- 19 qar. 2023 00:00
- 255
Pysyq-Mysyq (ertegi-qoıylym)
Avtor:
Erte-erte-ertede,
Kókoraı shalǵyn ólkede.
Aqyldy ári pysyq,
Ómir súripti mysyq.
Birde erte turyp, beti-qolyn jýyp, sıyr saýyp, sút uıytyp júrgen mysyqqa alyp-ushyp qoıan kelipti. Kele sala bylaı depti:
Qoıan:
— Sálem Pysyq-Mysyq! Maǵan shuǵyl kómegiń qajet? Keshke toıǵa barmaqshy edim. Myna matadan ádemi kóılek tigip bershi?
Mysyq:
— Sálem sánger qoıan! Qazir, ólshemińdi alaıyn.
(Qoıannyń ıyǵyn, arqasyn, belin ólshep alyp, dereý kóılek tigip beredi.)
— Kóp raqmet, Pysyq-Mysyq! Baǵasy qansha boldy?
Mysyq:
— Negizi jeti myńǵa tigem. Saǵan alty myń bolsyn.
Qoıan:
— Maǵan jeńildik qajet emes. Jeti myń tóleıin. Raqmet saǵan Mysyq dos! Ádemi mata kórseń maǵan kóılek tigip qoı. Satyp alamyn.
Ólshemdi bilesiń.
Mysyq:
— Raqmet saǵan, Qoıan! Álbette.
(Qoıan ketedi. Artynan dereý bireý esik qaǵady. Ashsa Túlki turady.)
Túlki:
— Sálem Pysyq-Mysyq! Maǵan shuǵyl kómegiń qajet?!
Mysyq:
— Sálem sulý Túlki! Ne bop qaldy taǵy?
Túlki:
— Aıaq astynan úıge qonaqtar kelip qaldy. Satatyn bálishiń bar ma?
Mysyq:
— Jemis bálishi bar. Kakao qosylǵan, qulpynaımen.
Túlki:
— Tamasha! Bireýin bere salshy.. Qansha turady?
Mysyq:
— Negizi 6000 teńge turady. Saǵan 5000-ǵa bereıin?!
Túlki:
— Raqmet, Pysyq-Mysyq! Meniń kómegim qajet bolsa aıt?!
(Túlki Qoıanǵa 5000 teńge beredi. Qoıan aqshany alyp, qýanyp ámıanyna salyp qoıady. Túlki kete sala taǵy esik taqyldaıdy. Ashsa Qonjyq eken.)
Qonjyq:
— Sálem Pysyq-Mysyq! Kómektes! Tabanyma tiken kirip ketti... Tikenin alyp, maı jaǵyp bershi...?!
Mysyq:
— Sálem Qonjyq! Qane tabanyńdy ákel?! (Tikenin alyp, maı jaǵyp baılap beredi.)
Raqmet Pysyq-Mysyq! Meniń kómegim qajet bolsa aıtarsyń?
(Qonjyq ketedi. Esikti bireý qaǵady. Túlki esikti ashsa, eshkim joq, jerge qarasa Kirpi turady.)
Kirpi:
— Sálem Pysyq-Mysyq! Ormanda ańdar jarysy ótip jatyr. Maǵan tez júretin aıaqkıim taýyp bershi?
Mysyq:
— Aıaǵyńnyń ólshemi qansha? Mende Rolık bar. Kıip kórshi? (Rolık aıaǵyna shaq kelgen kirpi, qatty qýanady.)
Kirpi:
— Baǵasy qansha turady?
Mysyq:
— Tegin-aq ala ber! Keı satyp alýshyǵa ne tegin, ne jeńildikpen beremin.
Kirpi:
— Raqmet saǵan Mysyq dos! Kezi kelgende osy jaqsylyǵyńdy artyǵymen qaıtararmyn!
(Kirpi ketedi. Qaıta esik taqyldaıdy. Ashsa Qasqyr turady.)
Qasqyr:
— Sálem Pysyq-Mysyq! Ashtan ólmesin deseń, jyldam, tamaq ber! Ne bar jeıtin?
Mysyq:
— Qazaqsha et bar!
Qasqyr:
— Ákel dereý bir tabaǵyn! (Mysyq Qasqyrǵa úlken tabaqpen et beredi. Qasqyr bir-aq asap, jeı salady. Sosyn qaltasynan 5000 teńge alyp, Mysyqqa beredi de, bylaı deıdi):
— Raqmet Pysyq-Mysyq! Kúnige maǵan tamaq daıyndap turýǵa qalaısyń?
Mysyq:
— Aıtsańyz boldy Qaseke! Tek aldyn-ala tapsyrys berýdi umytpańyz...
Qasqyr:
— Jaraıdy! Saý bol. (Ketedi)
(Balalar, ertegi osylaı jalǵasa beredi. Synyptaǵydaı taǵy da «qaı ań, ne surap keledi?» degen tańdaýdy ózderińe qaldyrdym. Ary qaraı Mysyq ashana, emhana, dúken, sheberhana t.t. ashyp, jumysshylar jaldaıdy. Árkim óz nusqasyn oılap taýyp, ertegini jalǵastyrsa bolady. Tasymaldaýshy-jetkizýshi, taksı júrgizýshi, satýshy, dáriger, muǵalim, sportshy, týrıs t.t. túrli ańdardyń tizimin jasap, sahnalasańdar bolady.)