(Tyń kótergen erlerge)
Kut meken,
Yrys meken,
Asyl meken,
Aq bıdaı aqtarylǵan shashý ma eken?!
Babalarym ańsaǵan baqyt degen
Baıqasam, búgin meniń qasymda eken.
Yrys aǵyp jatyr ǵoı,
Yrys aǵyp,
Baq mekennen barsha jurt tynys alyp,
Baq mekende qansha jurt týysady,
Dostasady aldynda uly is alyp.
Sen - erliktiń mekeni shynyqtyrǵan
Erkindikpen, eńbekpen tynyqtyrǵan.
Mańdaı terim - dalamda shyǵyp turǵan,
Shaıqalmaǵan baqytym tunyp turǵan.
Tyń degen tynyshtyqtyń tańbasy ma?!
Jaqsylyq qoı ornaǵan jan-basyma,
Tyń degen damyldaǵan dıqan-baba,
Mıllıardyn quıyp ap qambasyna.
Oý, meniń jomart dalam,
Myrza dalam!
Aımaǵyn altynmenen syrǵalaǵan,
Dostyqtyń dastarqany jaıylǵanda,
Dosym túgil, qasym da yrza maǵan.
Qasıetti Qazaqstan!
Tyń mekenim,
Álemge ataǵyndy tý kóterdim.
Tý kóterip,
Týsyǵan tyń kóterdim,
Tyń - yrysym, senimen birge ótemin

---