InfoHub Logo

Maqsaty: Ata - analardyń emosıonaldyq kóńil - kúılerin kóterýge, birigip jumys isteý júıesin ári qaraı damytý. Qazirgi kezdegi balanyń damýyna, jeke tulǵa bolyp qalyptasýyna, adamgershilik rýhanı tárbıeniń otbasyndaǵy ádis - tásilderin jetildire otyryp, qarym – qatynas ornatý jáne ulttyq sanany boıyna sińirý.
Mindeti:
Óziniń jáne ózgeniń daralyǵyn baǵalaý, ózin qurmetteý:
Kóńil - kúıdi kóterý, sezim men emosıany retteý:
Ata - ananyń balaǵa degen súıispenshiligin baıqaý.
Kórneki quraldar: plakat, túrli - tústi qaǵaz, jelim, qaıshy.

Uıymdastyrý kezeńi:
Sálemetsizder me, qadirmendi ata - analar, áriptester. Qosh keldińizder!
Baıandama:
Búgingi ul erteńgi áke, ol ákege qarap ósedi. Búgingi qyz erteńgi ana ol sheshege qarap, boı túzeıdi.
Ata - ananyń eń ardaqty mindeti: bala boıyna eń ardaqty qasıetterdi sińire berý, kún saıyn emes, saǵat saıyn bala oqýyn, eńbegin, oıynyn joldastarymen qarym-qatynasyn únemi sharshamaı, erinbeı baqylap, jaqsylyqqa jol silteý. Al balaǵa bilim, tárbıe berýde basty tulǵa ustaz bolsa, ony jalǵastyrýshy, demeýshi ata-ana.
Qazaq halqy qaı ýaqytta bolmasyn, urpaq tárbıesin ulttyń taǵdyry, ulttyń bolashaǵy dep bilgen.
Óskeleń urpaqqa aınaladaǵy ómir shyndyǵynyń áseri mol. Aınalasyndaǵy úlkenderdiń, ózinen eresek balalardyń bir-birimen qarym-qatynasy, kóńil-kúı erekshelikteri, júris-turysy, eńbek áreketi bári de balaǵa úlgi ónege. Búgingi balalar tez jetilip keledi. Olar aınalasyndaǵy bolyp jatqan barlyq oqıǵalardy bilgisi keledi. M. Jumabaevtyń mynadaı aıtqan sózi bar: «Ata-analar balany tárbıelegende dál ózindeı etip tárbıeleýge tyryspaý kerek, olar balany ózinen kúshti etip tárbıeleýi tıis. Óıtkeni olardyń zamany ata-analarynyń ómir súrip otyrǵan zamanyna qaraǵanda anaǵurlym kúrdeli, talaby joǵary bolatynyn umytpaǵan jón»

Bul oraıda bala tárbıesindegi balabaqshanyń orny erekshe. Sebebi, balabaqshaǵa baratyn bala qoǵamda óz oıyn ashyq aıtýǵa úırenedi. Sonymen qatar jan-jaqty jetiledi. Balabaqshada bastalyp, mektepte jalǵasyn tabatyn «ózin-ózi taný» - pániniń ózindik orny erekshe. Balaǵa adamgershilik rýhanı tárbıeniń kishi jastan bastap berilýi bala tárbıesine óz úlesin qosary sózsiz. Sondyqtan tárbıe máselesine kóńil bólip, oǵan tıimdi ádis - tásilderdi qoldanyp, qarastyrý árbir ujymnyń tapqyrlyǵy men iskerligin, izdenimpazdyǵy men shyǵarmashylyǵyn talap etedi.
Balanyń ómirge qadam basardaǵy alǵashqy qımyl áreketi oıyn. Sondyqtan onyń máni erekshe. Qazaq halqynyń uly oıshyly Abaı Qunanbaev «Oıyn oınap, án salmaı, óser bala bolar ma?»- dep aıtqandaı, oıyn balanyń ómirinde erekshe oryn alady. Sondyqtan balanyń oıyn arqyly dúnıetanymynyń ósetini belgili.
Brıtandyq jazýshy Bernard Shoý bylaı degen eken:

«Biz qartaıǵandyqtan oıyn oınaýdy toqtatyp qoıǵan joqpyz, oıyn oınamaǵandyqtan qartaıamyz» - depti. Olaı bolsa ne turys, oınaıyq, kúleıik, qartaımaıyq. Balalyq shaǵymyzdy eske túsirip, balamyzben bir mezet birge oınaıyq. Bul ómirge bala kózimen de qarap kórelik.
Búgingi «Ózin - ózi taný» páni boıynsha ótkizilgeli otyrǵan «Balalyq shaǵyń - patshalyq taǵyń» atty keshimizge hosh keldińizder.