InfoHub Logo

Basketbol. Basketbol oıynynyń jalpy erejeleri
Sabaqtyń maqsaty: Oqýshylardyń dene qasıetterin damytý.
Bilimdilik: Basketbol oıynyn sheber oınaý, doppen tıimdi áreket etý ádisterin úırený.
Damytýshylyq: Oqýshylardyń dene bitimin durys qalyptasýyn sporttyq oıyndar arqyly jetildirý.
Tárbıelik: Oqýshylardy joldastyqqa, adamgershilikke, jasóspirim boıynda sportqa degen súıispenshilikke tárbıeleý.
Sabaqtyń túri: Jańa maǵlumatty ıgerý
I. Oqýshylarǵa basketbol oıynynyń elementterin úıretý.
II. Oıyn arqyly oqýshynyń eptilik, ıkemdilik, kúsh jáne t. b. qasıetterin damytý.
III. Oqýshylardy ujymdylyqqa, dostyqqa, uıymshyldyqqa tárbıeleý.
Sabaqtyń ótetin orny: Mektep sport alańynda.
Sabaqtyń kórnekiligi: Basketbol doby, ysqyrǵysh, shyǵyrshyq, kedergi, sýretter.

Sabaqtyń mazmuny
I. Uıymdastyrý bólimi
Oqýshylardy sapqa turǵyzý. Sport sektorynan málimdeme qabyldaý. Sálemdesý. Jýrnal boıynsha tekserý. Bir qalypty jáı júgirý. Boı jazý jattyǵýlar. Úı tapsyrmasyn tekserý.
Daıyndyq bólimi
1. B. Q. Aıaq ıyq kóleminde qol belde basty ońǵa eki ret, solǵa eki ret aınaldyramyz.
2. B. Q. Aıaq ıyq kóleminde qoldy ıyqqa qoıý. Bir, eki ıyqty alǵa aınaldyrý. Úsh, tórt artqa aınaldyrý.
3. B. Q. Aıaq ıyq kóleminde oń qol joǵaryda, sol qol tómende. Bir, eki alǵa. Úsh, tórt artqa qoldy aýystyra silteý.
4. B. Q. Aıaq ıyq kóleminde oń qol joǵaryda sol qol belde. Bir, eki solǵa ıilý.
5. B. Q. Qoldy belge qoıyp sekirýdiń ár túrli ádisterin jasańyz

II. Negizgi bólim.
Jańa sabaqtyń taqyryby:«Basketbol. Basketbol oıynynyń jalpy erejeleri»
Eki qolmen keýdeden berý. Dopty keýdede ustaıdy, shyntaq tómende, qoldy alǵa jyljytýǵa baılanysty dop alǵa qaraı ushady, osylaı berý qoldyń tolyq túzelýimen aıaqtalady.
Bir qolmen ıyqtan berý B.q. dop ıyq deńgeıindegi eki qoldyń bireýiniń alaqanynda shyntaqtan búgýli turǵan qolda ustaıdy. Qoldy alǵa qaraı sozý arqyly dop laqtyrylady da, alaqannyń qımylymen aıaqtalady. Osylaı berýdegi jetildirý mynadaı jattyǵýlar arqyly júzege asyrylady:
- Eki qatarda turyp, dopty bir-birine bir adym jasaý arqyly berý;
- ortada bir oqýshy, qalǵandary sheńberdi aınalady ortadaǵy oıynshyǵa dop beriledi, ol basqa oqýshyǵa berip, sonyń ornyna baryp turady. Osylaı oıynǵa qatysýshylardyń barlyǵy dopty bir-birden berip shyǵady.
1. Basketbol oıynynyń erejesin túsindirý.
2. Qaýipsizdik erejelerimen tanystyrý.
3. Oıyn elementterin úıretý.
- bir orynda turyp oń jáne sol qolmen dopty jerge soǵyp, yrshytyp jattyǵý.
- dopty bir qolmen jetelep júrip, jerge soǵyp yrshytý.
- eki qarama - qarsy turyp, dopty eki qolmen kezek jerge soǵyp yrshytyp toqtamaı bir - birine keýde tustan laqtyryp jattyǵý.

Oqýshylardy eki topqa bólip basketbol oıyn oınatý.
- kederginiń arasynan dopty soǵyp alyp ótý
- dopty joǵarydan berý
- dopty tómennen berý
- jerge qatar qoıylǵan 5, 6 shyǵyrshyqtyń ishine soǵyp kele jatqan dopty dál túsire yrshytý
- birden alańnyń ortasynan basketbol qalqanyna qaraı dopty yrshytyp kelip, qalqanǵa jaqyndaǵanda toqtaı qalyp, dopty shyǵyrshyqqa eki qolmen laqtyryp túsirýge tyrysý.

III. Qorytyndy bólim:
Synypty sapqa turǵyzý.Jibergen qatelikterin aıtyp eskertý jasap.
Baǵalaý.
Úıge tapsyrma berý:
Basketbol dobymen jattyǵýlar oryndaý