Bala óz quqyǵy buzylǵan jaǵdaıda qaıda júgine alady
Jyl saıyn 20 qarashada álem qaýymdastyǵy BUU Bas Assambleıasynyń usynysymen Dúnıejúzilik balalardy qorǵaý kúnin atap ótedi.
Oqý-aǵartý vıse-mınıstri Edil Ospannyń aıtýynsha, halqymyzdyń úshten birinen astamy — balalar. Elimizde 6 mln 800 myń jas azamat bar. Sondaı-aq memlekettik saıasattyń basty basymdyqtarynyń biri — balalardy qorǵaý men qoldaý.
«Qurmetti balalar, eger sizderdiń quqyǵyńyz buzylsa, qurdastaryńyzdyń nemese eresekterdiń ádiletsizdigi men zorlyq-zombylyǵyna tap bolsańyz, ár ýaqytta úlkenderge júgine alasyzdar.
Eń aldymen, óz ata-analaryńdy tyńdańyz — olar sizdiń basty qorǵaýshylaryńyz. Synyp jetekshisi, mektep psıhology sizderge qajetti qoldaýdy kórsetýge árdaıym daıyn. Siz «111» nómirine qońyraý shalý arqyly táýlik boıy shuǵyl kómek ala alasyz, sondaı-aq «Bala qorǵaý» chatyna jazsańyz biz sizderge mindetti túrde kómektesemiz», — dedi Oqý-aǵartý vıse-mınıstri.
Vedomstvo ókili sondaı-aq, orta bilim máselesine toqtaldy.
«El Konstıtýsıasyna jáne Bilim berý salasyndaǵy kemsitýshilikke qarsy kúres týraly konvensıaǵa sáıkes, ár balanyń sapaly orta bilim alýyna tolyqqandy quqyǵy bar. Qazirgi ýaqytta elimizde 3 mıllıon 800 myń oqýshyǵa bilim beretin 7800 mektep oqytý tilin tańdaýǵa erkindik beredi», — dedi Edil Ospan Ortalyq komýnıkasıalar qyzmetinde ótken brıfıńte.
Vıse-mınıstrdiń aıtýynsha, vedomstvo balalarǵa qaýipsiz jáne qolaıly jaǵdaı jasaý boıynsha júıeli túrde jumys júrgizip otyr. Úsh jyl ishinde balalar úshin 340 myń orynǵa arnalǵan 626 mektep paıdalanýǵa berildi. «Jaıly mektep» ulttyq jobasy aıasynda 740 myń qosymsha orny bar taǵy 369 zamanaýı mektep boı kóteredi. Oqýshy úshin oryn tapshylyǵy máselesi osylaı sheshilmek.
«Balalar mekemelerin terorızmge qarsy qorǵaý sheńberinde buryn-sońdy bolmaǵan keshendi qaýipsizdik sharalary júzege asyrylýda. Bul mektepterdi beınebaqylaý júıelerimen 100% qamtýǵa múmkindik berdi. Mınıstrlik pen ákimdikterdiń arqasynda mektepterdiń kópshiligi Jedel basqarý ortalyǵyna qosylǵan jáne lısenzıalyq qaýipsizdik pen dabyl túımeleri ornatylǵan», — dedi Edil Ospan.
Sondaı-aq mektebi joq aýyldardaǵy oqýshylardy qaýipsiz tasymaldaý maqsatynda 500-den astam zamanaýı avtobýs satyp alynǵany aıtylyp ótti. Bul sharalar turǵylyqty jerine qaramastan balalardyń qaýipsizdigin qamtamasyz etýge baǵyttalǵan.
You Might Also Like
-
Árıne, kez kelgen ulttyń damýy men básekege qabilettiliginiń basty resýrsy – jastar. Qazaqstannyń qazirgi jastary – kúrdeli saıası, áleýmettik jáne ekonomıkalyq ózgerister kezeńinde týyp...
