InfoHub Logo

S.Sarǵasqaev «Támpish qara» povesinen úzindi
Maqsaty:
Bilimdilik - jazýshynyń ómiri men shyǵarmashylyǵy týrasynda qysqasha túsinik berý, povesten úzindini oqyp, jospar qurýǵa daǵdylandyrý, jospar boıynsha túsinik aıtý, óz sózderimen jetkize bilý múmkindikterin arttyrý;
Tárbıelik - mátindegi keıipkerler boıyndaǵy qasıetterdi úlgi etý, adamgershilikke, úlkendi syılaýǵa, dostyqqa tatýlyqqa, ónerdi, eńbekti súıýge, jaman qylyqtan aýlaq bolýǵa tárbıeleý;
Damytýshylyq – kórkem shyǵarmany taldaý, minezdeme berý, qazirgi ómirmen baılanystyrý, salystyrý, shyǵarmashylyq oılaý, qıaldaý qabiletterin, sózdik qorlaryn damytý.
Kórnekiligi: jazýshy portreti, slaıd, úlestirmeli kespe qaǵazdar, A 3, túrli-tústi qalamdar, t.b.
Ádis-tásilderi: túsindirý, toptastyrý, oı qozǵaý, suraq-jaýap, áńgimeleý, «túrtip alý».
Sabaq túri: aralas.
Pánaralyq baılanys: tarıh, qazaq tili, án.
Aldyn-ala júrgiziletin jumystar: mátinmen aldyn-ala , oqyp tanysý.
Sabaq barysy:
Uıymdastyrý. Oqýshy zeıinin sabaqqa aýdarý, 1,2,3 dep sanaý arqyly úsh topqa bóliný.

Júrgiziletin jumystar:
1- basqysh. Muǵalimniń áreketi. Jazýshymen tanysý. Muǵalim slaıdty paıdalana otyryp, jazýshynyń ómirinen, qyzmetinen qysqasha túsinik beredi.
Qazaq balalar ádebıetiniń kórnekti ókili S.Sarǵasqaev
2-basqysh. Támpish qaramen tanystyrý.
3-basqysh. Oqýshylardyń áreketi. Jospar oqylady.
Sulýtór aýyly.
Qyrmandaǵy jańalyq 1-top.
Sý jaǵasyndaǵy shataq. 2-top.
Ádepti bala. 3-top kezektesip barlyq top oqýshylary túsindirip shyǵady.

4- basqysh.Toptyq tapsyrmalar. Úlestirmeli kespe qaǵazdarmen jumys. «Támpish qara» kitabynyń maketi arqyly iske asyrylady. Barlyǵy on eki tapsyrma jazylǵan on eki kitapsha.
Muǵalim tapsyrmalardy slaıd arqyly oqýshylarǵa tanystyrady.
1- kitapsha «Támpish qara», tapsyrmasy: Povestiń «Támpish qara» atalýynyń sebebin túsindirip kór, tapsyrmasy;
2-kitapsha « Maǵynany ajyrat», tapsyrmasy: « Qyrman», «pıoner», «kolhoz» sóziniń maǵynasyn túsindir.
3-kitapsha «Qyzyl galstýk», tapsyrmasy: Ol kezde oqýshylar nege qyzyl galstýk taqqan, qazir sizder kók galstýk taǵasyńdar, nege?
4-kitapsha «Kóshbasshy», tapsyrmasy: Támpish qara aýyl balalarynyń ómirin ózgertti, onyń aýyl balalarynan artyqshylyǵy nede? Kitap taqyrybyn basshylyqqa al.
5-kitapsha «Minezdeme», tapsyrmasy:Támpish qara – Shanshataıǵa minezdeme ber.Mátindi paıdalan.
6-kitapsha «Qasıet», tapsyrmasy:Támpish qaranyń boıyndaǵy qasıetterin toptastyr.
7-kitapsha «Úıretýshi», tapsyrmasy: Shanshataıdyń ornynda bolsań, balalarǵa qandaı óleń úıreter ediń? Ánniń bir shýmaǵyn oryndaıdy.
8-kitapsha «Esebin shyǵar», tapsyrmasy: Keıipkerler óse kele Uly Otan soǵysyna qatysypty.Qazirgi ýaqytta olar neshede bolýy múmkin?
9-kitapsha «Sóz óneri», tapsyrmasy: Támpish qaranyń ornynda bolsań, balalarǵa ne úıreter ediń, nege?
10-kitapsha « Ertaı»,tapsyrmasy: Ertaıǵa minezdeme ber.
11-kitapsha «Salystyr», tapsyrmasy: Jazýshynyń balalyq shaǵy men ózińniń balalyq shaǵyńdy salystyryp kór.
12-kitapsha «Bizge úlgi», tapsyrmasy: Basty keıipkerdiń boıynda ózińe úlgi alatyndaı jaqsy qasıetter bar ma, Shanshataıǵa qyzyǵasyń ba?
Osy tapsyrmalarǵa naqty jaýap alynǵannan keıin, oqýshylar úzindiniń taqyryby men ıdeıalyq mazmunyn ashady.
5-basqysh. Qorytyndy. Sonymen toqsan aýyz sózdiń tobyqtaı túıini:
Taqyryby:1- top jaýap beredi. Aýyl balalarynyń ómiri, aýyl tynysy.
Ideıalyq mazmuny,bere tálimi:2- top - Adamgershilikke, úlkendi syılaýǵa, bilim úırenýge, eńbeksúıgishtikke, jaqsydan úırenýge baýlý.
Berer tálimin ashatyn naqyl sózder: 3-top - Eńbek etseń erinbeı, toıady qarnyń tilenbeı. Ónerli órge júzedi.Birlik bolmaı, tirlik bolmas.
6-basqysh. Bekitý. «Túrtip alý» kestesi: Bilemin - V; Bilmeımin - +; Bilgim keledi -?
7-basqysh.Baǵalaý. 1-top 2-topty, 2-top 3-topty, 3-top 1-topty baǵalaıdy.
8-basqysh. Úıge tapsyrma:1. «Úlgili oqýshy kelbeti»- esse;2. Mátinnen kórkem obrazdy sózderdi, maqal-mátelderdi taýyp jazyp kelý.

Atyraý oblysy, Jylyoı aýdany, Qulsary qalasy,
№7 E.Halyqov atyndaǵy jalpy orta bilim beretin mektep
qazaq tili men ádebıeti páni muǵalimi
Daıyndaǵan: Jumaǵalıeva K.A.