InfoHub Logo

Buryn Marqakól jaǵasyn meken etken, dáýleti asqan bir baı bolypty. Ol qaıda júırik bar dese, keıde aldap, keıde zorlap almaı qoımaıtyn ozbyr da eken. Kúnderdiń birinde baı «Saldaman degen kedeıde bir at bar, ol atqa bul jalǵanda at jete almaıdy» degen el daqpyrtyn estip, qalaı da osy atty qolyna túsirýge ańsary aýypty. Baı Saldamandy atymen shaqyrtyp juqalaǵan eken. Saldaman da qý ishi sezgendeı «kedeılik baǵyma bitken ádettegi jáı at» depti. Baı Saldamanǵa:

— Aınalasy alty kúndik kóldi et pisirim ýaqytta aınalyp kel. Eger et pisirim ýaqytta kele almasań, atyńa altyn er salyp ózim minem, kele alsań, saǵan bir toǵyzǵa jyǵyndy bolamyn, —  dep ýáde beripti. Saldaman atqa senip jolǵa shyǵypty. Baı shine kele qýanyp ordaǵa kirip, ese sóılep, «qanat bitse de, et pysqansha attyń jete almaıtyndyǵyna» kózi jetip, ettiń kóbigin alýǵa buıryq bergenshe daladan attyń qarasy kóringen habar keledi. Bul habardan shoshynǵan baı dalaǵa shyqsa, at tuıaqtary jer oıyp, ushqan qustaı ekpindep kele jatypty. Sonda, ózegine órt túsken baı otyra ketedi. Biraq aıtqanynan qaıta almaı, amalsyz bir toǵyzyn beripti. «Baljyńger» degen kúı osydan qalǵan eken.

 

---