InfoHub Logo

Taqyryby: Balanyń balabaqshaǵa beıimdelýi
Maqsaty: Bala tárbıesinde ata - ananyń alatyn orny erekshe ekendigin túsindirý; ata - ana boıyna ózderin tárbıeshi retinde qaraýda qyzyǵýshylyqtaryn damytý; balamen durys til tabysýǵa, sóıleý mádenıetin únemi qoldaýǵa oı salý.
Tárbıeshi: - Qurmetti ata - analar! Biz sizdermen birinshi ata - analar jınalysynda kezdeskenimizge qýanyshtymyz. Biz ben sizdi baılanystyryp turǵan árıne balalar. Sol balalarymyz aman bolsyn! Balalaryńyz sizderdi tek jaqsy qylyqtarymen qýanta bersin deı kele búgingi oqý jylyndaǵy alǵashqy jınalysymyzdy ashýǵa ruqsat etińizder.
Kún tártibinde qaralatyn máseleler:
1. Psıhogımnastıka. «Men sizdi kórgenime óte qýanyshtymyn» jattyǵýy.
2. Ata - analarǵa aqyl keńes. «Balanyń balabaqshaǵa beıimdelýi»
3. «Tazalyq - densaýlyq kepili»
4. Ata - analar tóraıymyn jáne múshelerin saılaý
5. Saýalnama toltyrý
6. Qorytyndy.

1. Psıhogımnastıka. «Men sizdi kórgenime óte qýanyshtymyn» jattyǵýy.
Maqsaty: qatysýshylardyń jaǵymdy jaqtaryn anyqtaý.
Jattyǵý barysy: árbir qatysýshy óz kórshisine kelesi sózderdi aıtady; «men seni kórgenime qýanyshtymyn, sebebi...». Bul sózderdi adamnyń syrtqy kelbetine qarap emes, minez ereksheligine baılanysty sózben aıaqtaý kerek.
*Bul jattyǵýdy oryndaý sizge qıyn boldy ma?
*Kórshińiz «men sizdi kórgenime qýanyshtymyn» degen sózdi aıtqan kezde qandaı sezimde boldyńyz?

2. Ata - analarǵa aqyl keńes. «Balanyń balabaqshaǵa beıimdelýi»
Balabaqsha psıhology - Úmit Anatolıqyzyna sóz beriledi

3. Tazalyq - densaýlyq kepili. Balabaqsha medbıkesi - R. M. Rahmetovaǵa sóz beriledi.(Balalardyń densaýlyǵyna, tazalyǵyna kóńil bólýdi ótinedi. Kúndelikti taza kıim kıindirý, shashtaryn taraý, tyrnaqtaryn ýaqtyly alý kerektigin, balabaqshaǵa aýyrǵan balalardy dáriger anyqtamasynan keıin ákeletinin, aýyrsa dárigerge qaralý kerektigin eskertedi)

4. Ata - analar tóraıymyn jáne múshelerin saılaý.
- Qurmetti ata - analar tóraıymyn saılaý osy otyrǵan sizderge júkteledi, sondyqtan aqyldasyp óz pikirlerińizdi bildirýlerińizdi ótinemin. Ár ata - ana óz pikirlerin usyna otyryp, durys sheshim qabyldaıdy dep oılaımyn.

5. Saýalnama toltyrý.
Saýalnama
Balańyzdyń tolyq aty - jóni.
Týǵan kúni, aıy, jyly, ıın
Ákesiniń aty - jóni
Qaıda, kim bolyp jumys isteıdi?
Jumys telefony, mobıldi telefony
Anasynyń aty - jóni
Jumys orny
Jumystelefony, mobıldi telefony
Meken - jaı, úı telefony
Balańyzdyń densaýlyǵy týraly
Qandaı oıynshyqtarmen oınaǵandy unatady?
Balańyzdyń qandaı shyǵarmashylyq qabiletteri bar?
Qandaı tamaq túrlerin unatpaıdy?
Teledıdardan qandaı baǵdarlama kóredi?
- Qurmetti ata – analar kelgenderińizge rahmet. Aldaryńyzda turǵan qaǵazǵa búgingi jınalystan alǵan áserlerińizdi, bolmasa bizge, balabaqshaǵa degen aıtar oılaryńyz bolsa jazyp ketińizder. Balalaryńyz aýyrmasyn, sizderge densaýlyq tileımiz. Kelesi kezdeskenshe saý bolyńyzdar. Balalardy sebepsiz balabaqshadan qaldyrmaýlaryńyzdy suraımyz.
Balanyń balabaqshaǵa beıimdelýi. júkteý