InfoHub Logo

Mazmuny
Osy Zań balalardy qoǵamdaǵy tolymdy ómirge daıarlaý, olardyń qoǵamdyq máni bar jáne shyǵarmashylyq belsendiligin damytý, álemdik órkenıettiń jalpy adamzatqa tán qundylyqtary negizinde olardy joǵary ımandylyq qasıetterge, eljandylyq pen azamattyqqa tárbıeleý, olardyń boıynda ulttyq sana - sezimdi qalyptastyrý prınsıpteriniń basymdyǵyna súıenip, balanyń Qazaqstan Respýblıkasynyń Konstıtýsıasynda kepildik berilgen negizgi quqyqtary men múddelerin iske asyrýǵa baılanysty týyndaıtyn qatynastardy retteıdi.

1 - taraý. Jalpy erejeler
1 - bap. Osy Zańda paıdalanylatyn negizgi uǵymdar
Osy Zańda mynandaı negizgi uǵymdar paıdalanylady:
1) bala – on segiz jasqa (kámeletke) tolmaǵan adam;
2) balanyń zańdy ókilderi – ata - anasy, bala asyrap alýshylar, qorǵanshysy, qamqorshysy, patronat tárbıeleýshisi, Qazaqstan Respýblıkasynyń zańdaryna sáıkes olardyń ornynda qamqorlyq jasaıtyn, bilim, tárbıe beretin, balanyń quqyqtary men múddelerin qorǵaıtyn adamdar;

3) ata - anasynyń qamqorlyǵynsyz qalǵan bala – ata - ana quqyqtarynyń shektelýine nemese olardan aıyrylýyna, ata - anasy habar - osharsyz ketti dep tanylýyna, olar óldi dep jarıalanýyna, áreketke qabiletsiz (áreket qabileti shekteýli) dep tanylýyna, ata - anasynyń bas bostandyǵynan aıyrý oryndarynda jazasyn óteýine, ata - anasynyń balasyn tárbıeleýden nemese onyń quqyqtary men múddelerin qorǵaýdan jaltarýyna, onyń ishinde ata - anasynyń óz balasyn tárbıeleý nemese emdeý mekemelerinen alýdan bas tartýyna baılanysty, sondaı - aq ata - anasy qamqorlyq jasamaǵan ózge de jaǵdaılarda jalǵyzbasty ata - anasynyń nemese ekeýiniń de qamqorlyǵynsyz qalǵan bala;