InfoHub Logo

Toptamadaǵy sabaqtar tizimi:
1. Ana - ómir shýaǵy
2. Armysyń, áz Naýryz
3. Sıqyrly sandyqtaǵy 2 sany

«Ana - ómir shýaǵy»
Erteńgilik ótetin zal merekege saı ádemi bezendirilgen.
Júrgizýshi: Qymbatty analar, ájeler, qurmetti qonaqtar 8 – naýryz halyqaralyq áıelder kúnine arnalǵan erteńgiligimizdi bastaımyz.
Merekelerińiz qutty bolsyn!
Ardaqty ana aıaýly ana, qymbattym.
Tátti uıqyńdy bólip talaı ún qattyń.
Ómirime nárin berdi aq sútin.
Keń aıasyndaı gúl baqtyń.
(Kóńildi mýzyka yrǵaǵymen án - kúı zalyna balalar bı bılep kiredi. Uldar qoldaryndaǵy gúl shoqtaryn qyzdarǵa usynady).
Quttyqtaý sóz balabaqsha meńgerýshisi B. B. Orynbasarqyzyna beriledi.
Aıtóre:
Senen ósken balalar.
Batarlarmen danalar!
Quttyqtaımyz meıramyńmen,
Qurmetti analar!
Inabat:
Merekeni qarsy alyp,
Máz bolady barsha jurt,
Gúl usynyp anaǵa,
Berdim ózim án salyp.
Imanáli:
Álpeshtegen, aıalaǵan,
Aq sút bergen apataıym.
Sálem jazyp búgin saǵan,
Meıramyńmen quttyqtaımyn.
Nazym:
Meıirimdi, symbatty,
Qadirmendi qymbatty,
Eń jaqyn jan balaǵa,
Kim deseńder ol - Ana.
Abylaı:
Ana – bizdiń kúnimiz.
Ana - bizdiń gúlimiz,
Anamyzdan taraıdy,
Bizdiń ana tilimiz.
Merýert:
Jarqyn júzdi jan anam,
Sendeı bolsyn bar adam.
Almaz:
Ún qatasyń bal tilmen,
Erkeleımin ár kún men.
Quttyqtaımyn anashym,
8 - naýryzben.
Balalar: Merekelerińizben súıikti anashym!
Án: «Apataıym anashym».
Júrgizýshi: Analardyń anasy, ájelerge arnalǵan balalardyń syıyn qabyl alyńyzdar.
Mádına:
Ájem meniń álide,
Uqsamaıdy kárige,
Shaı qaınatyp beredi.
Bizdiń úıdiń bárine.
Aızere:
Analardy súıemiz,
Sózin oıǵa túıemiz,
Ájeni de ardaqtap,
Ádeppen bas ıemiz.
«Qýyrshaqtar» áni
(Osy sátte esik qaǵyp, kóńildi áýenmen Masha júgirip keledi).
Masha: Dostarǵa sálem! Men tanydyńdar ma? Men Mashamyn ǵoı! Eń aqyldy, eń kóńildi, eń tárbıeli qyzbyn. Men senderdiń ájelerińdi, analaryńdy jáne qyzdardy merekemen quttyqtaý úshin ádeıi ertegiler elinen keldim.
Júrgizýshi: Masha bizge syılyqqa ne ákeldiń?
Masha: (renjip) men gúl shoqtaryn daıyndap edim. Biraq olardy júrip kele jatyp shashyp aldym.
Júrgizýshi: Balalar biz Mashaǵa gúldi jınap kómekteseıik.
Oıyn «Gúl shoǵyn jınaý»
(Balalardyń kómegine rıza bolǵan Masha bıleı jóneldi).
Júrgizýshi: Masha sen qandaı táttini jaqsy kóresiń.
Masha: Úlken tort, varenıe.
Júrgizýshi: Joqty aıtpa! Bizde varenıe joq. Al táttini merekeden soń alasyń. Sen táttini kóp jegennen tistiń aýyratynyn bilmeıdi ekensiń ǵoı.
Bizdiń balalar ony jaqsy biledi. Jalpy densaýlyq jaqsy bolý úshin dene shynyqtyrý men shuǵyldanǵan jón. Qazirgi bizdiń balalar ózderiniń qandaı kúshti ekenderin saǵan kórsetedi.
Oıyn: «Doppen sekirý»
(Masha balalarǵa alǵysyn aıtyp, ertegiler eline keldi).
Júrgizýshi: Balalar men senderge jumbaq jasyraıyn.
Aq qar erip,
Sý kóbeıip,
Saı salaǵa tolady.
Aǵash basy búrshik atyp,
Gúl báısheshek basady.
Bóbekterim, aıtyńdarshy
Bul qaı kezde bolady.
Balalar: Kóktemde!
(Zalǵa váls áýenimen qolynda syılyq salynǵan sebeti bar kóktem kirdi).
Kóktem: Sálemetsizder me, Balalar, analar!
Saǵynysh pen jetken,
Keldi mine kóktem,
Jaınap nurly gúli,
Merekeńiz búgin,
Qutty bolsyn analar!
Júrgizýshi: Kóktem, biz seniń kelgenińe óte qýanyshtymyz. Balalar kúniniń shuǵylasyn, syldyryn saǵyndy. Qazir bizdiń Aıtóremiz sizge arnap án salyp beredi.
Án: «Meniń Qazaqstanym».
Júrgizýshi: Kóktem, sen balalarǵa ne ákeldiń?
Kóktem: Men senderge kóktemniń shuǵylasyn ákeldim(ártúrli lentalardy shyǵarady). Qane balalar lentany alyp «Kóktem» bıin bıleıik.
«Kóktem» bıi.
Kóktem balalarǵa alǵys aıtady.
Júrgizýshi:
Qandaı ǵajap kún búgin,
Kúmis - kúlki, jan – jaǵyń.
Kúlimdegen bar bala,
Jigitter bıin bıledi.
«Teńizshiler» bıi.
Ata - analarmen oıyn. «Óz balańdy tabyńyz».
Júrgizýshi:
Qutty bolsyn osy shattyq kúnińiz,
Baqytty da uzaq ómir súrińiz,
Qýanyshty júzińizben ár daıym,
Bul ómirde kúlip qana júrińiz.
Kóńildi áýenmen balalar daıyndaǵan gúlderin analarǵa usynady.
Júrgizýshi: Qurmetti analar osymen ózderińizge arnalǵan erteńgiligimiz aıaqtaldy. Árdaıym kóktem gúlindeı jaınap júre berińizder.