InfoHub Logo

Balqash qalasy,
«Balqash qalasynyń №15 mektep - lıseıi» KMM
bastaýysh synyp muǵalimi
Seıtkalıeva Svetlana Nesıpbekqyzy

Bastaýyshym - balbulaǵym.
Muǵalim:
- Qosh kelipsizder qurmetti qonaqtar! Búgin bizder úlken bir toıdyń kýási bolǵaly otyrmyz. Búgin mine, osydan 4 jyl buryn kishkentaı bolyp mektep tabaldyryǵyn attaǵan búldirshinderimiz, 4 jyldyq bilimdi ıgerip, bastaýysh mekteppen qoshtasqaly otyr. Endeshe bastaýyshpen qoshtasý keshimizdi bastaýǵa ruqsat etińizder.
Olaı bolsa búgingi kesh kýágerlerin ortaǵa shaqyraıyq.
Tolqımyz, tolqyp tursyz, barshańyz da,
Mundaı kúı bolǵan sirá qanshańyzda.
Qol soǵyp qoshemettep shaqyraıyq
4 «A» synybyn ortamyzǵa.
1 - bastaýshy: Armysyzdar, muǵalimder, áz jandar! Bilim izdep ınemen qudyq qazǵandar. San urpaqty tárbıelep oqytqan. Ómir degen úlken jolda tarlandar.
Búgin mine, qoshtasady bastaýyshpen balbulaq
Ánimenen jyryna tarlandarym sal qulaq.
Keshe sábı, búgin mine, jas ulan
Laýlap jansyn bolashaǵyń shamshyraq.
2 - bastaýshy:
Qosh kelipsiz, aq jaýlyqty analar,
Júzderińnen meıirimmen nur tamar.
Aldaryńyzda jaýqazyndaı qulpyrǵan
Biz alańsyz balǵyn shaqty balalar.
Qosh kelipsiz, ór tulǵaly ákeler,
Qyran qustaı bolashaǵyn mápeler.
Búgin mine, bastaýyshpen qoshtasady
Azamat bop, keshegi sábı - erkeler.
Bastaýshylar qosyla: Qosh kelipsizder, qurmetti qonaqtar!
1 - bastaýshy
Ósti mine boıymyz
Ósti mine oıymyz
Qýanyshqa ortaqpyz
Qutty bolsyn toıymyz
2 - bastaýshy:
Shashý, shashý, shashaıyq
Aq sandyqty ashaıyq
Bul mereke, bul toıdyń
Bastańǵysyn jasaıyq.
Hormen: Mektep – keme, Bilim - teńiz,
Barar jolǵa tez jetemiz.
Adaspaımyz uly jolda
Ustaz bergen bilim qolda.

Hor: Armandastar.

1 - kórinis. «Jalqaýbek»
Bilimbek pen Jalqaýbek bir - birimen amandasady.
- Sálemetsiń be, Jalqaýbek!
- Prıvet, Bilimbek!
Bilimbek:
- Jalqaýbek, biz búgin №15 mekteptiń 4 «A» synyp oqýshylary bastaýysh mekteppen qoshtasqaly otyrmyz. Sen qaıda júrsiń? Sen de bir aqylyńdy nege qospaısyń?
Jalqaýbek: A, qashan? Shynymen aıtyp turmysyń? men bastaýyshpen qoshtasqym kelmeıdi. Bir muǵalimniń aıtqanyna áreń shydap otyramyn. Joǵary synypta 6 sabaqtan 6 muǵalim beredi deıdi ǵoı. Ol kisilerdiń aıtqanyna kóne almaı qalamyn ba dep qorqamyn.
Bilimbek:
Bastaýysh synypta bir muǵalimniń aıtqanyna áreń shydap júrseń, joǵary synpta 6 jaǵyńnan 6 muǵalim bilim berip, tártipke shaqyrǵanda, áreń otyrmaq túgil, eriksiz qalaı tártipti bolyp ketkenińdi bilmeı qalarsyń.
Jalqaýbek: Munyń jaqsy aqyl eken, tyrysyp kóreıin.
Bilimbek: Áı, Jalqaýbek, qoı kóp sózdi, onan da bastaýyshta óz balasyndaı aıalaǵan ustazymyzben jaqsylap qoshtasyp, renjitpeı, joǵary synypta óz tártibimizdi, bilimimizdi kórseteıik. Kelistiń ǵoı, Jalqaýbek?!
Jalqaýbek: Kelistim. Odan da bárimiz birigip án salsaq qaıtedi?
Bilimbek: Óte jaqsy. Aıtsaq, aıtaıyq.
Hor: Jas ulandar.
3 - oqýshy:
Ómirge jol bir ózińnen bastadym,
Alfavıtti alǵash senen jattadym.
Ustaz - ana esten ketpes máńgilik,
Meıirimmen jaýrynymnan qaqqanyń.
4 - oqýshy:
Júziń jyly, qushaǵyń keń
Senen túlep ushamyn men.
Óziń bergen bilimińmen
Bıikterge shyǵamyn men.

5 - oqýshy:
Aqylshy asyl ustazym
Ózińe men de uqsarmyn.
Jetkenshe qaırat kúsh - álim
Bıikke samǵap usharmyn
6 - oqýshy.
Baısaldy minezińnen bir qalypty,
Meniń de kókeıimde iz qalypty.
Ustattyń qaǵaz, qalam qolyma óziń
Erinbeı úırettiń de ár áripti.
Qossańdar birdi ekige úsh bolady -
Deýshi ediń,- bilimmen kúsh tolady.
Alǵyr bol, ádepti bol, sabyrly bol
Aqylmen is isteseń is bolady.
Berýshi edi bizge aıtyp óleń, taqpaq
Talasyp alýshy edik bizder jattap
Ózińiz baǵa qoıǵan kúndelikti
Joǵaltpaı ómir boıy júrem saqtap.
1 - bastaýshy
Ustazdyq etken jalyqpas
Úıretýden balaǵa – dep Abaı atamyz aıtqandaı, ustazymyz 4 jyl boıy bilim nárimen sýsyndatty, hat tanytty, eńbek ete bilýge úıretti, bilimge jeteledi, ádeptilikke úıretti. Sondyqtan da alǵashqy ustazymyzǵa myń alǵys aıtyp, basymyzdy ıemiz. (Ata salty boıynsha bas ıý úlgisin kórsetý.
Hormen:
Ustazdyq etken jalyqpas,
Ustazyma myń alǵys!
Án. «Jarqyn júzdi ustazym».
1 - bastaýshy
- Balnur, balalarǵa bir suraq qoısaq pa dep turmyn. Sen oǵan qalaı
qaraısyń?
2 - bastaýshy
Qoısaq, qoıaıyq.
1 - bastaýshy:
Biz neni úırendik?
7 - oqýshy
- Oqýdy, jazýdy, esep shyǵarýdy, án aıtyp, bı bıleýdi.
8 - oqýshy:
- Úlkendi syılaýdy, kishige qamqor bolýdy, elimizge jaqsylyq jasaýdy.
2 - bastaýshy
- Biz neni súıemiz?
9 - oqýshy:
Otandy, ata - anany, halqymyzdy, dostarymyzdy, tabıǵatty, ustazymyzdy, mektebimizdi.
1 - bastaýshy
Biz neni ajyrata bilemiz?
10 - oqýshy:
- Jaqsylyq pen jamandyqty, aq pen qarany, aramdyq pen adaldyqty.
2 - bastaýshy
- Biz kim bolamyz?
11 - oqýshy.
Adal azamat, aqyldy arý, oqymysty ǵalym, elin súıgen er.
2 - bastaýshy
Ustaz jaqqan shyraqty
Óshirmeıik balalar,
Bárin - bárin bilesiń
Oqı berseń kitapty - deı kele, balalar bárińdi zerdeli, kóńilderiń sáýleli bolýǵa shaqyramyn.
1 - bastaýshy
Qymbatty qonaqta! Qazaq halqynyń bı, sheshenderi bir aýyz utymdy sózben, oralymdy, kelisti maqal - mátelmen nebir úlken daý-damaılardy sheshken. Sondyqtan maqal - mátelderdi úırený, onyń maǵynasyn túsiný bizdi qazaq halqynyń tarıhyn, mádenıetin, ádet - ǵurpyn túsinýge, sheberde, ádemi sóıleýge úıretedi.
Qanekeı, endeshe maqal - mátelderdiń maǵynasyna úńilip kóreıik.
Maqal - mátelder aıtysy.

Syrym:
- Sálemetsiz be? Kórgen jerde aýyl bar dep kelip qaldyq.
Álisher:
- Alystan alty jasar bala kelse, alpystaǵy bala sálem beredi,- demekshi qalyńyz qalaı?
Aıan:
- Alystan sálem beredi ádepti eldiń balasy,- degendeı qandaı ádepti balasyńdar.
Shákárim:
- Kelgenshe qonaq uıalady, kelgennen soń úı ıesi uıalady deýshi edi kelińizder, tórge shyǵyńyzdar, qonaq bolyp ketińizder.
Erslan:
Jat asyna qaraıdy, dos basyna qaraıdy - deýshi edi atalarymyz, qysylmańyz.
Syrym:
Qonaǵyn syılasa tórge shyq - degendeı tórge shyǵaıyq.
Álisher:
Jylqy kisineskenshe, adam sóıleskenshe – demekshi tanysa otyraıyq.
Erslan.
Myńnyń túsin tanyǵansha, birdiń atyn bil – degen. Esimińiz kim bolady?
Meniń esimim:
Shákárim:
As adamnyń – arqaýy - degen as alyp otyraıyq.
Aıan:
- Oıbaı - aý, jaqsy as qalǵansha, jaman qaryn jarylsyn.
Syrym:
Dosyńnyń asyn, qasyńdaı ish - demekshi Alla rıza bolsyn.
Álisher:
Dastarhanǵa as qoıdym, eki qoldy bos qoıdym – demekshi dosyń kóp bolsyn.
Aıan:
Kóńilmen berse qara sý da bal tatyr.
Álisher:
Iá, dosy joq adam, tuzy joq taǵam - demekshi dosyń kóp bolǵanǵa ne jetsin!
Shákárim:
Halqymyzda «Qonaq káde» degen bolýshy edi. «Ónerli órge júzer»- degendeı ónerlerińiz bolsa, kórsete otyryńyzdar.
Syrym:
Aldymen «Aýyldyń alty aýyzy» aıtylmaýshy ma edi?
Erslan:
- Jaraıdy, «Aýyldyń alty aýyzyn» men bastaıyn.
Kúı «Tepeńkók»

Álisher:- Qutty qonaq kelse qoı egiz tabady - degendeı, aýylymyzda toı bolyp jatyr.
Erslan:
Bir aýylda myń týysyń bolǵansha, ár aýylda bir týysyń bolsyn - degen.
Aıan:
Qonaqqa kel demek bar, ket demek joq - jaqsy otyrdyq qaıtaıyq.
Shákárim:
Qyryqtyń biri – Qydyr - degen, kelip turyńyzdar.
Syrym:
Taz taranǵansha – toı tarqar - demekshi qaıtaıyq.
Aıan:
Toıǵan jerge – toǵyz kel - demekshi taǵy kelip qalarmyz.
Shákárim:
Qonaǵyńnan altyn alma, alǵys al - degen, qane bir bata berip jiber.
Aıan: Bata beredi.
Júırik tildi aqyn bol
Jaqsylarǵa jaqyn bol.
Dostaryńmen tatý bol,
Dushpanyńa qatý bol.
Usaq bolma, iri bol
Óz ortańnyń gúli bol
Ata - anańnyń kóziniń sónbeıtuǵyn nury bol!
Kim bolsań da áıteýir
Azamattyń biri bol
Týǵan eldiń uly bol.
«Qara jorǵa» bıi.

1 - bastaýshy
O, ustaz, netken myqty, tózimdisiń,
Qol bastaǵan batyrdyń dál ózisiń.
Sharshasań da sezdirmeı kúlimdeısiń
Shákirtim bilim alsyn, bilsin deısiń.
2 - bastaýshy
Qarlyǵash apaı sizdi aıtyp maqtanamyz,
Beıneńizdi júrekte saqtaımyz.
Biz áli bıikterden kórinemiz,
Úmit penen senimińizdi aqtaımyz.
Hormen:
Myń alǵys sizge túlekten,
Myń alǵys otty júrekten.
1 - bastaýshy
Qarlyǵash Shákirimqyzy! Kelesi ónerimiz ózińizge arnalady.
Bı: Tarantella Dárıa

2 - bastaýshy
Balalar, senderge taǵy bir suraq qoıǵym kelip tur?
- Bizdi bolashaqqa ne bastaıdy?
Hormen:
Ustazdyń kórsetken joly.
Ata - ananyń aqyly -
Bolashaqqa degen senim.
1 - bastaýshy:
Bıyl elimizde qandaı oqıǵalar boldy jáne qandaı mereıtoılar bar?
12 - oqýshy:
Men Qazaqstan dep atalatyn memlekette týǵanyma maqtan etemin. Bıyl búkil eldiń basyn qosqan Samıt elimizdiń júregi Astana qalasynda óte joǵary deńgeıde ótti.
13 - oqýshy:
Qysqy Azıada oıyndary da Qazaqstanda ótip elimizdiń qorjynyna qanshama medaldar quıylyp, Azıadaǵy memleketter arasynda birinshi orynǵa kóterildi.
14 - oqýshy:
Sonymen qatar 3 - sáýir kúni kezekten tys ashyq Prezıdent Saılaýy ótip, Elbasymyz Nursultan Ábishuly Nazarbaevtyń ókilettiligi 2020 jylǵa deıin uzartyldy.
15 - oqýshy:
Bıyl Qazaqstan Respýblıkasynyń Táýelsizdigine týra 20 jyl tolady. Biz de osy Táýelsizdigimiz baıandy bolyp, elimizdiń damýyna óz úlesimizdi qosqymyz keledi.
Hor: Otanym - Qazaqstan
2 - bastaýshy:
Biz qazir qandaımyz, endi 20jyldan keıin qandaı bolamyz? Tamashalańyzdar!
(Ár oqýshy óziniń kim bolatynyn atap ótedi)
1. Sýretshiler Dıana, Kúnasyl
2. Dombyrashy Álisher, Erslan
3. Órt sóndirýshi İlıas
4. Muǵalimder Jadyra, Ásem, Aıajan
5. Fýtbolıster Mıras, Janaıdar, Temirlan
6. Dáriger Aıym
7. Bıshi Dárıa
8. Ushqysh Dastan
9. Ǵaryshker Shákárim
10. Dızaınerler Naýryz, Araı
11. Ánshi Syrym
12. Ǵylym mınıstri Damır
13. Qarjyger Aıan
14. Jýrnalıs Balnur
Boranbaıuly Aıannyń zertteý jumysy
Biz synypty 21 balamen aıaqtap otyrmyz.
Oqý úzdikteri - 2
Oqý ozattary - 13
Úlgermeýshiler - 0
4 jylda 2918 ret sabaqqa qatystyq
Tańǵy asymyzdy 15440 ret ishtik
4 jyldaǵy baǵalar sany - 3740
4 jyldaǵy qońyraý sany - 68000
1 mınýtta eń kóp oqylǵan sóz - 182
4 jylda 6552 dápter jazyp tastadyq
Jalpy boıymyz - 28 m 60 sm
Jalpy salmaǵymyz - 770 kg
1 - bastaýshy:
Shákirtterdiń tyńdap jaýap suraǵyn,
Jas sanaǵa tógip bilim shýaǵyn.
Hat tanytyp jón siltegen ómirge
Barsha janǵa qurmetti jan – muǵalim – deı kele bizge sabaq bergen ustazdarymyzǵa ózimizdiń ystyq lebizderimizdi bildiremiz.
16 - oqýshy:
Orysshany jattaımyz,
Orys tilinen qalmaımyz.
Sharbat Shaıkýlovnanyń arqasynda
Oryssha biz saıraımyz.
Unatady ol endi
Orysshany bilgendi
Sharbat Shaıkýlovnanyń arqasynda
Qysylmaımyz biz endi
2 - bastaýshy
Kelesi kórinisimiz Sharbat Shaıkýlovnaǵa arnalady. Ýchıtel ı ýchenıkı.

17 - oqýshy:
Balǵyn sábı bolsaq ta
Qadirińizdi bilemiz
Qaı qıyrǵa qonsaq ta
Maı nem ız dep úıretken
Amankúl Tleýbekqyzy
Ózińizben birgemiz.
1 - bastaýshy:
Myna ánimiz ózińizge arnalady. Qabyl alyńyz (aǵylshyn tilinde án oryndalady)

18 - oqýshy.
Asyr salyp oınaımyz
Jattyǵýdy jasaımyz
Boıymyzǵa kúsh jınap
Shynyǵýǵa jaraımyz
Sáýle Abdýevna siz úshin
Bárine de daıynbyz.
2 - bastaýshy:
Kelesi ónerimiz Saýle Abdýevnaǵa arnalady. Qabyl alyńyz.

19 - oqýshy:
Án salǵyzyp, bıletip
Notany da úıretip
Jaýlap alat júrekti
Án men kúıge bóletip
Horǵa da bizdi daıyndap
Árbir iske qaraılap
Eldos aǵaı turady
Kózinen kúnde nur oınap.
1 - bastaýshy:
Kelesi ónerimizdi Eldos aǵaıǵa arnaımyz.

2 - bastaýshy
Iá, búgin áńgime etkenimizdeı mektep tárbıesindegi basty tulǵa - ol ustaz, al januıadaǵy árıne ol ata - ana. Bala dúnıege kelgen kúninen bastap óziniń jumsaq alaqany, jyly júzi, meıirim toly kózqarasy arqyly barlyq súıispenshilikti bere bilgen ata - anamyzǵa alǵysymyzdy bildirip ánimizdi arnaımyz.
Án: Qazaqy dastarhanym Syrym
20 - oqýshy:
Bastaýyshym - balbulaǵym
Aldym senen bilim dámin
Árip tanyp, bilim alyp
Alǵysymdy jaýdyramyn.
2 - júrgizýshi:
Ótti sende qyzyq shaǵym
Bastaýyshym - balbulaǵym
Qoshtasar kún jetti mine
Qımastyqpen qol bulǵaımyn – deı otyryp qoshtasý válsin tamashalaıyq..
Qoshtasý válsi.

1 - júrgizýshi:
Endeshe, 42 áripti tanytyp, bilim bergen alǵashqy ustazymyz
Svetlana Nesipbekqyzyn ortaǵa shaqyramyz.
Muǵalim:
Qurmetti ata - analar, áriptester! Búgin «bastaýyshym - balbulaǵym» atty erteńgilikte osy tórt jylda arman qýyp, bilimge umtylǵan shákirtterimniń ónerin kórip, úmit - armandarynyń qandaı ekenin estip tamashaladyńyzdar. Halqymyzdyń izgi salt dástúrleriniń biri – úlkenderden bata alý.
«Jaýynmenen jer kógeredi, batamenen el kógeredi» deıdi halqymyz. Endeshe ata - analarymyzdan bata tileıik.
Muǵalim:
Halqymyz «Ton jaǵasyz bolmaıdy, el aǵasyz bolmaıdy» degendeı altyn uıa mektebimizdiń basshysy Qarlyǵash Shákárimqyzyna sóz beremiz.

Muǵalim:
Qosh meniń túlekterim! Aldaryńda orta bilimniń aq aıdyny kútip tur. Aq tilek, aq bata qabyl bolyp, aq jelkenderińiz arman jaǵalaýyna adastyrmaı jetkizsin!
Bastaýyshty bitirgen baǵylandarym
Qýat bersin bilimnen qorǵandaryń
Altyn besik armanǵa jeteleıdi,
Oryndalsyn sol asqaq armandaryń.
Aq jol saǵan meniń bastaýysh synybym!

Hormen:
Azamaty bolsyn dep sanaly eldiń
Kiltin berdiń bilimniń, san ónerdiń
Qımaı - qımaı bizderdi, aıaýly ustaz
Aq jol tilep, qol bulǵap qala berdiń.