InfoHub Logo

Kezinde baılyǵy basynan asqan bir muńǵul bolypty. Onyń júırik jelmaıasy, isimer bir qyzy bolypty. Atqumar muńǵul baıy sol óńirde Baljyń degende bir júırik at bar degendi estıdi. Osy atty qolyma túsirsem dep oılaǵan baı, Baljyńdy shaqyrtyp alyp, Jelmaıa men ker atty úsh kúndik jolǵa báıgege qosady. Báıge kelgenshe álgi qyzyna bir kisilik kıimdi tigip úlgertpek bolady. Eger qyz kıimdi bitire almasa, báıgeden jelmaıa kelmeı, ker at kelse, baı Baljyńǵa qyzyn bermek, al jelmaıa ozyp, qyz kıimdi úlgertip ketse, ker atty baı almaq bolyp
kelisedi. Kelisimnen keıin jarys bastalyp ketedi.

Sonymen, «báıge keledi» degende habarshy baıǵa ker attyń kele jatqanyn, jelmaıanyń jolda shógip qalǵanyn jetkizedi. Endigi senimin qyzynan kútken baı báıge jetisimen kıimniń bir túımesi qalǵanyn estip sasqalaqtaıdy. Sonda Baljyń óziniń utqanyna kózi jetip:

— Meniń atym Baljyń ker,
Bilmegen adam qaljyń der.
Túıme baýy bitpepti,
Byljyramaı qyzyńdy ber, — dep aıǵaılap shyǵa keledi. Aqyr kóp bolyp baıdyń kúsh kórsetkenine qaratpaı, Baljyńǵa baıdyń qyzyn alyp bergen eken. Osy ker attyń ereksheligin sol kezdegi aralas otyratyn muńǵul-qazaq ishin degi Baıjigit kúı etip shertken eken.

 

---