: kıeli azattyqty tuǵyrly etý maqsatynda, taǵylymdy kúresterdiń ıesi - halyqty álemge tanytpaq úshin, órkendi el bolmaqqa.
Uly maqsat jolyna apara jatqan uly joldaǵy halyqtyń tilegi - azattyqtyń baıandylyǵy men tynyshtyǵy. Álemge tanylǵan órkendi elderdiń tájirıbesinen úırenbek úshin, sony bilimniń soqpaǵyna ul-qyzyn jetelep aparmaq úshin, qalasyn da, dalasyn da qut mekenge aınaldyrmaq úshin beıbit kúnniń jaryq sáýlesin tilek etedi.
Azattyq - 25 jyl. Shırek ǵasyrda atqarylǵan isterdiń taǵy da bir sarapqa salynar tusy, keshe men búginniń, búgin men bolashaqtyń Azattyq deıtin qasıetti irgetastyń ústine qalanǵan qabyrǵasynyń qaıta bir tolyǵar tusy. Uly shaıqastarda janyn bergen bozdaqtar men arystardyń arýaqtaryna myń taǵzym!
Azattyq ornaǵan 25 jyldyń ishinde bostan halyqtyń rýhy kúmbirli kúı bolyp shalqydy, jyr bolyp tógildi, sáýletti turmys bolyp ornyqty, baldyrǵan júrekterge án bolyp uıalady. Sandaǵan kóńilden lebiz bolyp tógildi.
Bolashaqtyń urany belgili: tili men ımanyn joǵaltpaǵan uly halyqty, ilimniń qundylyǵyn sanasyna uıalatqan iri halyqty máńgiliktiń kóshine jetkizý.
Birikken Ulttar Uıymynyń shtab-páterinde sandaǵan memleketterdiń týynyń arasynda Qazaq Eliniń kók Týy da jelbirep tur desedi.
Kónbesten bodandyqtyń tusaýyna,
Aınalǵan azattyqtyń nyshanyna.
Tanytqan órligiń men eldigińdi,
Syıǵyzyp tynyshtyqty qushaǵyńa.
Kúlli álem sodan biler seni tanyp,
Balanǵan erkindiktiń mysalyna.
Jıhanǵa eńse tiktep kóz salǵyzǵan
Bul - bizdiń kók týymyz jelbiregen!
Kelisim ár kez janjal bastatpaǵan,
Áskeri qurmet etip qas qaqpaǵan.
Barǵanda óz el basshyń shet saparǵa
Sol eldiń aspanynda asqaqtaǵan.
Seni erkin memleket dep moıyndatqan,
Júzińdi tómendetip, jasqantpaǵan.
Bútin bir el atynan sóılep turǵan
Bul - bizdiń kók týymyz jelbiregen!
Kók Týyńdy jelbiretip, Ánuranyńdy sanańa ańyz etip sińirgen, keshegińnen búginińe, búginińnen erteńińe aparar joldy jumyr jerdiń betin mekendegen ózge de halyqtardyń kóz aldynda aıshyqtatqan qasıetti Azattyqty qadir tutý - urpaqtyń enshisinde.
Azattyq qymbat - sony uqtyń,
Ortaq ol jasqa, kárige.
Álemde árbir halyqtyń
Azattyq qymbat bárine.
Avtory:
Ǵabıden QOJAHMET,
Qyzylorda qalasy
Azattyq jaıly sen de uqtyń,
Álemge ol dańqyn jaıady.
Keshegi ol ótken erliktiń
Búgingi núkte, baıany.
Ótkennen alǵan taǵylym
Azattyq degen - búginiń.
Sábıge berer tálimiń,
Sábıge berer bilimiń.
Kóterer erteń jelkenin
Búgingi sábı, bala shaq.
Azattyq degen - erteńiń,
Azattyq degen - bolashaq!
Taǵylymdy sózimen urpaǵyna ulaǵat bere bilgen, ulylyqtyń aýylyna da aq ordasyn qondyra alǵan halyqtyń óz azattyǵyn, óz Táýelsizdigin, erkindigi men egemendigin ańsaǵan kúnderi tarıhtyń enshisinde qaldy. Álem aıasynda ózin derbes el retinde aıqyndap, moıyndatyp, táýelsiz el retinde ómir súrip kele jatqanyna da - 25 jyl.
Osy jyldardyń ishinde bary men joǵyn túgendegen halyqtyń tamyry tereńge ketken uly shejiresiniń qaınarynan sýsyndaǵan tarıhı sanasy da qaıta jańǵyryqty. Oıanǵan sananyń kózimen qarady: azattyq deıtin qasıetti uǵymnyń taǵdyry talaı márte synǵa túsipti, qylysh júzinde turypty, nysanaǵa ilingen, kókirekke sher bop baılanǵan, kóz jasy bop tógilgen. Biraq baǵzy babalardan bastaý alǵan azat rýhtyń týy birjola qulamaǵan. Jalǵasqan: ujdandy uldyń erligimen, naıza ustaǵan bilektiń qýatymen, qasterli halyqtyń kıeli batasymen, órshil ónerimen. Synbaǵan. Birine-biri ishteı úndesip jatatyn qasıetti kúrester - sonyń kýási.
Azattyq úshin bolǵan úlkendi-kishili uly kúresterdiń kıesiz sanalar biri joq. Qan tógilgen. Janyn qurban etken. Sonyń bárine de Uly Dala kýá.
Bútin bir ult úshin baǵzydan arman bolǵan, uly kúresterde uldary sháıit bolǵan halyqtyń uly muraty Azattyq bolyp keldi. Azattyq Ananyń kózinen qýanysh jasy bolyp tógildi, qara kóz qyzdyń janarynda qaısarlyqtyń rýhy bolyp oınady, bóbektiń kókiregine bolashaqtyń gúli bolyp egildi.
Jańa ǵasyrdaǵy keleshektiń joly salyndy: kıeli azattyqty tuǵyrly etý maqsatynda, taǵylymdy kúresterdiń ıesi - halyqty álemge tanytpaq úshin, órkendi el bolmaqqa.
Uly maqsat jolyna apara jatqan uly joldaǵy halyqtyń tilegi - azattyqtyń baıandylyǵy men tynyshtyǵy. Álemge tanylǵan órkendi elderdiń tájirıbesinen úırenbek úshin, sony bilimniń soqpaǵyna ul-qyzyn jetelep aparmaq úshin, qalasyn da, dalasyn da qut mekenge aınaldyrmaq úshin beıbit kúnniń jaryq sáýlesin tilek etedi.
Azattyq - 25 jyl. Shırek ǵasyrda atqarylǵan isterdiń taǵy da bir sarapqa salynar tusy, keshe men búginniń, búgin men bolashaqtyń Azattyq deıtin qasıetti irgetastyń ústine qalanǵan qabyrǵasynyń qaıta bir tolyǵar tusy. Uly shaıqastarda janyn bergen bozdaqtar men arystardyń arýaqtaryna myń taǵzym!
Azattyq ornaǵan 25 jyldyń ishinde bostan halyqtyń rýhy kúmbirli kúı bolyp shalqydy, jyr bolyp tógildi, sáýletti turmys bolyp ornyqty, baldyrǵan júrekterge án bolyp uıalady. Sandaǵan kóńilden lebiz bolyp tógildi.
Bolashaqtyń urany belgili: tili men ımanyn joǵaltpaǵan uly halyqty, ilimniń qundylyǵyn sanasyna uıalatqan iri halyqty máńgiliktiń kóshine jetkizý.
Birikken Ulttar Uıymynyń shtab-páterinde sandaǵan memleketterdiń týynyń arasynda Qazaq Eliniń kók Týy da jelbirep tur desedi.
Kónbesten bodandyqtyń tusaýyna,
Aınalǵan azattyqtyń nyshanyna.
Tanytqan órligiń men eldigińdi,
Syıǵyzyp tynyshtyqty qushaǵyńa.
Kúlli álem sodan biler seni tanyp,
Balanǵan erkindiktiń mysalyna.
Jıhanǵa eńse tiktep kóz salǵyzǵan
Bul - bizdiń kók týymyz jelbiregen!
Kelisim ár kez janjal bastatpaǵan,
Áskeri qurmet etip qas qaqpaǵan.
Barǵanda óz el basshyń shet saparǵa
Sol eldiń aspanynda asqaqtaǵan.
Seni erkin memleket dep moıyndatqan,
Júzińdi tómendetip, jasqantpaǵan.
Bútin bir el atynan sóılep turǵan
Bul - bizdiń kók týymyz jelbiregen!
Kók Týyńdy jelbiretip, Ánuranyńdy sanańa ańyz etip sińirgen, keshegińnen búginińe, búginińnen erteńińe aparar joldy jumyr jerdiń betin mekendegen ózge de halyqtardyń kóz aldynda aıshyqtatqan qasıetti Azattyqty qadir tutý - urpaqtyń enshisinde.
Azattyq qymbat - sony uqtyń,
Ortaq ol jasqa, kárige.
Álemde árbir halyqtyń
Azattyq qymbat bárine.
Avtory:
Ǵabıden QOJAHMET,
Qyzylorda qalasy
You Might Also Like
