InfoHub Logo

Bilim berý salasy: Qatynas
Uıymdastyrylǵan oqý is - áreketi: Aınalamen tanysý
Sabaqtyń taqyryby: «Balalarmen birge tanymdyq tájirıbe jumystary»
Maqsaty: Sý týraly, bilimderin keńeıtý, sýdyń qasıetimen tanystyrý, is – tájirıbe jasaýǵa qyzyǵýshylyǵyn arttyrý. Sýǵa qamqorlyq jasaýǵa úıretý.
Bilimdilik máni: Balalardy sýdyń qasıetterimen tanystyrýdy jalǵastyrý ( dámi joq, ıisi joq, belgili pishindi bolmaıdy, tússiz, jaqsy eritkish bolyp tabylady).
Damytýshylyq máni: Sebep saldarlyq qatynastardy belgileý daǵdylaryn qalyptastyrý arqyly balalarǵa sýdyń móldir bolatyndyǵy jaıly, sýda tiri aǵzalardyń ómir súre alatyndyǵy týraly túsinik berý.
Tárbıeshilik máni: Súıispenshilik pen qyzyǵýshylyqtaryn arttyrý, sýǵa degen uqyptylyǵyn tárbıeleý.
Kórnekilikter: slaıd; tájirıbe jumysyna arnalǵan zattar; sý quıatyn tárelke, staqan, sirińke nemese tis shuqyǵysh, jumyrtqa, tuz, lımon qaǵaz.
Aldyn - ala jumys
Qandaı sýdy ishýge bolmaıdy?
Qandaı sýdy ishýge bolady?
Ádis – tásilder:
1. Sý taqyrybyna áńgimelesý.
2. Sýdyń qasıetin anyqtaý, tájirıbe jumystary
3. Sý týraly taqpaqtar, yrym, tıym sózder.
Sabaqtyń barysy:
Uıymdastyrý kezeńi:
Shattyq sheńber.
Kúnniń kózi ashylyp,
Kóke shýaq shashylsyn.
Qutty qonaq kelipti
Tórimizge enipti
Amandasý úlkenge.
Tárbıeniń basy ǵoı.
Al qanekeı, bárimiz
Sálem deıik úlkenge
Sálemetsizder me apaılar!
Balalar qosh keldińder zerthanaǵa. Balalar búgingi sabaǵymyz bizdiń erekshe bolaıyn dep tur, óıtkeni sender biz búgin ótken sabaqtaǵy sıaqty zerteý, baqylaý jumystaryn ótkizemiz. Biz zerteý jumysyn bastamaı turyp men senderge jumbaq jasyramyn. Sol jumbaqtyń sheshýin tapsańdar biz soǵan baılanysty tájirıbe jasaımyz.
Jumbaq:
Kesken bolam, kesilmeıdi, kesilse de bólinbeıdi. (Sý)
Durys taptyńdar, endi sol sýǵa baılanysty kim taqpaq biledi.
Syldyrlaıdy móldir sý
Móldir sýǵa qolyńdy jý
Jýsań sen árdaıym
Appaq betiń mańdaıyń.
Tárbıeshi: Tyıym sóz, maqal – mátel, jumbaqtar bilesińder me?
Jumbaq sheshý
Aıaǵy joq, qoly joq
Biraq tynysh turmaıdy.
Sanamasań – qoryn tek,
Barsha tirshilik qýraıdy. (Sý)
Tyıym sóz
Ydystaǵy sýǵa aýzyńdy batyrýǵa bolmaıdy.
Sý týrly taǵy ne bilesińder?
Maqal – mátelder:
1. Sýsyz ómir joq.
2. Sýdyń da suraýy bar.
- Sý sóıleı alama? (Syldyrlaıdy, aǵady, sarqyraıdy, quıady)
- Sýdyń qandaı qasıeti bar (sý jylǵadan aǵady, muz bolyp qatady, teńiz bolyp tolqıdy, aýaǵa bý bolyp ushady.
- Sýdyń dámi bar ma?
- Sýdyń dámi joq.
- Sýdyń ıisi bar ma?
- Sýdyń ıisi joq
- Sýdyń túsi joq, ol móldir.
- Balalar sý týraly kóp bilesińder eken endi biz qazir sendermen sol sý arqyly tájirıbe jasaımyz.
Tárbıeshi:
1. Tájirıbe Staqandaǵy sýǵa shıki jumyrtqany salamyz ol túbine batyp ketedi. Staqannan jumyrtqany alyp tastaımyz.
2. Tájirıbe Staqandaǵy sýǵa 2as qasyq tuzdy salyp shıki jumyrtqany salamyz, jumyrtqa batpaı sýdyń betinde turady.
3. Tájirıbe Tárelkedegi sýǵa sirkeni nemese tis shuqyǵyshty kún shashýǵa uqsatyp salamyz, ortasyna rafınad qantty qoıamyz. qant pen sirkemiz kúnge uqsaıdy. Qantty alyp tastap ortasyna bir tamshy ezilgen sabyndy quıamyz, sol kezde ortada jınalǵan sirkemiz jan-jaqqa ketedi.
Sergitý sáti:
Kún bolyp janaıyq
Móldir sý bolyp aǵaıyq
Gúl bolyp jaınaıyq,
Tereń – tereń dep alyp,
Júgirip – júgirip alaıyq.
4. tájirıbe tárelkege jarty lımondy qysyp lımon qyshqyly qansha bolsa sonsha sý quıamyz. Aq qaǵazdy alyp maqta taıaqshasymen lımon qyshqylyn qaǵaz betine unaıtyn sózderdi jazý. Qaǵazdy ústel ústi shamymen keptirip sózderdi oqý.
5. Tájirıbe 2 staqan bireýinde sý, ekinshisi bos bolady. Staqanda sýǵa kakteldiń tútigin salyp bas barmaqpen basyp turamyzda, ekinshi staqanǵa ákelip salamyz sol kezde tútiksheden sý aǵady. Osylaı qaıtalap ekinshi staqanǵa sýdy quıyp alýǵa bolady. Tútiksheniń basynan bas barmaqpen baspasań sý aqpaıdy. Kórsetken tájirıbelerdi balalar óz aldarynda qaıtalaıdy.
Qorytyndy:
Balalar bizdiń jasaǵan tájirıbeniń bárine sýdyń kómegikerek boldy sondyqtan men bylaı aıaqtaǵym kelip tur.
Sý – ómirdiń kózi degen sózdi aıtqym kelip tur.