InfoHub Logo

Daıyndyq synyptary arasyndaǵy bilim marafony
Taqyryby: Bárin bilgim keledi
Maqsaty:
1) Oqýshylardyń bilimge degen qushtarlyǵyn, izdenisin, qyzyǵýshylyǵyn arttyrý. Logıkalyq oılaý qabiletterin damytý
2) Kópshilik aldynda erkin sóıleýge, óz bilimin kórsetýge, shyǵarmashylyqpen eńbek etýge daǵdylandyrý.
3) Ózin - ózi basqarýǵa, uıymshyldyqqa, adamgershilikke, qaıyrymdylyqqa baýlý.
Kórnekiligi: sýretter, sharlar, geometrıalyq fıgýralar, ertegi keıipkerleri
Qatysýshylar: «A», «Á», «B», «V»

Barysy:
İ. Uıymdastyrý
1. Oqýshylardy saıysqa daıyndaý
2. Ádilqazy múshelerimen tanystyrý

İİ. Negizgi bólim
Jaqsy bolý ózińnen
Jaman bolý ózińnen
Ózińdi óziń aıa da
Óziń úıren ózińnen
Jaqsylyq kórseń bireýden
«Men qandaımyn» dep oıla
Jamandyq kórseń bireýden
«Men qandaımyn» dep oıla – deı otyryp, búgingi «Bárin bilgim keledi» atty daıyndyq synyptary arasynda ótkeli otyrǵan bilim saıysyna qosh keldińizder!

Búgingi saıysymyz tapsyrmalar men suraqtardan turady. Tapsyrmalardy muqıat tyńdap toppen aqyldasyp, jaýap berýleriń kerek.
Aldymen búgingi sharanyń shartymen tanystyraıyn
1 bólim. Toppen tanystyrý.
2 bólim. «Oı shıratý». Suraqtar qoıý
3 bólim. «Kim kóp biledi?». Sýret boıynsha áńgimeleý
4 bólim. «Kim tapqyr?» Matematıka boıynsha 3 tapsyrma
5 bólim. «İzdengen jeter muratqa» logıkalyq tapsyrma
6 bólim. Tapqyr bolsań taýyp kór Sýret boıaý
7 bólim. Men elimniń bolashaǵymyn Oı qorytý

1. Ár top ózderin tanystyrady Toptyń aty, urany, quramy
1 «Talap»
2 «Suńqar»
3 «Bolashaq»

2. Oı shıratý Suraq - jaýap
Báıgege túsip jaryspaı,
Júıriktiń baǵy janar ma?
Bilimmen óner jarasyp,
Tárbıe – tálim tabar mán.
Bul báıge – oıdyń báıgesi,
Kim júırik oıǵa, sol alda.

1 Búgin neshinshi kún?
2. Neshinshi synypta oqısyńdar?
3. Ustazdaryńnyń aty - jónin bilesińder me?
4 Mektepteriń qalaı atalady?
5. Saıysqa qatysyp otyrǵan óz tobyńda neshe oqýshy bar?
6. Qazir jyldyń qaı mezgili?
7. Aǵashtarda nege japyraqtar joq?
8. Seniń turatyn aýylyń qalaı atalady?
9. Bizdiń bas qalamyz qaı qala?
10. Janýarda eki oń aıaq, eki sol aıaq, jáne eki aldyńǵy aıaq, eki artqy aıaq bar? Sonda onyń neshe aıaǵy bolǵany?
11. Shóptiń arasynda qoıandar tyǵylyp otyr. Olardyń 4 qulaǵy kórinedi. Neshe qoıan tyǵylyp otyr?
12. Aǵashtyń basynda 5 qus otyr edi. 2 - eýi ushyp ketti. Neshe qus qaldy?

3. Aqyl – tastan, óner jastan, Shyǵady dep daryndy
Halyq aıtsa, halyq sózi
Árqashanda nanymdy. – dep kelesi bólim «Kim kóp biledi?» sýret boıynsha áńgimeleý

Sonaý - sonaý alysqa, júzsin deseń kemeler,
Tylsym - syrly ǵaryshqa, ushsyn deseń deneler,
Jasaý úshin báriń de
Matematıka -
Eń mańyzdy ǵylym bul,
Sondyqtan da, sondyqtan da sol ǵylymnyń tilin bil.

4 «Kim tapqyr?» matematıka baǵyty boıynsha ártúrli tapsyrmalar beremin

5. Syrlary kóp bilimniń,
Sheshilmegen áli de.
Tereńdigi bilimniń
Kerek eken bárine – dep, kelesi bólimdi logıkalyq tapsyrmalarǵa beremiz.

6. Káne bárimiz ortaǵa jınalyp sheńber quryp otyraıyq. Kázir men ortaǵa asyq shashamyn kim kóp asyq jınaıdy sol oqýshy kelesi bólim boıynsha sóz bastaıdy. Bul bólim «Men elimniń bolashaǵymyn»dep atalady. Árkim óziniń bolashaqta kim bolǵysy keletini týraly aıtyp beredi.

İİİ. Qorytyndy
Mine, balalar, saıysymyz da óz máresine jetti. Men senderge «bolashaqta elimizdi kórkeıtetin bilimdi ul - qyz bolyńdar, armandaryń oryndala bersin»dep sóz kezegin ádilqazylar alqasyna beremin.
Marapattaý