InfoHub Logo

Bastaýysh synyp oqýshylarynyń sabaqqa degen qyzyǵýshylyǵyn arttyrýdaǵy oıynnyń róli

Árbir ustazdyń maqsaty - sabaq sapasyn kóterý, túrlerin jetildirý, sabaqqa oqýshynyń qyzyǵýshylyǵyn arttyrý. Sondaı - aq búgingi tańda elimizde oqytý mazmuny jańartylyp, sabaqtarda ozyq tehnologıalardy qoldanýdamyz. Sondaı tehnologıanyń bir túri - «Oıyn arqyly oqytý» tehnologıasy..«Egemendi elimizdiń tiregi – bilimdi urpaq» desek, bilimniń negizi bastaýyshta qalanatyny belgili. Bastaýysh synyptaǵy ártúrli pánder oqýshy bilimin damytyp, tanymdyq qabiletin somdaýǵa úlken úles qosady. Balalardy oqytýda jáne tárbıeleýde oıynnyń róli pedagogıkada buryn da, qazir de qarastyrylyp keledi.

Aldyńǵy qatarly pedagogtardyń bári de oıyndy naǵyz kerekti jáne mańyzdy is - áreket dep túsinedi.
Oqý prosesinde oıyn tehnologıasyn qoldaný oqýshynyń oqýdaǵy tanymdyq is - áreketin jáne qalypsyz jaǵdaılarda óz bilimin qoldanýǵa múmkindik beredi. Oıyn tehnologıasy arqyly memlekettik jalpyǵa mindetti bilim berý standartynda málimdegen quzirettilikterdi oqýshy boıynda qalyptastyrý mindetterin sheshedi.

Qazirgi bilim berý mazmunyndaǵy osy ózgeristerdiń barlyǵy oqytýdyń negizgi maqsaty retinde pándik bilim - bilik daǵdylardy qalyptastyrýdyń jalpy oqý bilikterin qalyptastyrýǵa den qoıý. Ózindik oqý áreketterin damytý baǵalaý júıesinde ózgeristerdiń engizilýin kózdeıdi. Bastaýysh synyp oqýshylaryn oqytý kezinde erekshe oryndy oıyn alady. Oıyn bul jerde oqytý ádisi retinde júredi. Bul jastaǵy balalardyń oıynǵa qyzyǵýshylyǵy basym, minez - qulqynda eriktilik jetkiliksiz, aldynda kezdesken mysaldardy sheshýge praktıkalyq turǵydan qaraıdy. Sondyqtan da biz óz sabaqtarymyzda oıyn ádisterin kóptep qoldanamyz.

Oıyn balalar úshin oqý da, eńbek te bolyp tabylady. Oıyn – aınaladaǵy dúnıeni taný tásili. Oıyn balalarǵa ómirde kezdesken qıynshylyqtardy jeńýdiń jolyn úıretip qana qoımaıdy, uıymdastyrýshylyq qabiletin qalyptastyrady. A. S. Makarenko: «Oıyn - balalar ómirinde óte mańyzy zor nárse, úlkenderdiń qaıratkerligi, jumysy, qyzmeti qandaı mańyzdy bolsa, balalardyń oıyny da sondaı mańyzdy. Oıynda bala qandaı bolsa, ósken kezde jumysta da, kóbinese, sondaı bolady. Sondyqtan bolashaq qaıratker, eń aldymen, tárbıeni oıyn arqyly alady,»- dep balalar oıynyn joǵary baǵalaǵan.

Oıynǵa qoıylatyn ádistemelik talaptar:
- Oıynnyń maqsaty naqty jáne kerekti kórnekilikter men materıaldar kún ilgeri daıyndalyp, ońtaıly jerge qoıý.
- Oıynǵa kiriser aldynda onyń júrgizilý tártibin oqýshylarǵa ábden túsindirý.
- Oıynǵa synyptaǵy oqýshylardyń túgel qatysýyn qamtamasyz etý.
- Oıyn ústinde sheshim qabyldaı bilýine, oılana bilýine jeteleý.
- Oıyn túrlerin baǵdarlamaǵa saı iriktep alý.
- Oıyndy balanyń jas ereksheligine qaraı túrlendirip paıdalaný.
- Qarapaıym oıynnan qıyn oıynǵa kóshý.
- Mindetti túrde oıynnyń qorytyndysyn jarıalaý qajet.