InfoHub Logo

№180 jalpy bilim beretin mekteptiń bastaýysh synyp oqýshylary óte daryndy, shyǵarmashyl, elgezek. Kúndelikti kóz aldymyzda óz ónerimen tánti etip júrgen balalardyń shyǵarmashylyǵymen tanys bolyńyzdar. "Bala tili-bal" demekshi, balanyń oıynda balalyqtyń, táttiliktiń dámi seziledi. 2 "B" synyp jetekshisi Baqty Beıbithan órenderge tálim-tárbıemen qosa, analyq mahabbatyn da arnaǵan jan.

2 "B" synybynyń oqýshylary túrli taqyrypta jazǵan esse-shyǵarmalaryn nazarlaryńyzǵa usynady.

Táýelsizdiktiń qasıetti belgileri.

Táýelsizdiktiń qasıetti belgilerine ulttyq rámizder jatady. Olar Tý, Eltańba jáne Gımn. 4 maýsym –  Memlekettik rámizder kúni bolyp bekitildi.  Qazaqstan memleketin álemge  tanytatyn birden-bir qural – memlekettik rámizder.  El bolashaǵy jastarymyzdyń boıyna osy eldik belgilerge degen qurmet pen súıispenshilikti  sińirý – barshamyzdyń aldymyzda turǵan zor mindet. Elbasy N.Nazarbaev: «Biz táýelsizdikke ańsap  jettik. Endi táýelsizdiktiń qasıetti belgilerin de erekshe qadirleýimiz, qasterleýimiz qajet. Árbir azamat Qazaqstannyń Týyn, Eltańbasyn, Gımnin tumardaı qasıet tutýy qajet. Eldigimizdiń synalatyn bir tusy osy», – degenin esten shyǵarmaýymyz kerek.

Djýmagaı Islam. 2 «B» synyp oqýshysy

Meniń ustazym

Meniń ustazym Beıbit apaı. Beıbit apaı magan qatty unaıdy. Ol bizge ádeptilikti, jaqsylyqty, uqyptylyqty úıretýge esh jalyqqan emes. Men de apaıymdy syılap, qurmettep, alǵysymdy aıtýdan eshqashan jalyqpaımyn! Sizdiń biz úshin úlken jumys istegenińiz úshin kóp rahmet Beıbit apaı!!! 

Medet Daıana 2 «B» synyp oqýshysy

Altyn uıa mektebim

 Meniń mektebim Saıaly yqsham aýdanynda ornalasqan. Ol jańa, ári úlken ǵımarat. Óz basym mektebimdi maqtan tutamyn. Sebebi meniń mektebimdi Elbasymyz N.Á.Nazarbaevtyń ózi kelip ashqan dep estidim. Onyń ár taly, ár kabıneti, bári –bári maǵan ystyq. Mektebimniń júregi alǵashqy ustazymdy erekshe jaqsy kóremin. Kúndelikti bergen bilimi men úshin óte qymbat.

Mektebimniń ashylǵanyna qańtar aıynda 6 jyl bolady eken. Az ýaqyttyń ishinde mektebimniń jetistikteri óte kóp eken. Oǵan úlken dálizde turǵan maqtaý qaǵazdary, kýboktar, ozat oqýshylardyń sýretteri dálel bola alady. Bolashaqta men de osy marapattarǵa óz úlesimdi qossam deımin. Mektebimniń atyn  shyǵarý úshin talaı jarystarǵa qatyssam deımin.

Oljasqyzy Aıym   2 «B» synyp oqýshysy

N.Á. Nazarbaev- Qazaqstan Respýblıkasynyń negizin qalaýshy tarıhı tulǵa.

Táýelsizdigimizdi alyp, egemendigimizdi bekitkennen keıingi elimizdiń damýy,onyń álem aldyndaǵy bedeliniń ósýi Elbasy bastaǵan qazaq halqynyń qajyrly eńbegi ekeni barshamyzǵa aıan. Ǵasyrlarǵa sozylǵan memlekettiliktiń damý evolúsıasynda eń erekshe zańdy fakt, ol Elbasynyń Qazaqstandy halyqaralyq quqyqtyń sýbektisi retinde dúnıe júzine tanytýy. Árıne táýelsizdigin qaıta jańǵyrtqan qazaq memlekettiliginiń qalyptasýynyń alǵysharttary da tereńde jatyr. 1991 jyly 1 jeltoqsanda elimizde tikeleı prezıdenttik saılaý bolyp onyń qortyndysy boıynsha halyq biraýyzdan N.Á. Nazarbaevty prezıdentikke laıyqty adam dep tanydy. N.Á. Nazarbaev halqyna antyn berdi. Osy kúnnen bastap tarıhta jańadan paıda bolǵan Qazaqstan Respýblıkasynyń damý kezeńi bastaldy. 
Biz – birligi jarasqan Qazaqstan halqy Elbasymyz N.Á. Nazarbaevtyń strategıalyq josparlary iske asatyndyǵyna haq senemiz.

Ermek Aıaýlym 2B-synyp oqýshysy

N.Á. Nazarbaev -Qazaqstan Respýblıkasynyń negizin qalaýshy  tarıhı tulǵa.

 1991 jyldyń 1-jeltoqsan kúni  elimizde prezıdenttikke N.Á. Nazarbaevty laıyqty adam dep tanydy. 1990 jyldardyń basynda saıası-ekonomıkalyq júıesiniń keshendi daǵdarysqa ushyraýy kezeńinde, el tizginin ustaǵan N.Á. Nazarbaev óziniń kóregen saıasatker, elin eldikke bastaǵan asa daryndy reformator,elin shyn súıetin tarıhı tulǵa ekendigin kórsete bildi. Semeı ıadrolyq synaq alańy jabyldy. Eldiń jańa elordasy - Astana zamanaýı qala retinde dúnıejúzilik forýmdar ótkizý ortalyǵyna aınaldy, ol arqyly Qazaqstan dúnıejúzine tanyldy. Bolashaǵymnyń jarqyn bolatynyna senimdimin!!!

Bekmýhambetov Bekjan 2 "B" synyp oqýshysy

Meniń mektebim

 Men № 180-shi mektepte oqımyn. Mektepte balalar tálim-tárbıe, bilim alady. Men de 6 jasymda mektepke keldim. Alǵash mektep tabaldyryǵyn attap-aq  dostarym kóbeıdi. Meniń mektebim úsh qabatty, ásem ǵımarat. Mektebimizde synyptar kóp jáne sport zaly, saltanat zaly, kitaphana bar. Bizdiń mektepte úsh myńǵa jýyq bala oqımyz.

 «Mektep keme, bilim teńiz» - degendeı biz mektebimizden kóptegen nárselerdi úırenip, jetistikterge jetemiz, degen úmitpen, armanmen ósip kelemiz.

Men mektebimdi unatamyn. Osy mektepte oqyǵanymdy maqtan etemin!

AIDARHAN NURÁLI NURJANULY 2 «B» synybynyń oqýshysy

"Ustaz bolý júrektiń batyldyǵy,   Ustaz bolý júrektiń aqyndyǵy"        

 Ustaz degenimiz- qasıetti uǵym.Ustaz ol bizdiń ekinshi anamyz,aqylshymyz.Bizge bilimin berip,tártipke baýlıdy.Ómirimizdegi mańyzy zor aıaýly jan.Tárbıeleýdegi úlesi tamasha ustaz.Ustazymyz árqashanda uqypty, ádemi kıinedi.Bizge degen meıirimi sheksiz...Biz onyń ár altyn sózin tyńdap qurmetteımiz. Men óskende Baqty Beıbithan apaıym sekildi ulaǵatty ustaz bolamyn! !!Apaı,eńbegińiz jana bersin! 

Tileýbaı Janerke 2 "B" synyp oqýshysy

---