InfoHub Logo

1. Otbasylyq búdjetińizdi balańyzdan jasyrmańyz. Balaǵa aqsha týraly 3-4 jastan bastap aıta bastaǵan jón. Biraq ony balanyń óz tilinde túsindirý kerek. Mysaly, shyǵyndaryńyzdy túrli tústerge bólińiz. Kók — komýnaldy tólemderge, sary — azyq-túlikke, jasyl — oıynshyqqa degen sıaqty. Bala dúkenge barǵanda jańa oıynshyq alyp berýin surasa, aqsha tek sary qorapta qalǵanyn, al jasyl qorapta kelesi aıda ǵana aqsha bolatynyn ońaı túsindire alasyz. Sonymen birge balaǵa jasyl qoraptaǵy aqshaǵa tıispeı, ústine taǵy da aqsha qosyp jınaıtyn bolsa, úlken jáne kóp oıynshyq satyp alatynyn túsindirińiz.

2. Balaǵa qalaǵanyn birden alyp bermeý kerek. Bul balaǵa eshteńe alyp bermeńiz degen sóz emes. Balańyz ózine qatty unaǵan zatyn alyp berýin ótinse, qalaǵanyn alyp berýden bas tartpańyz. Tek aldymen balańyzdan alǵysy kelgen dúnıelerin tizimge engizýin surańyz. Qalaǵan zatynyń sýretin salyp nemese jazyp, tońazytqyshtyń syrtyna ilip qoıyńyzdar. Aı sońynda tizimge qarap bir oıynshyqty tańdatsańyz bolady. Iaǵnı balańyz saýdany oılanyp jasaýǵa úırenedi jáne jarnamanyń arbaýyna túspeýge beıimdeledi.

3. Balańyzdyń qaltasyna aqsha salyp qoıý kerek. Balańyzdyń qaltasynda 300 teńge bar delik. Al bul aqshaǵa kishkentaı oıynshyq satyp ala alatynyn aıtyńyz. Eger taǵy sál kútse ústine aqsha qosyp, odan úlkenirek oıynshyq satyp alýyna kómektesetinińizdi túsindirińiz. Sonda balańyz qaltasyndaǵy aqshasyn tekke qurtpaı, satyp alǵysy keletin nársesin aldyn ala josparlaýdy úırenedi.

4. Qajetti zattardy mańyzdylyǵyna qaraı bólýdi úıretińiz. Balalar búgin bir nárseni qalasa, erteń basqa zatty alǵysy keledi. Eger alǵysy keletin zat qymbattaý bolsa, usaq aqsha jınaıtyn úı kasasyna (kopılka) birigip aqsha jınaýdy usynyńyz.

5. Jaqsy oqyǵany úshin aqsha bermeńiz. Jaqsy baǵa alsań 100 teńge berem dep úıretpeńiz. Bul tásil oqýdy aqsha tabý kózine aınaldyryp jiberýi múmkin.

Oqýǵa keńes beremiz:

Aqsha jasyrýdyń qyzyqty ári erekshe 9 ádisi

Iap aralynyń qupıaly tas teńgesi

Caýalnama: Baqytty bolý úshin qansha aqsha kerek

Jalǵan aqshany anyqtaýdyń 10 qupıasy

Jeke qarjyny basqarý jaıyndaǵy úzdik bes kitap

---