Aǵa,
Saǵan, bilmeımin ne aıtarymdy,
Qaı qyryńnan bilmeımin baıqarymdy.
Kóńildegi oı kómeıge kepteldi de,
Túrmesine keýdemniń qaıtaryldy.
Qaıterimdi, bilmeımin ne aıtarymdy.
Jasqanýdy bilmeýshi em, jaltarýdy,
Hege kóńil, bilmeımin, aqtaryldy?!
Aq tulparym bar edi saǵan degen
Alyp ushpaı ol nege ańtaryldy
Sen zárý emessiń ǵoı qurmetke,
Syrly aıaqtyń syny bar, syry ketken...!
Tonǵa emes, oramal jolǵa jarap,
Syı tartýdy atamyz yrym etken
Tartar syıym ózińe bolmaǵasyn,
Belgili ǵoı qasyńa jolamasym.
Aq suńqarym bar edi, ushpaı qoıdy,
Alsam-daǵy basynan tomaǵasyn.
Qylyshymdy sýyryp qynabynan,
Qyl qapqan júzin kórip, jyladym-aý...
Jetimderdiń kegi men jesirlerdiń
Sýaryp em sýalǵan bulaǵyna.
Qaırap edim zaýaldyń sharyǵyna,
Qaqtap edim qan maıdan jalynyna.
Qynabyna ony da jasyrdym men,
Kerek bolyp júrer dep halyǵyma.
Qynabyna cap qoıdym úmitpenen,
Onyń nesin jasyram búgip senen.
Saǵan, aǵa, saqtalǵan bir syı bar-aý,
Nazaryna eshkimniń ilikpegen.
Altyn da, almas ta emes jaltyldaǵan,
Bir syı bar, aǵa, saǵan, tartylmaǵan!
Urpaqtar ańyz etip aıta júrer,
Syıdan da on ese artyq dańqyń maǵan.
Eshkimniń nazaryna ilikpegen,
Saǵan bir syı tartam dep úmittenem.
Júregimniń tapsyrǵan amanatyn
Bere almaı ketem be dep kúdiktenem.
Qandaı syı tartsam eken, aǵa saǵan,
(Bilmeımin, jaraspaı ma, jarasa ma?
Eshbir syı taba almasam, aǵa, saǵan
Appaq tonyn - atamnyń tábárigin,
Júzge kel dep arqańa jaba salam.

---