InfoHub Logo

Qaqaǵan qys kúnderi eken, Juqanyń kórshileri Juqaǵa ózderin bir ret qonaq ettirmekshi bolyp:

— Juqa, biz bas tigisip kórsek, eger báste ótip ketseńiz, sizdi úırek eti jáne maıly toqashpen qonaq qylsaq, al biz utsaq, siz de solaı etseńiz, — depti.

— Nemenege bástesetindigimizdi aıtyńyzdar, — depti Juqa.

— Siz alańda ot jaǵyp jylynbaı tań atqansha turasyz, — depti kórshileri.

— Jaraıdy, sóz sharttan jazbaımyn, — depti Juqa kesetip.

— Juqa, jaqsyraq oılanyńyz, úsinip qalmańyz! Jaman aıtpaı jaqsy joq, úsıtińiz bolsa, álde kimdi alashaq-bereshegimiz bolsa aıtyp ketińiz, — deıdi bir kórshisi.

— Men senderge quryshtaı berik denemdi, jartastaı muqalmas jigerimdi kórsetip qoımaqshymyn. Men qanshalaǵan túnderdi ıen dalada mazarlyqta ótkizdim deseńdershi, onyń janynda bir tún alańda turý nege turady. Kópshilikke rahmet, aıtatyn ósıetim de joq, qaltam da qurǵaq qazir, — deıdi Juqa.

Eki jaq osylaısha kelisip, Juqa alańda týp-týra bir tún turady. Tańerteńinde kórshileri kelip onyń kúıin suraǵanda, ol kúlmiń qaǵyp:

— Men túnde aǵash japyraǵyn samal jeldiń syldyrlatqanyn ǵana estidim, alystan bir jyltyrlaǵan jaryqty kórdim, — deıdi.

— Juqa utyldyńyz, biz sizge otqa jylynbaısyz degen edik qoı, siz sol alystaǵy ottan jylynypsyz, — deıdi kórshileriniń biri. Sonymen, basqalary da bul sózge qosyla ketip, Juqany ózderin qonaq etýge jyǵady.

— Bulardy, senderdi qonaq eteıin, — deıdi Juqa.

Bir kúni keshte Juqa kórshilerin tamaqqa shaqyrady. Kórshilerinen bir qaýym adam onyń úıine baryp, astyń pisýine qarap áńgimelesip otyrady. Biraq olar qansha tossa da, Juqa aldylaryna taǵam ákelmeıdi, sonymen, ishterindegi bireýi:

— Juqa, bizge daıyndaǵan tamaǵyńyz qaıda? Qursaǵymyz ashyp ketti, — deıdi.

— Sál taqat qyp turyńdar, azyraq taqat qylyńyzdar, — deıdi Juqa. Tún jarym bolǵanda baryp Juqa tamaqqa jabdanady. Juqa shyǵyp ketkennen keıin otyrǵandar:

— Eı, bul qý bizdi otyrǵyzyp ketpesin! — dep kúbirlese bastaıdy. Olar osyny aıtyp ashanaǵa shyqsa, aıtqanyndaı-aq Juqany kóre almaıdy. Sonan aýlaǵa kelip qarasa, Juqa aǵash basyna qazan asypty da, astyna bir maı sham jaǵyp qoıyp, qannen qapersiz otyrypty. Muny kórgen kórshileri:

— Eı, qaljyńnyń da óz joly bar emes pe, bizdi búıtip ashyqtyrǵanyń qaıtkeniń, — dep dúrse qoıa beredi.

— Sizderge tamaq pisirip jatyrmyn ǵoı, — deıdi Juqa.

— Qazandy aǵashtyń basyna asyp astynan syǵyraıǵan maısham jaǵyp qoısań, qazan qashan qaınamaq? — dep suraıdy kór- shileri. Sonda Juqa:

— Sizder netken umytshaq edińizder? Úsh kúnniń aldynda men bir fersah qashyqtyqtaǵy jyltyraǵan jaryqty kórdim degende sizder meni sonan jylynyp aldyń demep pe edińizder, bir fersah qashyqtyqtaǵy jyltyraǵan jaryqqa adam jylyna alatyn bolsa, astynda turǵan shamǵa qazan qalaı qaınamaıdy eken, — dep jaýap beripti.

---