InfoHub Logo

Qys eń ádemi maýsymdardyń biri bolsa kerek, ádette osy kezeńde adamda jańa áýes, jańa qyzyǵýshylyq paıda bolady, jańa nárse kórgisi keledi. Bireý shańǵy nemese snoýbordtqa birinshi ret tursa, bireýler kónkı teýip kóredi, jalpy qazaqstandyqtar taý shańǵy shıpajaılary men muz aıdyndaryna jıi barýda. Barshamyzǵa málim bolǵandaı, bul ǵanıbet aqyly bolýmen qatar arzan da emes.

Osyǵan oraı Bilim-all.kz portaly men Hoým Kredıt Banki birlesip qysqy demalys ýaqytyn túrli jeńildikpen tıimdi ókizýge arnalǵan birneshe keńespen bólisýdi jón sanady.

Jeńildikke nemquraıly qaramańyz

Qazaqstanda oıdaǵydaı jumys jasaıtyn birneshe kýponator saıttary bar, mysaly, Chocolife.me, Blizzard.kz jáne basqalary.

Qysta bul portaldarda Medeý sport keshenine nemese Shymbulaq, Aqbulaq sıaqty taý-shańǵylyq kýrorttaryna, sondaı-aq basqa da otbasylyq oıyn-saýyq ortalyqtaryna da jeńildik usynystary erekshe kóp bolady.

Jeńildikterdi muqıat saralap kórińiz, óıtkeni kýpondarmen qarýlanyp alsańyz, kóńildi ýaqyt ótkizýdiń  shyǵyndaryn 90%-ǵa deıin únemdeı alasyz. Bastysy –  qaıdan izdeý kerek ekenin bilý.

Jabdyqtardy jalǵa alýdy toqtatyńyz.

Eger sizdiń qalańyzda kónkımen syrǵanaý nemese shańǵy tebý sekildi qysqy oıyn-saýyq túrleri belsendi damyǵan bolsa, onda ózińizge jabdyqtardy satyp alýdy oılastyryńyz. Olardy únemi jalǵa alyp otyrsańyz, siz bul jabdyqtyń qunyn asyra túsetinen baıqamaısyz. Mysaly, sapaly kónkı baǵasy ortasha 30 000 tg deıin. Kónkıdi bir rettik jalǵa alý 2 saǵatqa shamamen 1000 tg-den 1500 tg deıin bolady. Muz aıdynyna shamamen ár senbi barsańyz, al «syrǵanaý» maýsymy úsh aıdan alty aıǵa deıin bolatynyn eskersek, maýsym sońynda orta eseppen 18 myńnan 30 000 ǵa deıin teńge jumsaısyz. Uzaq merzimdi paıdany oılańyz. 30 000 teńge turatyn kónkı keminde 5 jyl sizge qyzmet jasap beredi, sonymen qosa olardy ár paıdalanǵanyńyz úshin únemi aqy tóleý qajet emes. Aıyrmashylyǵy jaqsy, ıá? Oǵan jetkilikti qarajatyńyz bolmasa, olardy alý úshin bólip tóleýdi rásimdeýińizge bolady. Endi osyǵan jeke gıgıenasyn taǵy qosyńyz.

Týrısik agenttikter baqylaýyńyzda bolsyn

Sońǵy kezderi qazaqstandyqtar jańa jyl merekelerinde belsendi demalystar úshin shetelge jıi baratyn boldy. Mysaly, kórshi Qyrǵyzstandaǵy «Karakol» taý-shańǵylyq kýrortyna nemese odan da alysqa, Reseıdegi tanymal Roza Hýtorǵa. Keıde týrısik agenttikter barlyq josparlanǵan joldamalardy ótkizip úlgere almaı jatady. Bul jaǵdaıda «ystyq saıahat» degen belgimen úlken jeńildikter iske qosylady. Bul jaǵdaıda «qysqy saıahatty» ózindik qunyna jaqyn baǵaǵa alǵan bolasyz. Eger ózińizdiń nemese balalaryńyzdyń jany jańa jyldy shetelde shańǵymen syrǵanap ótkizýdi qalap tursa, onda týrısik agentterdiń saıttaryn qazirden bastap baqylaýyńyz artyq bolmas. Biraq muqıat bolyńyz, sizben agenttik arasyndaǵy sharttyń talaptarymen tolyq tanysyp shyǵyńyz. Óıtkeni armanyńyzdaǵy demalys ýádelespegen sharttarmen ońaı buzylýy múmkin.

Qysqy zattardy jazda satyp alýǵa tyrysyńyz

Bolashaq úshin keńes — qysqy zattardy jazda alǵan árqashan tıimdi. Ádette, kúnniń jylynýymen dúkenderdiń úlken de kishi de satylmaǵan koleksıasyn «joıýǵa» tyrysady. Osydan óte úlken jeńildikterdiń paıda bolýyn túsinýge bolady (90% deıin). Sportqa arnalǵan syrt kıim, tolstovka, hokeı taıaqshasyn, kónkı jáne taǵy basqa kóptegen zattardy alýǵa keremet múmkindik. Taǵy aıta ketetin jaıt, keıbir sport dúkenderi jańa jyldyń aldynda da kıim men jabdyqtarǵa 50% -ǵa deıin jeńildikter jasaýy múmkin. Mysaly, snoýbordqa arnalǵan jıyntyq: bord, bekitkish jáne báteńkeni 120-150 myńǵa emes, 60-75 myńǵa satyp alýǵa bolady. İzdenińiz, surańyz, sonda qysqy maýsym jeńildikter men tıimdi shopıngtiń balamasy bolyp oıyńyzda qalyptasatyn bolady.

---