InfoHub Logo

Topatamadaǵy sabaqtar tizimi:
1. Kóńildi jármeńke»
2. Shar men bı
3. Oınaımyz, bıleımiz bárine kel deımiz

Sabaqtyń taqyryby: «Kóńildi jármeńke»
Sala: shyǵarmashylyq
Maqsaty: Bıdiń ózindik erekshelikterimen tanystyrý. Balalardy ulttyq bı qımylyn este saqtaı bilýge úıretý. Durys músinin, júrý mánerin qalyptastyrý. Usaq matorıkasyn damytý. Oıyn jáne bı qımylyn úılestirý. Bı ónerine degen súıispenshiligin arttyrý. Ózara kómek kórsetýge tárbıeleý.
Kórnekiligi: tanystyrý rásimi «kóńildi jármeńke», syldyrmaq, átkenshek, sarafan, oramal, bórik, aıý, án «Altyn jármeńke», áýendi ortalyq.
Sabaqtyń túri: saıahat sabaq
Ádis – tásili: aralas sabaq
Sabaqtyń barysy:
İ. Uıymdastyrý bólimi
«Altyn jármeńke» áýenimen zalǵa kirý.(balalar jáı júrispen aıaqtaryn 300 kóterip aıaqtyń ushymen, sekirý marsh ádisterimen júredi).
Sheńber boıyna jınalyp ıilip amandasady.
Barlyq esikten, barlyq qaqpadan
Bizdiń jármeńkege
Barlyǵy asyqqan
Kim jaqsy eńbektense
Sol kóńildi júredi
Jınalyńdar halaıyq
Jármeńkege baraıyq
Aldymen jattyǵý jasaıyq.
Jattyǵý (fondy áýen)
Jetekshi: Sheńberge turamyz bir birimizge qarap, oıyndy bastaımyz.
Jetekshi sózin aıtady, balalar qımyl jasaıdy.
Qane beri qaraıyq

Qolymyzdy soǵaıyq
Soq, soq, soq (qol shapalaqtaý)
Al endi aıaqpenen
Top, top, top (aıaqty tarsyldatý)
Bir birimizdiń qolymyzdy qysyp, bı bıleıik (balalar bir biriniń qoldarynan qysady)
Mýzyka áýenimen sekirip bıleıdi
Biz jaqsy bıledik, jaraısyńdar. Endi jármeńkege qaraı jolǵa shyǵaıyq.
İİ. Negizgi bólim:
Oıyn:
Jetekshi: Endi bizder saıahatqa shyǵýymyzǵa bolady. Bir tizbekke jınalyp jolǵa shyǵaıyq. (Bir tizbek boıymen balalar ırek júrispen, aıaqtyń ushymen, eki – ekiden qol ustasyp júredi).
Jaraısyńdar balalar jármeńkege de kelip jettik.
(Syldyrmaqty barlyǵyńa taratyp)
Syldyrmaq,
Syldyrlap,
Besikte turady.
Bópeshim, byldyrlap,
Syldyrmaq urady.
(Balalar syldyrmaqty syldyrlatady)
Áýendi oıyn: Bizdiń jármeńkede kim aıý bolady? Biz ol úshin sheńberge jınalyp sanamaq aıtaıyq.
Bir, eki, úsh, – dep
Bizder sanaıyq
Aramyzdan aıýdy
Tańdap, taýyp alaıyq
Jetekshi: mine bizder aıýdy da taýyp aldyq (balanyń basyna aıýdyń bas kıimin kıgizedi)
Endi aıý ıilip sálem et (aıý ıilip sálem etedi)
Endi aıý aınal (aıý aınalady)
Endi bizben dostas!
Endi bizben átkenshekte aınalyp oına (aıýǵa lentalar baılanǵan átkenshek beredi)
Oıyn: «Átkenshek»
Aıý zaldyń ortasynda turyp átkenshekti aınaldyrady, balalar lentadan ustap átkenshekte aınalady.
Al endi bárimiz átkenshekte aınaldyq, kishkene otyryp dem alaıyq.
Fızmınýtka: Tynys alý jattyǵýy
Bastapqy jumys tynys alý jattyǵýyn jasatý. «Ushaq»: qoldy eki jaqqa, alaqandaryn joǵary qoıý. Basty joǵary kóterý – dem alý. «jjj....» (dem shyǵarý) dep aıta otyryp, jan – jaqqa burylys jasaý, tik turý, qoldy jiberý, paýza. Murynmen dem alý, aýyzda «tútikshelep» dybyspen bir ýaqytta uzaq dem shyǵarý. 2 – 4 ret qaıtalaý.
Jetekshi: Ushaq jaıdy qanatyn:
Ushýǵa daıyndalyp.
Oń jaqqa men qaraımyn,
Jý – jý – jý....
Sol jaqqa men qaraımyn
Jý – jý – jý....
Mine bizder otyryp tynyǵyp dem aldyq, jármeńkede taýar kórdik. Bul jármeńkeden eshteńe satyp almaı qalaı ketemiz. Men sizderge taýar usynamyn. Ol úshin sender suraqqa durys jaýap berýlerińiz kerek.
Meniń suraǵym mynadaı:
Sender qalaı oılaısyńdar jármeńkede ne satylady? (balalardyń jaýabyna jetekshi oramal taratady)
Oramal satyp aldyq kóńilimiz kóterildi. Kóterińki kóńil kúımen adamdar ne isteıdi? (bıleıdi)
Onda ne istep otyrmyz? Qane bıleıik
Oramalmen bı
Juptar qol ustasyp, dıogonal boıynsha eki jaqtan shyǵady. Uldar eki qolyn belderine qoıady, qyzdar sol qolymen uldardy qoltyqtap ustaıdy.
Juptasyp, eki qatarǵa biriniń artynan biri turady eki qol belge, oń aıaq ókshesi ońǵa qaraı qoıylady, al eki qol joǵary kóterilip, ekinshi pozısıaǵa turady. Osy qımyl sol aıaqpen qaıtalanady.
Oń aıaqtyń ókshesimen topyldatyp, eki qol birinshi pozısıadan, ekinshi pozısıaǵa odan úshinshi pozısıany qaıtalap keýdesine birinshi qolǵa ekinshi qolyn qoıady. Uldar qoldaryn belge qoıyp, otyryp – turý qımylyn jasaıdy. Otyryp – turyp oń aıaqtyń ókshesi janyna qoıylady. Osy qımyl qaıtalanyp sol aıaqpen jasalady.
Bul ýaqytta qyzdar oń qolynyń suq saýsaǵyn betine qoıyp (matreshkaqımyly), bir orynda sertpe qımylyn jasaıdy.
İİİ. Jańa sabaqty bekitý:
1. Jármeńkede kimderdi kezdestirdik?
2. Qandaı aspapta oınadyq?
3. Jármeńkede ne istedik?
4. Jármeńkede bizdi kim qýantty?
5. Jármeńkede ne unady?
6. Qandaı nárseni oryndaý qıyn boldy?
İV. Qorytyndy:
Jetekshi: Sizder búgin oıynǵa at salystyńdar. Jattyǵýdy jaqsy oryndap, ádemi bıledińder. Qane maǵan kóńil – kúılerińdi kórsetińder.
Jaraısyńdar! (balalarǵa táttiler taratý)
Balalar sabaq aıaqtaldy. Saý bolyńyzdar!
Balalar áýenmen zaldan shyǵady.