InfoHub Logo

Ata-analar úshin balabaqshadaǵy balasyna arnap qymbat oqýlyq satyp alýdyń qajeti joq. Balabaqsha ata-analar tek qarapaıym jazý dápterlerin talap ete alady.

Budan buryn habarlaǵanymyzdaı, qyrkúıek aıynyń basynan beri elordadaǵy balabaqshalar ata-analarǵa 15 oqýlyqtan turatyn kitap tizimin taratqan. Orta eseppen bul 15 kitapty 12 myń teńgege satyp alýǵa bolady eken. Onyń ústine, balabaqshalardyń bergen tizimindegi kitaptar qala dúkenderinde az mólsherde ǵana satylǵan. Sondyqtan, kitap dúkenderin «kúzetetin» mektep oqýshylarynyń ata-analaryna balasy baqshaǵa baratyn ata-analar qosylǵan edi.

Osyǵan oraı, «QazAqparat» tilshisi Astana qalasy ákimdiginiń bilim basqarmasyna habarlasyp, máseleniń mán-jaıyn anyqtady.

«Jazý dápterleriniń ózin ata-analar qalaýy boıynsha  ǵana satyp ala alady. Eger de ata-ananyń ony satyp alatyndaı múmkindigi bolmasa, balalar 12 bettik dápter men sýret dápterin ákelse jetkilikti»,-dep jaýap berdi Astana qalasynyń bilim basqarmasy agenttiktiń resmı saýalyna jaýap bere otyryp.

Bilim basqarmasy Astana qalasyndaǵy balabaqshalardyń tamaǵy ǵana aqyly ekenin eske saldy.

---