InfoHub Logo

Al myna bir oqıǵa Tóle bıdiń ábden qartaıǵan shaǵynda bolǵan eken desedi. Qalmaqtyń Aqshyr degen ári hany, ári batyry «Tóle bıdiń Mámıla degen qyzyn berse, qolynan, bermese, jolynan alamyn» dep aýyl mańyna aq shatyryn tigip jatyp alypty. Balpyq kelip Tóle bımen aqyldaspaq bolǵan eken, «Tura tur, Eskeldi de kelip qalar, aqyldy bir-aq qorytaıyq» depti. Aıtqandaı-aq Eskeldi de keledi.

— Ne isteý kerek? — degende, Eskeldi:

— Soǵysyp qan tókpeıik. Búgin tún Balpyq ekeýmiz onyń shatyryna baramyz. Erteńgilik bir belgi bolyp qalar, — dep, Balpyqty ertip jolǵa shyǵady. Balpyqqa attardy ustatyp qoıyp Esekeń áppaq kóılek-dambalmen shatyrǵa kiredi. Qalmaqtar qarta oınap otyrsa kerek, qoryqqandarynan qozǵala almaı qalady. Esekeń qolyndaǵy qamshysynyń sabymen tórde otyrǵan Aqshyrdyń tamaǵynan júrgizip ótedi de, shyǵyp ketedi.

Sol túni Aqshyrdyń aýzy-murnynan qan ketip, záresi ushady. Dereý shatyrdy jyqtyryp, qaıta kóshedi. Jol ústi úzeńgilesteri ne bolǵanyn suraıdy ǵoı. Sonda Aqshyr:

— Túndegi aq kıimmen kelgen kisiniń eki jolbarysy bar eken. Sonyń bireýi meniń aýzy-murnymnan qan shyǵardy. Ekinshisi senderdiń kózderińdi baılap tastady. Endi jolymyz bolmaıdy, — depti.

 

---