InfoHub Logo

«Bala degen bir baqyt!»
«Balaýsa» balabaqshasynyń 5 jyldyq mereıtoıynyń saltanatty jıynyń daıarlamasy

Balabaqsha aýlasy. Mýzyka oınalady. Balabaqsha aýlasy merekege saı bezendirilgen.
Fanfar.
Júrgizýshi:
- Qurmetti halaıyq! Jınalǵan qaýym! 1 – maýsym halyqaralyq balalardy qorǵaý merekesimen tuspaldas kelip turǵan bizdiń dástúrli túlekterdiń qoshtasý keshi men balabaqshamyzdyń 5 jyldyq mereıtoıyna hosh kelipsizder!
Júrgizýshi:
- Mine, taǵy bir jyldy artqa tastap, balabaqshamyzdyń 21 túlegin búgingi saltanatty jıynda balalyqtyń bal shyryny ótken, ózderiniń súıikti balabaqshasymen qoshtasqaly tur.
Júrgizýshi:
- Bul kún – balabaqsha tarıhynda, balabaqshanyń ár jylǵy ushqan túlekter, búgingi túlekter esinde máńgi óshpeıtin kún.
(«Shashý» bıi)
Júrgizýshi:
- Barshamyzdy bala tilmen baýraıtyn
Bala degen bir baqyt qoı samǵaıtyn
Ata – ananyń armany men tilegi
Bala emes pe, balbulaqty jalǵaıtyn
Súıkimdiler, perishteler sendersinder,
Qandaı beıne ózderińe teń kelsin.
Eń aldymen balalyqty meńgersin
Ia, ras, bala bolǵan bári de,
Salǵan olar balalyqtyń ánin de
Bala kezin eske alyp otyrsaq
Sol emes pe tirshiliktiń máni de, - deı kele «Bala degen bir baqyt» taqyrybyndaǵy búgingi saltanatymyzdy bastaýǵa ruqsat etińizder!
Júrgizýshi:
- Saltanatty jıyn tórine tómendegi qonaqtardy qoshemetpen qarsy alaıyq:
Júrgizýshi:
- Nurly úmitin arqalaǵan arqaǵa,
Jan sáýlesin taratatyn barshaǵa.
Shyn peıilmen qurmetimizdi kórsetip,
Túlekterdi shaqyraıyq ortaǵa.