InfoHub Logo

Bastaýyshym - balbulaǵym
Maqsaty: Bilimniń sara joly mektepten bastalatynyn, bilimniń keń dúnıede ómirge esik ashatynyn sezindirý. Bilimge degen qushtarlyǵyn arttyrý, bilimdi bolýǵa shaqyrý.
Bastaýysh synybymen, bilimniń alǵash esigin ashqan ustazdarymen qoshtastyra otyryp, olardy qurmettep, eńbekterin baǵalaı bilýge tárbıeleý.
Jaýapkershilikke tárbıeleý. Óz Otanyn súıýge, qorǵaýǵa, ana tilin qadirleýge úıretý.
Kórnekiligi: sýretter, qanatty sózder jazylǵan plakattar.
Barysy:
Qurmetti ata - analar, ustazdar, oqýshylar! Sizder keshe ǵana osy mektep tabaldyryǵyn tarydaı bolyp attap, búginde aqyl - oılary tolysyp, jaqsy men jamandy aıyra bilýdi úırengen balalaryńyzdyń uıymdastyrýymen ótkizgeli otyrǵan «Bastaýyshym-balbulaǵym» atty erteńgiligimizge hosh kelipsizder.
Kúni keshe ǵana mektep tabaldyryǵyn jasqana attaǵan balalaryńyz búginde er jetip, oqyp bilip, qanattaryn qataıtyp bastaýysh synyppen qoshtasqaly otyr. Balalaryńyzdyń osyndaı qýanyshty da qaıtalanbas kúnderimen shyn júrekten quttyqtaımyn.
Armysyzdar, áleýmet, kesh qonaǵy,
Búgin bizde mereke asa mándi.
Qýanyp, zer salaıyq, eı halaıyq!
Balǵyndardy qoshemetpen qarsy alaıyq!
Oqýshylar váls bıimen ortaǵa shyǵady.

İ. Abzal jan bar bıik tulǵa, baısaldy,
Qushaq jaıa shákirtterin qarsy aldy.
Búgingideı saltanatty shaqta bir,
Quttyqtaıdy mektep basshysy barshańyzdy.

1. Kóz salyp qarańyzshy boıymyzǵa,
Ortaq bop búgingi ósken oıymyzǵa.
Qosh kelipsiz ustazdar, ata - analar,
Bastaýyshpen qoshtasý toıymyzǵa.
1. Qadirmendi qonaqtar! Qymbatty ustazdar, Aıaýly ata - analar! Biz búgin eń alǵash qalam ustatyp, álippeni úıretken súıikti ustazymyzǵa rahmet aıtý saltanatyna jınalyp otyrmyz. Sonymen «Bastaýyshym - balbulaǵym» atty erteńgiligimizdi ashyq dep
jarıalaımyz.
2. Ustaz! Osynaý sózde qanshama mán - maǵyna jatyr deseńizshi! Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da - bári - bári ustazdan bilim alǵan. Sondyqtan, ulaǵatty ustazdar sizderge qurmetpen bas ıemiz.
2. Armysyzdar, muǵalimder, áz jandar,
Bilim izdep ınemen qudyq qazǵandar.
San urpaqty tárbıelep oqytqan,
Ómir degen úlken jolda tarlandar.

Búgingi kún qoshtasady bastaýyshpen balbulaq
Án menen jyryna, tarlandarym, sal qulaq
Keshe sábı, búgin mine jas ulan
Laýlap jansyn bolashaǵyń shamshyraq.

3. Ózińde ósip kóktedim,
Baqytqa mine jetkenim.
Balalyǵymnyń kýási -
Súıikti bastaýysh mektebim.

3. Tárbıe, bilimdi jalǵaımyn,
Búgin men eseıgen jandaımyn.
Qosh bol, bastaýysh mektebim,
Men endi bıikke bastaımyn.
Bolam men elimniń qyrany,
Kógimde kók týym tur áni.
Qadamym bastaldy jańaryp,
Bastaýysh - bilimniń bulaǵy.

4. Esimde ustazdyń alǵash qarsy alǵany,
Aıqara esikti ashyp tastaǵany.
Bir mereke dýman bop osy mańda,
Jetelep synypqa alyp barǵany.

4. Aqylshy, asyl ustazym,
Ózińe men de uqsarmyn.
Jetkenshe qaırat, kúsh - álim
Bıikke samǵap usharmyn.

5. Aqylshy, asyl ustazym,
Jolymdy aıqyn nusqadyń.
Qasyma kelip qansha sen
Qamqor bop qalam ushtadyń.

5. Nur júzinen jyly shýaq tógilgen,
Shákirtterin súıgen taza kóńilden.
Taǵlym berip jas urpaqqa qashanda,
Óz soqpaǵyn tapqan myna ómirden.

Án: «Ustazym» Sózin jazǵan: A. Shamkenov
Ánin jazǵan: Á. Espaev
6. Bilim negizi – bastaýysh mektep.
Egemendi elimizdiń ósip kele jatqan urpaǵyn oıly da isker, jigerli de batyl, ózine - ózi senimdi, ıntellektýaldyq deńgeıi bıik, dúnıetanymy durys qalyptasqan azamat etip tárbıeleýde mekteptiń alatyn orny erekshe. Mektep - qazirgi qoǵamnyń damýymen, áleýmettik praktıkamen tyǵyz baılanysty. Mektep ómiri balaǵa jańa álemniń esigin ashyp berip, rýhanı dúnıesiniń qalyptasýyna negiz salady.

6. Tárbıeniń san - salaly, kúrdeli máselelerdi tereń oılaýǵa bastaıtyn, kúndelikti turmysta kezdesetin daǵdylar arqyly balanyń jan dúnıesine áser etetin bilim men tárbıeniń alǵashqy baspaldaǵy – bastaýysh mektep.
Bastaýysh saty - bilim, daǵdy, iskerliktiń qalyptasýynyń bastamasy bolyp tabylady. Keleshekte jalpy bilim alýmen kez - kelgen arnaýly mamandyqtarǵa talpynýdyń irgetasy osy bastaýyshtan qalanbaq.

Bastaýyshym - balbulaǵym. júkteý