InfoHub Logo

Taqyryby: Qarajorǵa - bıdiń tóresi
Maqsaty: Oqýshylardy qarajorǵa bıiniń shyǵý tarıhymen tanystyrý, ony nasıhattaý
Júrý barysy
1. Uıymdastyrý bólimi. Kóńildi yrǵaqty áýen júrip turady.
2. Muǵalim sózi: Balalar, osyndaı yrǵaqty áýendi estigende qandaı sezimde bolasyńdar?
(oqýshylar jaýaby: kóńildi bolamyn, bılep ketkim keledi t. b.) Al osy bı týraly ne bilesizder?(oqýshylar jaýaby tyńdalady)

Muǵalim: Bı - adam denesiniń áýenge negizdelgen túrli qımyldarynyń júıeli túrde aýysyp kelýi arqyly kórkem obrazdarmen aıshyqtala beınelenetin, keńistiktik - ýaqyttyq aýqymy kóne zamanǵy nanym - senimnen bastaý alatyn ónerdiń bir túri. Bı ısharalyq beıneleýler arqyly áserli kóńil - kúıdi kórsetetin, eńbek úrdisteri beınelenetin halyqtyq shyǵarmashylyq óner túri. (Bı túrleri, ataqty bıshiler týraly slaıd kórsetiledi)
Halqymyzdyń qandaı bılerin bilesińder? («Qamajaı», «Qarajorǵa», «Aıjanqyz» t. b.)
Búgin biz elimizde keń taraǵan «Qarajorǵa» bıi týraly áńgime qozǵaımyz. Bul bıdi báriń bilesińder ǵoı. Al kim bıleı alady bul bıdi? Jaraısyńdar, bıdi jaqsy kóretinderiń kórinip tur.

«Qara jorǵa» - qazaqtyń halyq bıi, qazaq bıiniń tóresi, atasy. Olaı bolsa, biz halqymyzdyń qasıetti bıi «Qarajorǵany» da qasterlep, ony qazaq bıleriniń atasy, eskiden kele jatqan ejelgi muramyz dep bilgenimiz abzal. Halyqtyń Jorǵadaı taıpalǵan, dýmanǵa toly dástúrli bıi degendi bildiredi. Osy bı týraly kóp suraqtar týyndap júr. Osy bı týraly ne bilemiz? Onyń tarıhyna úńileıik. (oqýshylar slaıd arqyly túsindirip otyrady)

Oqýshy:
Búginderi jıyn - toıdyń kórkine aınalǵan «Qara jorǵa» áni men bıi tóńireginde túrli áńgime týýda. Bul ánniń qazaqqa qatysy joq degen pikir de birli - jarym basylym betinde jarıa boldy. Tipti qazaqqa tanymal sazger Ulyqpan Joldasov teledıdar arqyly «Qara jorǵa» bıin elge kelgen indetke balady.
Sońǵy jyldary «Qara jorǵa» bıi men «Keńes kúıi» dúnıejúzilik Gınness rekordtar kitabyna enip, búkil dúnıe júzine tarala bastaǵandyǵy jurtqa málim. Qazaqstan halqy da óziniń ejelgi ónerimen qaıta qaýyshyp, «Qara jorǵanyń» el ishindegi nasıhaty tabıǵı sıpat alýda. Máselen, osydan birer jyl buryn Atyraý qalasynda bul bıdi bir sátte 15 myń adam bılegen - di.

Bir qyzyǵy - bul bıdiń adam densaýlyǵyna paıdasy jóninde medısına mamandary da atsalysyp, tamasha pikirler aıtyp júr. Bı mamandary orys bıi aıaqpen, ózbek, uıǵyr bıleri qol - moıyn áreketimen, mońǵol bıi jaýyrynmen, al qazaq bıleri - adamnyń tutas býyndar júıesimen oryndalady dep qaraıdy. Osylaısha bul bı birtindep oqýshylar gımnastıkasyna aınalyp, «Saryarqa» bizdiń kúıimiz, Qara jorǵa bıimiz» deıtindeı, úlken ulttyq dástúrge aınalyp keledi