InfoHub Logo

Balanyń murnyna bir nárse kirip ketse, qolyńyzben shyǵarýǵa tyryspańyz. Sebebi ishine qaraı engizip jiberýińiz múmkin. Túıe burshaq (fasol), noqat sıaqty sý jutyp isinetin zattar óte qaýipti bolǵandyqtan jedel járdem kórsetý kerek. Tynys alýdyń kúrt nasharlaýy, uzaq ýaqytqa sozylǵan túrli tústi, ıisti qoıý suıyqtyqtyń muryn nemese qulaqtan aǵýy ishine kirgen zattyń bilgisi bolyp tabylady.

Mundaı jaǵdaıda balaǵa qandaı kómek kórsetý kerek?

»  Balanyń kózine bir nárse kirip ketse, sýmen kóp shaıyńyz. Sýǵa toly shelektiń ishine basyn suǵyp, kózderin ashyp-jumsa da bolady. Kirgen zat kózdiń aǵynyń ústinde tursa, túksiz taza shúberektiń dymqyl jaǵymen shyǵarýǵa bolady!

»  Fasol, noqat sıaqty sýdy ózine jutyp, isinetin zattyń bar ekenine senimdi bolsańyz, balany bir súlgige orap, zaqymdanǵan qulaq joǵary turatyndaı kelesi qyrymen jatqyzý kerek. Zaqymdanǵan qulaqqa birneshe tamshy jyly sý tamyzyp, tamyzǵan betimen jatqyzý kerek. Osyndaı prosesti 2-3 ret qaıtalaý kerek. Sonda sý keri aqqanda ishindegi zatty da ózimen birge ala shyǵýy múmkin. Eger de zat shyqpaıtyn bolsa, dáregerge júginińiz!

»  Balanyń murnyna bir nárse kirip ketse, ózi sińbire alatyn balany kezekpe-kezek murynynyń bir tesigin jaýyp turyp sińbirtińiz. İshindegi zat shyqpasa, ózińiz shyǵarýǵa tyryspańyz, dárigerge júginińiz!

»  Qulaqqa jandy jándik kirip ketkende jándikti óltirý úshin syrtqy qulaq jolyna alkogól, glısırın nemese zeıtún maıyn tamyzyp, dereý dárigerge kórsetý kerek.

---