InfoHub Logo

Árbir isine adaldyqty tý etip, jeke basynyń aqyl-parasatymen keıingilerge úlgi bola bilgen súıikti Ápkemizdi mereıli jasymen quttyqtaı otyryp, otbasynyń berekeli, bala-shaǵasynyń aman bolýyna, densaýlyǵy myqty qalpynda uzaq jasaýyna tilektespiz. Ápke, elge syıly, týystaryńyzǵa baýyrmal, árdaıym kópshil qalpyńyzdan aınymańyz!

Jan Ápke, qashannan-aq jany jaqsym,
Shyqqandaı janaryńnan jadyrap kún.
Eń alǵash sen týyp, qýantypsyń
Jandaryn bizdiń úlken shańyraqtyń.

Estıar bop tirlikte baıandy kem,
Erkeletip bárimizdi aıalap eń.
Jaryń ketti baqıǵa, sen qamyqpa,
Bul kúnde talasýda nemereler qushaqqa keń.

Balalaryń — máńgilik qýanyshyń.
Ustazdyq baqytyń bar — jubanyshyń.
Bir seni saf altynnan kem kórmeımiz.
Naǵyz altyn jarqyrap turady shyn!

***

Ózinen kishi baýyrlaryna meıirin tógip, mereıin ósirýge baryn salǵan, bizdi álpeshtep, aıaly alaqanyna salyp ósirgen qadirli, áz ápkemizdi týǵan kúnimen quttyqtaımyz!

Bir eldiń izetti kelini, ata-enesin, qudaı qosqan jarynyń altyn basyn qadirlegen ápkemiz — búginde .... balanyń anasy.

Boıynan Domalaq ananyń áýlıeligi, Aıǵanymnyń kemeńgerligi, Zereniń parasaty, Bopaıdyń batyrlyǵy, Aısha Bıbiniń adaldyǵy, attary alty alashqa tanymal qazaqtyń arýlarynyń asyl qasıetteri tabylatyn ápkemizge ul-qyzdaryńyzdyń rahatyn jezdemizben birge kórip, uzaq ta baqytty ǵumyr keshýdi tileımiz.

Ómirinde kúıbeń tirligin oılamaı
Aǵaıynnyń birligin oılaıtyn,
Mal-múlik, dúnıe jınamaı
Dostyń syryn tyńdaıtyn.
Dastarhany jıylmaıtyn,
Kók sháınegi sýymaıtyn,
Shańyraǵynan nemerelerdiń
Syńǵyry, shýy tyıylmaıtyn,
Ápkemizdiń týǵan kúni qutty bolsyn!

---