InfoHub Logo

Týǵanda qýantqan ulym mynaý,
Bir músheldi ótkizgen qulynym-aý,
Ákeńde arman bar ma, kórse eger
Keleshekte kórseter qyzyǵyńdy-aý!

Sabaǵyńdy jaqsy oqyp, oqýǵa tús,
Keleshekte bir mamannyń ıesi bol.
Eńbekti súı, kúshińdi baǵalaı bil,
Dúnıeden alatyn sybaǵań mol.

Jete ber ańsap kútken tilegińe,
Qylaýdaı daq túspesin júregińe.
Otannyń, el-jurtyńnyń maqtany bol,
Aldy bol qataryńnyń bul ómirde.

Sebezdep altyn ara jan-jaǵyńnan,
Tý tikken alaýlaǵan armanyńnan.
Keýdeńde mahabbattyń shoǵy mazdap,
Bıikten bıikterge samǵa, qyran.

İzgi bop lebizińdi saǵynatyn,
Jigit bol dos, dushpanyń tabynatyn.
Aınalsyn ar týyna adaldyǵyn,
Adam bop uıalatqan janyna kún.

Júr asqaq kúnshilderdiń basyp mysyn,
Júrektiń túpkirinen jahut usyn.
Taba bil tirshilikte keregińdi,
Basyńnan arylmasyn baqyt qusyń!

---